大快活 (MegaBox)

营业中

休息中

今日晏晝去咗大快活醫肚，叫咗個咖喱牛腩飯，一上枱就聞到好香咖喱味！牛腩份量都算足，煮得夠淋，仲有啲筋位咬落好正，不過有兩舊就瘦咗少少。咖喱汁唔算好辣，但幾香濃，撈飯食好開胃。可惜啲薯仔就煮得唔夠粉，有啲硬掘掘。整體來講，$60蚊都算超值，經過肚餓可以再encore！

好耐冇嚟呢度下午茶，通常去另一間快餐店今次嚟到大快活突然間覺得下午茶嘅款式好多喎，又有啲雞翼西多士啦，又有米粉配迷你熱狗，仲有啲即食麵配雞翼比平時去另一間快餐店選擇多，今次食呢個米粉都幾爽身，唔會過林，迷你熱狗都唔算好細，有啲沙律醬，菜同埋香腸，食落都唔錯。不過佢個托盤有啲拱起，所以放嘢食嗰陣熱飲即刻倒瀉咗因為比較斜個托盤一放低就平衡唔到。好彩另一個托盤兜住晒啲熱飲，冇焫親，之後搵服務員攞紙巾態度都唔錯。

今天早上，我去了大快活吃早餐。這家餐廳有很多美味的食物，讓人難以抗拒。在大快活，我點了一份中西式混合的早餐。首先，我品嚐了兩隻荷包蛋。它們是煎熟的非常好吃。蛋黃流淌出來的時候，我感到非常開心。接著，我品嚐了中式的蘿蔔糕。蘿蔔糕是用新鮮蘿蔔和米粉做成的。它們呈現出軟嫩的口感，加上豐富的蘿蔔香味，真是讓人垂涎欲滴。除此之外，我還吃了一份火腿通粉。通粉配上嫩滑的火腿和清湯，每一口都讓我感受到不同的口感和味道。最後，我喝了一杯熱齋啡，愉快開始這個週末。

大快活差不多是我每天早上必去的餐廳，我最喜歡它的精選早餐。早餐選擇很多，但精選早餐之中，我最喜歡吃腸仔茄汁通，早餐份量大，最妙之處，就是可以帶兩隻蛋打包回家慢慢食。

每次嚟到大快活都一定會食豉油雞髀，配一碗大米粉，加埋一杯大大杯嘅紅豆冰，價錢亦都好平民，雞髀味道10分正，紅豆冰裏面嘅紅豆份量，亦都非常多，大大杯，食晒成個餐都非常飽

前幾日去咗九龍灣做野，Lunch hour嘅九龍灣，真係多人到好誇張，左揀右揀，都係有好多人，要排長龍，於是就決定買外賣返去食，見大快活都比較少人排隊，於是就入咗去買個外賣返去公司食，費事同人迫，於是我就揀咗個蔥油雞飯，整體用餐感覺都幾好，首先啲雞都比較嫩滑，蔥油又夠多，都幾好味，😋😋😋啲飯都OK，有飯香。可惜美中不足的是個份量太少，一個餐，我作為一個正常食量嘅男人，真係到喉唔到肺🤦‍♂️🤦‍♂️🤦‍♂️如果分量多番d ,就可以

自從食過一次大快活之後好似發現新大陸咁，第一次食嘅早餐蕃茄扭扭粉真係好好食，第二次食嘅係lunch咖喱牛腩飯都好好食，今次叫下午茶就失望啦。賣相都算幾靚仔，但係個包入面啲餡分布唔平均，一個包嘅火腿係多到凸出來，令一邊係得返一啖火腿，冇火腿嘅味道當然爭好遠啦。雪菜肉絲米粉，基本上都冇咩大問題，唯獨是啲湯係清水嚟，如果唔食肉絲就咁一啖米粉就好似食緊有口感嘅普通水咁。其實加啲味精掉落個湯度唔係咁難掛？🤣

聽講大快活煲仔飯同埋打邊爐呢兩樣嘢比同行對手大家樂優勝，於是今日特登去試吓佢哋個打邊爐得唔得，入到去見到餐牌寫住四安士肥牛$69，半磅要$81 ，我諗多數人都係揀半磅啦，再加$5整杯柚子梳打，埋單$86其實真係有點貴。湯底我選擇了香茜皮蛋湯，呢個餐嘅配料最特別係加咗一條油條，不過食落林pat pat一啲都唔好食，主角牛肉就非常好食有肉味，但係嚴佢切得太薄，一陣風咁就食晒啦，其餘配菜正常冇咩特別，最後還有一杯雀巢雪糕。

今日天氣不穩定，又有雷暴警告，所以決定喺公司附近食午餐，結果揀咗去大快活，睇咗好耐餐牌都未決定到食咩，之後聽到有人話唔知咩肉餅幾好食,是但啦就叫咗個香煎粟米馬蹄肉餅拼豉椒燜雞仲有個湯餸（節瓜章魚眉豆唐排湯👍）粟米馬蹄肉餅～可能煎定擺喺度一啲都唔脆，但味道香濃，都有65分😆豉椒燜雞～色澤賣相一啲都唔吸引，但係味道還可以，只有50分節瓜章魚眉豆唐排湯👍👍👍最驚喜嘅就係我叫了個橄欖油意粉代替飯，分量十足，加了橄欖油清新易入口。

