影片
以上资料只供参考，请与餐厅确认详情
食家推介
《大少烧味茶餐厅 - 大埔》我同我屋企人每星期日都会例行有个早餐会，唔系食鱼蛋粉，就一定会过黎大少食烧鹅濑，呢个习惯都维持左好多年，所以大少算系我屋企人既其一食堂🤓前几日屋企招待客人，屋企人叫我斩料返屋企，我就梗系去返饭堂买烧味啦，除咗烧味之外，其实呢度仲有多士俾你拣，晚市仲会有腊味饭添，天气冻冰冰就最适合💁🏻♀️大少潜艇 $40呢度虽然烧味出名，但系其实佢嘅潜艇都好好食嫁，佢个面包烘热咗之后再搽牛油，入面夹咗煎蛋、芝士同埋蜜汁叉烧，热辣辣嘅话劲好食，芝士同埋蜜汁叉烧嘅味道其实系好夹㗎，我十分推介💪🏻💁🏻♀️烧鹅上庄 $128特登买呢个烧鹅返去屋企整烧鹅濑食，呢度烧鹅嘅做法系比较脆皮的，个皮会有阵木香味，我屋企人比较钟意食上庄有骨位嘅部份，一般嚟讲比较入味，配返濑粉就啱晒啦，呢个份量够晒四个人食，啲烧鹅汁仲可以落埋个濑粉汤度一齐煮更加浓味💁🏻♀️贵妃鸡半只 $78同样都系我爹哋钟意食嘅烧味，佢呢度嘅贵妃鸡咸咸地好入味，有啲似盐焗鸡嘅感觉，个人觉得用嚟煮鸡粥的话非常适合，半只鸡都已经好大份，朋友过到嚟都觉得佢个鸡整得好入味同好滑，就算冻咗都好好食💁🏻♀️肥叉烧例牌 $88叉烧就系细佬钟意嘅嘢，我个人建议一定要叫肥叉烧，因为佢呢一度嘅叉烧普遍比较瘦啲，如果你叫肥啲其实佢都系俾返半肥瘦你🤫所以第一次嚟食的话一定要叫肥叉烧啊🤭有阵时撞啱佢会比爽叉烧你㖭
继续阅读
烧味系香港嘅名物大埔呢间多年来味道都保持水准深受大埔街坊欢迎每次经过都见到好爆场外卖拎走都系唔错嘅选择除咗烧味驰名．餐厅仲推出真正嘅叉烧蛋包✨大少潜艇巨大个面包．夹著鲜甜嘅叉烧加上原只煎蛋．足料有份量✨大少叉烧半肥瘦嘅叉烧．肉质软腍淋上香甜嘅蜜汁．肥瘦度恰好✨贵妃鸡半只份量已装满一整盒肥美嫩滑．沾上姜蓉又香口✨大少烧鸭烧鸭外皮好入味肉质Juicy．无论配饭 / 濑粉都一样好正最紧要配埋蚝油菜心 中和一下
继续阅读
📌 性价比爆灯「大少潜艇」放工经过见到$40几蚊有个巨型潜艇，即刻比佢嘅芝士流心蛋同蜜汁叉烧吸引！半肥瘦叉烧咬落juicy到漏油，加埋邪恶嘅半溶芝士同香煎太阳蛋🐔 贵妃鸡鸡皮爽滑冇雪藏味，师傅豉油吊得刚刚好，最惊喜系连鸡胸都保持嫩滑，必点！🔥 烧腩骨 脆皮程度：💯！肥瘦层次分明，咬落「咔嚓」声隔离枱都听到，芥末酱系神来之笔🦆鸭髀 卤水香到隔住个mon都闻到！ 再加咗只🥚咸蛋王返去送饭⏳烧味每日新鲜出炉两转 佢哋仲有d外卖特价，超平
继续阅读
之前都买过一次呢间烧味返屋企加𩠌 屋企人都好钟意，见呢日系附近食开嘢就去再斩多一次料返屋企一齐食。烧鹅半只鹅的脂肪比鸡鸭更丰厚，脂肪与肉汁交融，口感丰润。微焦的香甜和油脂香气，肉质紧实但唔会太干身，带有微微的咸鲜和香料气息，搭配酸梅酱能解腻提，皮脆肉多，回味无穷。豉油王乳鸽
乳鸽肉质细嫩多汁，经过腌制和浸煮后，充分吸收酱汁，入口鲜嫩。另外叫左有个大少潜艇下午茶食，入面有大大旧叉烧 ，煎蛋 ，芝士，大件夹抵食！
继续阅读
最近日日都带住小朋友周围玩，有时玩完太夜或者太攰，都会想偷懒唔煮饭，想经济方便又好味，首选一定系亲民街坊烧味小店🔸烧排骨 例牌半肥瘦排骨肉质软腍入味带微焦㶶边，挂满蜜汁非常香口惹味🔸烧肉 例牌第一次响大少食烧肉，感觉卖相同味道都相对比较逊色，肉质偏瘦不过唔算柴，烧肉皮脆而唔硬🔸油鸡脾晴宝宝要求免切要自己拎住鸡脾食，色泽油亮，肉质嫩滑，大大只鸡脾晴宝宝自己都可以食晒🔸贵妃鸡脾 鸡味浓郁，皮薄肉嫩，啖啖肉就系爸爸至爱🔸大少潜艇每次必点的招牌大少潜艇入面有半肥瘦叉烧、煎蛋同芝士，蜜汁叉烧加上蛋香同芝士咸香，层次丰富，配埋杯热奶茶真系开心大满足
继续阅读
您可能会有兴趣的...