大快活 (欣田商場)

营业中

休息中

星期六約咗波友打波喺兆康站集合，發覺兆康站冇嘢食，google行遠少少揀咗欣田村呢間大快活。過完年大家都食到肥咗，要注重健康；揀咗呢個$29嘅輕怡早餐。無糖麥皮，大大兜唔會浠瀨瀨，烚蛋亦新鮮，多士鬆軟；加杯熱齋啡。呢度唔難搵位坐得舒服。

今日又到兆康附近做嘢，大快活用Apps點餐可以平$12，搵咗附近欣田邨呢間大快活。兩兜友叫咗兩個輕怡早餐。有麥皮、烚蛋、多士，例牌叫杯熱齋啡。要夠$60先用得優惠。加多$6要個魚肉燒賣。呢間欣田村大快活坐得舒服，份量又足。多士夠鬆軟。前台服務殷勤，簡直係大快活嘅典範。

見佢價錢都好抵食，第一次試佢哋嘅煲仔飯！我今次試咗 臘味片蝦醬蝦乾豬頸肉煲仔飯 ，食煲仔飯最重要就係啲飯，最怕食到煲仔飯嘅飯爛晒一pat嘢…呢個啲飯用水適中好爽一粒粒架👍🏻講下啲食材先～臘肉同臘腸片鹹香適中，油份滲晒入米飯，成煲飯都香噴噴！用蝦醬醃製嘅豬頸肉肉質嫩滑份量都唔少；再配上鮮味嘅蝦乾，仲有埋焦香十足嘅飯焦，加埋九十年老字號冠珍醬園秘制陳皮豉油，好味到成煲俾我清晒😋下次要再試埋其他款式嘅煲仔飯先得！

蜜汁燒雞髀 +湯米粉 熱奶茶 $40諗唔到食咩好，今日去左大快活食下午茶，湯米粉真係好清，建議都俾條菜啦😂印象之前都好似有雪菜肉絲揀架😅蜜汁燒雞髀，都燒得幾靚，都正常，好味嘅！熱奶茶正常，冇特別！

鮑魚蛋蓋雞粒蝦汁煨飯晚餐買左個外賣返屋企食，落order前我被餐牌上嘅相片吸引左我，我揀左「鮑魚蛋蓋雞粒蝦汁煨飯」，點知返到屋企一打開個外賣真係勁失望，只係得一隻鮑魚、炒蛋、同所謂嘅蝦汁（係茄汁飯），完全係冇左雞粒，個飯真心好難食！我覺得好唔抵食，完全唔值70蚊嘅飯！

很久已經沒有去大快活吃早餐了，因為要等候店舖的開門，想找地方坐低，一眼就看見大快活，所以今天就嚟到大快活吃早餐。發現原來非常抵食，今天叫了個驚喜早餐$33，凍飲加三蚊，有肉燥麵、炸魚柳、、薯餅凍咖啡，都只不過$36，味道不過不失，一貫大快活的味道。滷肉麵湯底比較鹹，滷肉味道不過不失，不過面生比較硬，我喜歡比較軟身麵。炸魚柳非常香口，不油不利，而且大大塊，配上沙律醬，錦上添花，值得推介！炸薯餅和炸魚柳的感覺一樣，非常香脆，比麥當勞的差。凍咖啡味道一般，連鎖式的咖啡店的咖啡質量，有一段距離，不過$36一個早餐的價錢，也不要要求太高了！

知道今日大快活有新野出，酥皮雞煲，最愛大快活既我就梗係即刻狗沖落去。叫左一個蘇皮雞煲加多個雜扒餐。先點評個雜扒餐，扒就覺得有d縮水不過鐵板溫度仍然保持到，倒黑椒汁落去都有jer jer聲，彈到周圍都係汁既感覺好美好。跟住跟餐個意粉，略為硬左，感覺上好似有d 未熟既口感，唔太fit我。跟住最失望係個雞煲，酥皮絕對係無投訴，因為酥皮牛油味好重，而且香脆鬆軟，用筷子夾落去會化晒爛曬，一如既往既好評，比酥皮。個雞煲雞肉唔多啦，得6塊左右，雞翼位置，全部洋蔥墊底，食落去味道無香辣既味道，私係午市蒸雞既味道。真係耐人尋味

放寬晚市堂食人數之後，人流真係多啲，好彩仲俾我搵到個空位坐。出餐嘅速度都快，坐唔夠五分鐘就準備好喇。雜扒鐵板餐 $64加左$5會多個肉醬意粉，分量都唔細，除咗肉醬仲有少少辣味，真心算唔錯，意粉都煮得透，唔會話太硬😋個脆豬包上面有好多粉，附送牛油，不過個包有啲難切開，成個包食唔到咩味，普通面包一個。佢個薯餅送到黎仲係脆，建議食咗先好淋汁😂 成個餐會有一塊牛扒、豬扒同雞扒，正常快餐店質素，大小適中，味道純粹黑椒汁嘅味。呢個價錢嚟講算抵食，雖然唔係咩高檔肉，但絕對食得飽。

今日天寒地凍諗住夜晚打邊爐，點知去到街市連烏冬都賣斷貨，咁就索性乜都唔貴煮，去附近間大快活直接食晚飯算。去到嘅時候真係好鬼多人，最後嗰兩個空位都已經畀我坐咗，周圍都有人企喺度等位。我哋嗌咗個2人晚餐，包一個煲仔飯同一個小菜套餐，另外加咗羅宋湯同豬仔包。夾埋100蚊左右。花旗參湯唔夠雞味，淨係飲到少少花旗參嘅苦味。我個人鍾意飲羅宋湯多啲，裏面嘅菜嘅份量都十足。豬仔包就擺到硬曬，一啲溫度都冇，淨係覺得個皮有少少脆。小菜嗌咗椒鹽肉排飯，味道一般，微辣，分量中庭。 配菜嘅薯仔粒好乾，畀咗好多炸蒜但係根本入唔到味。煲仔飯嗌咗臘腸排骨，但係等咗三十分鐘都未出餐，原來係佢哋出飛嗰度有問題，小菜嗰個食完，煲仔飯都未到，又餓又凍真係好辛苦。 不過個煲仔飯好食嘅，好鍾意食佢啲飯焦，燶度啱啱好，臘腸香味又十足，出餐嗰陣仲冒緊煙，食到個人都暖番曬。

疫情嚴重，都係留係屋企算啦，落街買野咁岩到左下午茶時段，咁就入去大快活睇下有咩食先！望見餐牌都好似唔錯，都好多選擇，今次簡左食西多士，再加左香辣肉醬上海麵，佢既西多士標示寫住蛋味香濃，食落真係好重蛋味，再配埋煉奶簡直係正呀！而佢既香辣肉醬上海麵都幾好食，正體黎講都ok的！

夜晚屋企無煮飯，又唔想煮野食，咁岩屋企樓下有間大快活，咁就決定買外賣歸家食，大快活既小炒一向都覺得係幾好食，價錢唔算貴，都算係平民既快餐店啦，平時自己就好鐘意食佢既咕嚕肉，果然都係一如以往咁好食呀