影片
冬天冻冰冰就系食煲仔饭嘅好时候, 今次去一间连锁快餐店试下佢哋嘅煲仔饭, 叫咗个豉椒排骨煲仔饭, 平时豉椒排骨盅头饭就食得多, 煲仔饭就比较少食。 呢个煲仔饭分量相当丰富,有排骨、荷兰豆同主角排骨,本身d饭有煲仔焦香,排骨吸收晒餐厅提供的酱汁,十分惹味。
继续阅读
虽然日头踩完单车，但今次由大埔至乌溪沙线都喺松于轻轻路线，所以，踩完都唔觉点攰。而夜晚有小组聚会要开，故此，接住落，食埋晚饭时间就啱啱好。为方便起见，食饭嘅地方就揾最就脚聚会地方附近嘅「大快活」。 呢间大快活屈晌个小型商场里面，位置可以讲几「偏僻」，好少区外客，帮衬绝大多数都喺街坊、附近活动嘅团体。所以，一般而言，大部份时间都喺客人唔多。有咩食都唔讲咁多，本地几间连锁快餐店，经常卖广告，菜式大致有咩大家都好熟吓。一人火锅、煲仔饭、烧味饭、焗猪、咖喱……都喺𠮶啲啦。 香葱猪扒饭 $43.5拣呢款猪扒饭都喺贪佢平平哋，够稳打稳扎，又包埋嘢饮。果然，够平实，一碗白饭份量，两大件煎猪扒，再淋上葱油汁，不过，伴菜就次次都喺炒平价嘅椰菜。猪扒都煎得香口嘅，肉质亦松化，总之，你唔太多要求，佢哋嘅出品都叫OK。身边唔少人话阿活啲奶茶滑，不过，饮咗咁多次，小弟就唔觉喇，但茶味就不俗，几香浓。 顺有一提，晚市有提供送餐服务，当然，以快餐店而言，已经喺好好，但更细心嘅喺，另外醒多杯热水过水，唔喺用嚟饮，而喺浸餐具，呢份贴心客人会睇在眼里。 虽然，对大快活嘅出品印象麻麻，但时不时都偶有佳作咁啦，今次嘅猪扒饭，OK㖞。
继续阅读
茱苿茉……几字易混淆， 「茉」字出现在餐牌是少见。当然可解释为茉莉花 。但「肉茉汁」似无茉莉味道。查有「芥茉」，「姜茉」，未知「肉茉汁」何解。入口觉得有日本面豉味道，带酸，十分醒神开胃，开了味界。外卖是汁液另杯上，足有半杯，足够一碟半日本米饭伴食。40多元，性价比高。吉列牛肉味淡，猪牛莫辨。汁液才是主角。是平生第一次尝此汁，似梅酱面豉酱蒸排骨，但酸度较低，咸度适合，令我惊喜。米饭糯软而粒子分明。如长期有日本米饭供应便太好。
继续阅读