影片
即叫即炒，有镬气，夜晚过嚟食款式好多，性价比高，感觉上比起同区嘅茶餐厅嚟讲干净卫生，而且位置亦都系好方便，我一落地铁站就见到，所以就冲咗入去试吓，值得推介嘅茶餐厅！
继续阅读
从开张到而家服务态度都系好一般，都俾咗好几次机会佢，始终系改唔到。呢间餐厅啲呀姐叫人搭枱叫上瘾，明明大把位，叫我搭去张两人枱，佢张两人枱鬼死咁细，即系叫我同对面呀叔兜口兜面亲密食饭。河粉卖晒一句得埋嚟：河粉卖晒，冇！跟住转身就走咗去😳哗，使唔使咁呀，一啲都唔客气。仲有佢入面近水吧位劲重油烟味，食完返到屋企都系成身味，屋企人问我去咗边度🤦🏻♂️佢啲嘢食系唔差嘅，但咁嘅环境同服务，唔值得再俾机会，观塘大把茶餐厅唔系得你一间，宁愿行远少少唔洗受气坐得舒舒服服。
继续阅读
Lunch同同事去大师兄小厨试下，叫咗咸鱼鸡粒炒饭($55)，包埋汤同热饮，炒饭几正常唔错，但咖啡真系有啲难顶，下次唔会再试。食品部分咸鱼鸡粒炒饭($55)：炒饭火喉掌握得几好，饭粒够干身，粒粒分明，咸鱼嘅香味带起咗成个口感，鸡粒嫩滑，味道唔会太重手，食落几满足。虽然未算特别突出，但呢个价位算系合格之作。热咖啡：真系令人失望，咖啡冇咩香味，入口偏淡，仲有啲怪怪嘅苦涩味，完全唔值得再试。建议下次转冷饮或者饮汤就算。⭐食品评分：3.5/5环境与服务餐厅环境普通，位置比较挤迫，但服务尚算可以，落单快，出餐亦唔慢。汤系附送嘅一部分，味道正常，冇惊喜但也冇失望。⭐服务评分：3.5/5总体感受大师兄小厨嘅咸鱼鸡粒炒饭味道稳定，正常好味，但热咖啡完全拉低咗整体评价。如果想食炒饭类可以一试，但唔建议试佢嘅咖啡，下一次会考虑其他更吸引嘅选择。⭐总体评分：3.5/5
继续阅读
由佢刚开张𠮶阵时已经帮衬佢,以往见啲嘢都几好食,服务态度又几好,所以早、午、晚餐都有食过.今日9/14去食下午茶撑,明明间舖都有多位,我要叫咗我去搭枱,咁我都ok送佢意思.嗌咗个下午茶餐,指明要荷包蛋,最后畀咗两只煎“熟”蛋我,同咗个类似主管嘅阿姐讲,仲话我嗌错咗,应该系煎蛋,咁就行开咗去.跟住佢冷气机滴水滴咗落我杯嘢度,同佢讲咗声,佢净系话“哦”,就行开咗去,未有任何歉意.下次会行远啲去其他茶餐厅食.
继续阅读
当的人一日到黑挂住要乜乜服务物物态度既时候，好似忘记左自己系向一间专卖小菜炒野既地方食饭，我唔想比几十蚊一个餐就要人当系上帝招呼，又唔想谂人地方迫唔迫既问题，所以我选拣叫外卖平台咪唔驶烦 呢间舖我咁多次都系买外卖走因为难得系炒饭炒粉有镬气，小菜亦真系有质素，至少叫咕噜鱼块唔会比鱼碎，向而家咁既租金环境压力底下，仲有咁多食物唔系叫货返黎，都还是系自己做，依然保持呢个质素已经系做食物既最真实需要既诚意，比几十蚊食野最重要唔系正正系好唔好食，而系态度咁得意，咁掉转好好态度但系超难食又会帮衬嘛？
继续阅读
您可能会有兴趣的...