大快活 (京都廣場)

晚餐我拣咗「茄汁大骨猪扒焗铁板」，套餐包餐汤、饮品，仲送雪糕杯，$68 价钱算亲民。铁板上枱时热气四散，茄汁酸香即刻扑鼻而来。大骨猪扒煎得金黄，边位微脆，肉质扎实有嚼劲，配上酸甜平衡嘅茄汁，味道开胃。伴碟嘅肉酱意粉份量唔少，肉酱香浓，混合茄汁后更惹味，不过意粉煮得偏软，钟意爽口口感嘅朋友可能觉得一般。餐汤系罗宋汤，酸甜适中，蔬菜煮得入味，暖胃又解腻。饮品我拣咗热柠檬茶，虽然茶味唔算浓，但柠檬香气十足，搭配主菜刚好平衡油腻感。最后送嘅雪糕杯虽然系简单甜品，但冰凉香甜，作为餐后小确幸都唔错。整体嚟讲，呢款铁板套餐够热、够饱、够抵，适合放工后想快靓正食一餐嘅人。🍝🍖🍦…查看更多

经常嚟呢度食早餐.喜欢佢早餐有多款特价.呢度职员平时服务几好.不过今次唔系堂食又不是早餐.今日系外卖....见到广告外卖盐焗鸡免切$49.是日去开糖街陶宝取货.记得外卖原只鸡四十九元.专登行过嚟买番只.当时系一点十五分同收银讲.要一只盐焗鸡外卖.点知收银回覆话此外卖是两点.噢！咁我唯有讲我转头过嚟买.收银立即回应等等...连随走去厨房区问.好快同我讲厨师帮我即做.大约二十分钟就有.我当时很开心.大约二十分钟就取回家了。首先要讲呢度服务真系有心.多次堆出不同特价外卖或堂食.佢哋啲关爱长者卡也可以减$3我经常啰我爸爸或妈妈的客来用佢哋都照做比我..我次再要赞就系明明规举两点先有特价外卖.收银肯帮我尝试去要求厨房做比我更难得系一点多仍算午餐时间.厨房都可以专登做给我.呢啲咁嘅服务态度真系称得上用心！至于食物（盐焗鸡）味道就普普通通..因为他们咁用心服务态度所以专登写个食评来赞…查看更多

lunch time同同事去咗大快活揾嘢食 见到餐牌每周惊喜 - 泰式烧鸡上髀拼珍宝肠肉燥饭配冻绿茶 决定一试 烧鸡上髀啖啖都系肉 好鲜嫩 口感唔错 但唔系好大块 至于珍宝肠就唔好食 皮唔脆嘅饭方面可以免费转红米饭或者意粉 肉燥都唔算多 搭埋蔬菜 仲有杯热饮 性价比拉满分…查看更多

收工行到周围都唔知食咩好，岳高头见到呢间嘢，唔使谂上去睇下有咩食，竟然见到有个咁嘅杂扒餐，𠮶幅图好多食物好丰富就试下啦，酥皮汤好脆隔离𠮶个包就唔知做乜，杂扒嚟讲都算细件，条肠最正，个汁可以，七十几蚊呢个价钱食到咁多嘢冇得挑剔。…查看更多

每一个早上我都会去大快活呢度食早餐因为比较近公司，虽然人流都比较多！好彩大家都系快食快走！但系午市时间真系太多人啦！一定要买外卖😆我喜欢他们的早餐是因为比较新鲜！而且味道亦都比较传统！而且他们的服务很好！…查看更多