大家樂 (海怡西商場)

位於鴨脷洲的大家樂早餐選擇多樣，這次試的是炸魚柳、煎雞扒、油條及煎蛋的組合。炸魚柳外層酥脆，魚肉細嫩，雖然調味簡單，但勝在不油膩。煎雞扒則煎得香口，肉質偏薄但不乾，帶少許甜味。油條微脆，配煎蛋一齊食有港式茶餐廳的風味。煎蛋熟度適中，蛋白微焦，蛋黃略流心，整體味道樸實但有飽足感。環境：店舖整潔，早市人流都多。價格：屬合理價位。食物質素：味道穩定，炸物不過油，雞扒香口。食物種類：早餐選擇多元，中西式皆有，可自由搭配。如果你鍾意港式早餐的多重口感，這款組合值得一試。…查看更多

香港人的早餐多是快餐店, 連鎖快餐店不外乎三四個品牌, 今次倒要點讚大家樂. 它們的早餐份量足, 蘿蔔糕有少許蘿蔔味遠勝另一大型連鎖店的品質. 有點意料之外. 平心而論$30+ 的早餐有綿綿皮蛋蠔豉粥, (雖然蠔豉味不太突出但皮蛋足料), 豉油王炒麵 + 蘿蔔糕及咖啡, 在現今經濟低迷的環境, 真的是物超所值. 與以前相比品質及味道大有進步. 反觀另一大集團的品牌, 卻有點兒失望, 味道每況越下, 就連大會堂內的中餐也大不如前, 價錢中上, 食物質素卻與一般酒樓無異, 所謂不進則退, 希望有關管理層能正視及提高食物品質.再次嘉許大家樂團隊努力, 提高了速食文化的品質, 加油, 加油.…查看更多

今日行到海怡半島嘅大家樂，見到門面就覺得好親切，呢個品牌喺香港開咗好多分店，好多香港人都食過。入去叫咗個叉燒燒鴨雙拼飯，仲有杯熱奶茶。呢個雙拼飯，一上枱就好有睇頭。叉燒嘅色澤紅潤，望落就好有食慾，咬落去，唔會太韌，脂肪同瘦肉嘅比例剛剛好，用嘅應該係梅頭肉，呢個部位嘅叉燒最容易做到外焦內嫩，味道帶住微微嘅甜味，同醬汁嘅鹹香配合得相得益彰。燒鴨嘅皮脆得嚟唔會太硬，皮下脂肪烤得好透，肉質嫩滑，唔會有騷味。同之前喺一啲專門嘅燒臘舖食嘅相比，大家樂嘅燒臘保持住一定嘅水準，而且性價比更高。再講杯奶茶，茶底應該用嘅係錫蘭紅茶，茶味濃郁，奶味亦都唔會被掩蓋，甜度可以自己調節，我就鍾意原汁原味，入口滑溜，同國外一啲淡而無味嘅奶茶相比，真係好太多啦。價錢方面，呢個套餐大概五十幾蚊，對於香港嘅物價嚟講，算係好抵食。不過呢，都有少少缺點，就係人多嘅時候出餐速度有啲慢，而且因為人多，環境就會有啲嘈雜。其實大家樂對於好多香港人嚟講，唔單止係一間餐廳，而係一種集體回憶。細個嗰陣時，考試考得好，阿爸阿媽就會帶我嚟大家樂食餐好嘅，嗰陣時嘅快樂好簡單。而家每次食大家樂嘅燒臘飯，都好似返到去嗰個純真嘅年代，食物嘅味道除咗味蕾上嘅享受，仲有滿滿嘅情感喺入面。…查看更多

鮑魚花膠海參盆菜（6人份量 $8XX)第一次訂大家樂盆菜，估唔到同酒樓的盆菜差不多。價錢大眾化，這款盆菜六人份量，足料而且分量十足，鮑魚鮮甜美味，最欣賞是它的鮑魚汁，第一次可以將盆菜完全吃掉，剩下的鮑魚汁用作涮肥牛，困為鮑魚汁夠濃郁，所以好入味。…查看更多

之前幫襯大家樂覺得佢食物份量少，上餐時間又慢，今次又完全唔同晒呢碟叉燒燒鵝飯算係幾有誠意，見到有好多舊，食落質素係可以接受，唔會有隔夜味，燒鵝有適當油份得嚟肉質都香，講真40幾蚊算係咁…查看更多

今次做嘢黎到海怡，食飯時間有限，選擇去大家樂。覺得海怡分店食物的份量比較其他分店慷慨，職員服務態度親切友善。見到鄰座客人的炸魚忌廉汁意粉，很大塊炸魚，大塊過我隻手，大塊過焗盤。我的意式香草肉丸意粉，蕃茄醬汁很多，有幾粒南瓜肉，菇片，連飲品不超過40蚊，很不錯啦！…查看更多

大家樂的下午茶好抵食兩點已經排滿人排隊買外賣。以前細個爸爸媽媽周末都會帶我同家姐去「大家樂」食早餐，所以有份情意結。疫情下，「大家樂」依然好多人幫襯，所以買咗外賣返屋企慢慢食。一碗細嘅叉燒飯，加紅豆冰叉燒有6 塊，份量都算好多，紅豆冰甜到剛好，紅豆軟硬適中唔會好硬新出呢個魚柳包，加一隻蜜糖雞翼等外賣嘅時候，呢個魚柳包等咗好耐，麵包看烘到香脆，魚柳又係新鮮炸，中間夾咗蕃茄🍅同生菜🥬， 可以中和油膩感。蜜糖雞翼上揸滿蜜糖好正，不太咸。…查看更多