這天疫情稍為緩和，與兒子去兒童醫院做檢查，做完檢查後去了九龍灣MEGABOX行街購物，商場幾乎零人流，十分好，我可以在9樓兒童物品那一層慢慢看，不用迫。到了午飯時間，因為不敢堂食，在大快活買了外賣。兒子想飲紅荳冰，食魚柳，他反正吃一個飯盒一定食不完，我便叫了一個咖喱魚柳飯餐加熱奶茶，另外加紅荳冰，拿外賣到商場外的長櫈食。這天天氣晴朗，氣溫也不低，但勉強也可以曬住食飯。大快活的咖喱汁煮得很濃味，也惹味。魚柳也煎得香口。值得再試。

近日天氣溫度稍為下跌, 天朗氣清, 心想食過煲仔飯就最好了, 近期聽聞大快活煲仔飯己出爐, 就馬上去試吓啦跟朋友各自點了臘腸排骨煲仔飯和滑雞肉餅煲仔飯, 大約等待了十分鐘, 服務員就送上給我們了, 香味直撲出來, 旁邊配送一小碗甜豉油 , 臘腸大大條, 排骨做得不錯 配以香噴噴飯味 真係食不停口; 至於滑雞肉餅飯 雞肉都算嫩滑肉餅也有馬碲在其中, 口感不錯 , 加點甜豉油 相當惹味, 當中更有少許飯焦 , 真係回味無窮, 在天氣稍涼時食到價廉物美的煲仔飯 加上服務不錯 真是正確選擇.

早兩日去左megabox食lunch，求其搵間方便快捷既大快活，叫左個無味精菠蘿咕嚕肉跟紅米飯(少飯)(其實呢個無味精咕嚕肉已經出左好好好耐，唔知幾時會轉下餐牌呢？！🙈)咕嚕肉係新鮮整起既，都幾熱辣辣，但一打開啲汁都未撈勻有啲hea😅咕嚕肉份量幾多，炸皮唔算厚，肉質都算滑，唔會太肥～菠蘿唔酸但都唔算太甜，但個人認為啲洋蔥同青椒太生，所以青椒仲好草青味，洋蔥都唔香😅啲汁就好稠似係現成一包包既醬汁，麻麻地個人黎講幾中意大快活可以俾食客自由轉換多配菜/轉紅米飯等等健康既選擇👍紅米飯唔錯，不過大快活既齋白飯唔係幾好食，完全無米香，希望可以更換白米既供應商/來源地就好啦！😂呢個價錢同份量都還可以既，簡單快捷之選🆗

大凍天時，可以食到一個 #熱辣辣 嘅 #煲仔飯 可謂 #賞心樂事 呢日 #小秘書 特登過嚟「MegaBox」就係為咗去樓上 #傢俬店，搵啲 #設計靈感，過年前修飾吓自己間房。耐於限聚令嘅安排，我哋不得不17:00先去食個 #早飯，然後先去廵舖。原來「大快活」呢排做緊promotion，凡於17:00-18:00堂食，都可以有九折。我一於唔執輸，叫個 #排骨臘腸煲仔飯 做 #晚餐，走 #飲品 嘅可以減肥、最重要係慳返$10🤣「大快活」嘅安排都幾窩心，有安排送餐服務，只要擺個senor喺枱角，負責送餐嘅服務員就識得嚟搵我，好方便👍🏻👍🏻 大概等咗十分鐘左右，熱辣辣嘅煲仔飯終於送到我面前，加入甜豉油，再將白飯、餡料、甜豉油攬拌，令水氣稍為吹乾，就可以食喇🥢味道比我想像上還要有風味，#排骨 同 #臘腸 都唔會太肥，白飯做得好乾身，如果鍾意食飯焦嘅，呢個煲仔就啱哂你哋... 可惜 #小秘書 只會食面嗰浸，剩底嘅就唯有留返比隔離嗰個啦🤣

大快活不嬲都係我諗唔到食咩又唔想行嘅首選餐廳。今日嚟到人唔算多唔知係咪疫情嘅問題得返我依啲可憐嘅打工仔要返Office。講返餐廳先，裝修冇乜特別同一般大快活差唔多。服務都係，Keep到水準。今次食雞胸飯，網上好多食評都話好好食。我都係第一次試。講咗個雞胸先，我平時唔食雞胸因為覺得可能會好鞋。大快活嘅雞胸，比到我，無鞋嘅感覺，都幾大舊。以快餐店來講都算唔錯。蘑菇汁少少偏鹹。可能因為我平時都唔食咁多汁。個飯有少少失望因為佢紅米飯唔係太多紅米。相反啲配菜都幾好食，食得出佢用蒜蓉炒過。跟餐嘅低糖凍綠茶，幾好飲但我覺得唔算好低糖可能係我平時食得比較清淡。總括而言當lunch食都未嘗不可

已經好耐無食過快餐店嘅下午茶，不過系megabox想坐下食少少野嘅地方選擇不多，主要系無茶餐廳，於是選擇左大快活。雪菜肉絲腸仔米+燒雞肶+凍可樂老公話腸仔幾好食，夠脆皮，燒肶就麻麻，太林身，吾夠乾身，早知要油肶好過啦！奶油朱+紅豆冰，有1包花生醬+1包錬奶，呢樣就幾抵贊，好過之前用個兜仔裝住，起碼宜家衛生好多，吾會搞到一手都系不過脆豬就……完全吾脆囉，所以如果有得選擇都系去茶餐廳好，起碼系即叫即整，重有宜家快餐店嘅下午茶真系吾平，分分鐘系貴過茶餐廳，好多套餐都已經over$40