影片
招牌菜
睇广告见到大快活出左干咖喱鸡餐,听人讲话干咖喱唔系咁易食到,又话有时系印度餐厅卖得好贵,既然系咁,以三十几蚊既代价,一试无妨呀!原来一份餐都好丰富,先有两件大鸡,夹埋应该系半只份量,食落的确有咖喱味,但系唔算好辣果只,不太好辣人士都应该顶得顺,由于系干咖喱,唔似平日食咖喱咁会有好多汁,所以唔使旨意可以咖喱汁捞饭…话时话,佢俾既系普通白饭,我心谂,如果系炒底,会令个餐生色不少!另外,建议大家食鸡时用手食,一来咁样食起黎方便些,二黎好似有点风味咁,哈哈!反正佢都俾埋手套你,咁先食得过瘾嘛!我觉得鸡既质素唔错,肉嫩亦都少肥,唔油。不过,有一样野都好正,就系配埋落个餐度既蒜茸包,好香蒜茸味,又热㖞,好味呀!记住即食呀!不如俾多几件包我,我唔要饭呀!(讲笑咋!哈哈!)
继续阅读
上星期同阿妈去了试大快活ge牛锅王火锅。要了一个肥牛杂锦同一个肥牛黑豚肉，再加了两杯蜂蜜绿茶。酱料有豉油、蒜蓉同辣椒仔，将佢地捞埋一齐个味好得好惹味，尤其是系d生蒜蓉，能带出食物嘅味道。肥牛一碟有成差唔多十块，肥瘦均匀，有肉味。黑豚肉有五、六片，偏肥，切得薄薄的，好快熟。杂锦其实都系得d杂菜、牛丸、少得可怜ge鸡柳、粉丝、和河粉、豆卜、豆腐、金菇、猪皮、白萝卜...etcd杂菜正如之前食评所言，好似无咩点洗过，仲好似摆jor好耐，个边已变黑。真系惊食食吓会有菜虫浮出黎！！！牛丸系现货交黎，好多油，又实。豆腐有怪味，闻就无酸，但第一啖食落又觉得有少少酸，好在食完无肚痛！粉丝、和河粉都好得，吸尽d汤嘅精华！不过人手真系严重地短缺，全场得三个阿姐，打咗好耐都只系加过一次水。搞到我无晒汤，我都系第一次打边炉打到最后得一cm唔够ge 汤，真系滴汗。由于呢间野唔算多人，环境比美心静好多。但唔钟意佢d炉，要点劲耐先点得著；点o个阵仲不停有烟同"毒气"释放出黎，一边打仲闻到"毒气"味，吸得多都唔知会唔会致癌?！
继续阅读
每年至少都要出街食一次火锅，上酒楼任食火锅闲闲地都要成百蚊落楼，去快餐店明码实价好d。三个女仔叫左一个牛锅王+豚肉火锅(各$47)，再加$6饮杯梅子沙冰，够食有余。牛肉同豚肉其实唔算多，牛肉都系得十块八块到，一阵就食哂。d肉类味道就ok，不过d菜就好似冇乜洗咁(见附图)，冇洗之余仲切得鬼死咁大条，有排浸先熟。个梅子沙冰都几特别，其实好似酸梅汤变左做思乐冰!仲有佢既酱料有豉油、蒜蓉(好味)同辣椒仔，好食过某d酒楼既火锅酱料!我地落order既时候，唔知点解个收银会听左我地要例汤(打边炉仲饮例汤??)，等我去到攞既时候先知唔对路，好彩经理都好好人，肯帮我换番!
继续阅读
糯米鸡配皮蛋生菜粥(大) $19粥一食落口是暖的, 咁梗系出去换啦, 即买即食都唔热, 食唔热的粥倒不如唔好食吧.点知出到去佢话卖清, 咁唯有换火腿通粉. 好一般啫, 好彩只糯米鸡襟饱.
继续阅读
有一排成日去食早餐... $17都ok. 通常食多士, 鱼柳, 炒旦, 奶茶, 加几蚊有通粉。虽然是快餐, 但是绝对不会有"食垃圾" 的感觉。d 野够热, 不会觉得很油。
继续阅读