小弟成日都訓得晏，起身都已經係下午茶時間。見餓餓地，就去左附近覓食係街食燒味最怕佢比哂d骨你。不過今日食呢碗燒鴨米粉，竟然舊舊都好多肉食燒鴨唔食皮罪大惡極！食埋塊皮簡直係正到飛起但係d米粉有d碎，食起上黎有d唔方便。不過整體上呢碗米粉都算係物超所值…查看更多

老婆昨晚沒有煮飯，所以今日無飯帶，於是，中午一個人出去吃午餐。起初沒有idea食咩好，去到海怡半島商場，上了一層，見到有人拎住大家樂的外賣，心為之一動，便決定走去大家樂，搵飯食。好在呢間大家樂好大間，搵位非常容易。 通常，去大家樂，好多時都係食焗豬扒飯，今次都不例外，一哥焗豬，始終係一哥。另一個原因係，通常唔使等，即刻有得食。 經焗過的番茄是特別甜。 豬扒好大塊，加了蛋漿一齊焗，又香又腍，啖啖肉。 焗飯的飯底都有雞蛋、番茄，非常香，亦唔會太乾。 餐飲配了熱咖啡，OK 嘅。…查看更多

西多士...我鍾意食，大家樂推出咗新口味流心西多士，我梗係飛去試試西多士冇得單點，一定要配下午茶餐，我揀咗西多士十榨菜肉絲米十凍奶茶，另一份沙嗲牛肉麵十咖喱角十凍檸茶西多士炸得唔油膩，裏面嘅咸蛋黃流心，幾得意，好似食緊美心流心月餅咁，係面層再鋪滿花生醬，唔錯，好味咖哩角就麻麻，裏面嘅餡料只係覺得糊口，沙嗲牛肉麵，冇乜牛肉或者沙嗲味，填飽肚都OK嘅榨菜肉絲米就好少少，榨菜唔太咸，都幾好味，奶茶都OK，不過檸檬茶就...算啦，好彩飲品送嘅…查看更多

海怡半島西商場內的大家樂經過裝修之後，今日是第一次幫襯，感覺是煥然一新，光猛咗好多，座位間隔更改了許多……多咗好多位，實行盡用空間賺到盡。與此同時，堂內更增設了自助售票機，務求進一步改少人手，讓勞工成本進一步減低。睇下今日有咩食先，滋味套餐P2洋蔥雜扒飯幾啱我心水，於是試玩一下自助售票機買飛，然後等嗌number拎嘢食。雜扒飯包括雞扒、豬扒和廚師腸，飯底大大，汁多，好夠食。還配有少量雜菜，無咁dry。咖啡係即磨，質素不太差。成個套餐$47，都算係咁啦。…查看更多

大家樂新裝修完，即刻走去幫襯，裝修得幾清新，淺木色枱同櫈，有啲田園風味，但係坐得比以前擠迫佢哋新推出咗個咋咋淋套餐，我就咋咋淋走去幫襯，我食咗個蒜茸西冷配粟米丶蘋果薯仔沙律丶酥皮周打魚湯同鴛鴦冰，再加配炒飯分量足夠兩個人食，周打魚湯唔知係咪有洋蔥，飲落有少少酸酸地，薯仔沙律同鴛鴦冰，不過不失，個西冷可能唔夠熱，冇喳喳淋聲，重有肉質有啲嚡，冇肉味，要點多D蒜茸汁入口，要揀最好食，都算係個粟米，可以叫做係原汁原味😅…查看更多

大家樂啱啱裝修完，我梗係要去試吓，清雅嘅裝修，都有時代感，坐位比以前迫左，但係都坐得好舒適我食咗個下午茶餐，燒鵝米粉十紅豆冰，另外一份係沙嗲牛肉伊麵十西多士十凍奶茶目測個伊麵好似麻麻哋，但係食落又唔係，麵質幾好食，牛肉唔錯有牛肉味，西多醬料夠多，中間有花生醬，仲配有糖漿，好有水準，凍奶茶不過不失燒鵝好入味，有6、7件，都算多餸，米粉同個湯底好夠味，紅豆冰一般，奶味唔夠$70都唔使，食到呢啲食物，真係良心企業…查看更多

去完海怡戲院睇戲，肚餓了，咁岩又下午茶時間，就去左大家樂食下午茶，海怡大家樂早市同茶市一樣大排長龍，曾經有段時間大家樂加左價，最近又覺得平番。至抵優惠雞髀紅豆冰茶餐，可選脆炸雞髀或豉油皇雞髀，配粒粒紅豆冰 $25，其實都幾抵，我地揀左炸髀，炸得都幾燶下，少少乾，唔算好多肉汁，不過一分錢 一分貨，紅豆冰正正常常。燒鴨湯瀨粉或米粉，配紅豆冰，凍茶或啡 $29。我揀左瀨粉，燒鴨好味，問店員就可以拎甜酸醬，菜心都好新鮮爽脆，另飲品叫左凍咖啡。凍咖啡無熱咖啡咁好味，少左陣咖啡香味，下次都係飲番熱。…查看更多

今日同朋友去左食個大家樂早餐，天天超值選 $25 包桂格牛奶麥皮、烚蛋、火腿、牛油厚多士，配即磨咖啡、茶或汽水。麥皮可改豉油皇炒麵、火腿絲紐紋粉或雪菜肉絲米粉。我點左雪菜肉絲米粉，味道正正常常，可以切埋片火腿落去。烚蛋最後先食，剝開殻裡面都仲係熱辣辣。熱咖啡都好香濃，因為有奶，唔落糖都飲到。呢個早餐同大快活輕盈早餐差不多，大快活平d$22，而且質素好d，不過間唔中食下都幾好，唔會生厭。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨…查看更多