影片
营业时间
今日营业
07:00 - 21:00
星期一至日
07:00 - 21:00
以上资料只供参考，请与餐厅确认详情
大前日（3-8-2025 Sun）傍晚，同老公做完家务后煮饭，佢系咁话天气热，做完家务重要煮，好辛苦，不如落去凉住冷气食 唔使煮又唔使洗。唉！俾佢赢啦，咁食边间？一乐？佢话大快活铁板餐，咁走嚟睇吓吸唔吸引先。睇吓menu，铁板餐系$64.00起，亦有$136.00嘅二人餐，研究咗，原来二人餐同咗两杯啫喱，咁决定要二人餐。买完飞，等咗几分钟，听到嗌我哋no.，老公就去攞，分咗3个盘，我哋要杂扒（牛扒，鸡扒，猪扒同珍宝肠），带骨大猪扒＆珍宝肠，烧汁，黑椒汁，迷你肉酱意粉，迷你粟米肉粒饭，罗宋汤同可乐。我哋自己落汁，铁板唔系太热，一啲烟都冇，不过都啱嘅，安全啲嘛。首先饮啖罗宋汤，有好多菜，味道唔浓亦唔会好辣，ok嘅。珍宝肠嘅？口感系腍到近乎霉，唔掂。牛扒系平嘢冇牛味就一定;鸡扒juicy;杂扒中嘅猪扒又薄又柴皮;带骨大猪扒就厚啲同唔柴;黑椒汁唔辣;烧汁味道普通。迷你粟米肉粒饭呢？睇见肉粒已经干，食落，白汁唔够，粟米粒唔甜，肉粒更加系干柴，有啲难哽，老公就加自己攞嘅火锅汤同豉油食，就好好多。迷你肉酱意粉，明显呢个味道同口感对版。最后嘅啫喱，打开睇见到有淡奶，舀起睇系黄色嘅，一食，原来系柠檬味，味道有啲假。其实食完啲肉都够饱，唔须要再有淀粉质，建议可降低价钱而选择加配，重可以加配一碟菜。每人几十蚊食到叫做铁板餐，都唔可以要求太高。题外话：我哋食食下嘅时候，见到有个坐轮椅嘅叔叔自己揾位，佢喺我哋右边张二人枱推开张凳，但唔会推得远，我老公就起身帮佢将张凳拉去第二喥，其实喺呢个时候，我哋左边张枱有个戴眼镜嘅中年女职员企喺喥，同两个熟客倾𡁵计 ，亦面向我哋右边，佢就算见唔到个轮椅叔叔要移开张凳，都应该睇到我老公走去将张凳移去第二喥，佢都可以唔帮手接力。之后我只见佢帮客人捧过两次餐，其中一次就系帮佢嘅熟客，之后全程唔见佢，但有个戴眼镜嘅后生仔就好勤力同有礼，又捧餐又执嘢几次，重喺个轮椅叔叔食完走之后，将张凳移返过嚟。上次食评系2025年7月18日提交嘅呢篇：https://www.openrice.com/zh/hongkong/review/b-%E4%B8%80%E9%96%8B%E4%BA%8C-e6128420
继续阅读
连锁快餐店， 食物质素应以稳定见称。但石围角这间大快活， 食物是冻的，连早餐通粉的汤也是不热的， 食物安全相当成疑。食物是否好味， 实属主观意见。 但是食物温度，是最基本及客观的。 光顾其他地方的大快活， 食物也是热的(绝对不会是冻冰冰的)。作为连锁快餐店的管理，食物质素不是有一定标准吗？
继续阅读
想食个快嘅早餐，就拣大快活Order 左两个套餐，再加一份通粉个蛋煎得好靓，好好味，鸡排都推荐炒面同肠粉嘅配搭就肥腻咗啲，油咗啲食客唔算好多，所以出餐都好快店员都好有礼貌
继续阅读