大家樂 (嘉里中心)

营业中

休息中

想食得健康啲，可以去大家樂試下有營之選：椰菜花飯🥦👍🏻【🧡香煎三文魚椰菜花飯】（$66）三文魚皮煎得香脆，魚肉就係係十分熟嗰種熟法😂欣嘗佢但椰菜花飯🥦👍🏻有三色豆但冇青豆，改左估翠玉瓜，開心好多👍🏻嘉里中心依間大家樂都幾推薦係坐得幾舒服，環境又乾淨👍🏻

大家樂Café de Coral乃知名「法國餐廳」 係香港人先明嘅爛 Gag但諗深一層其實大家樂都真係香港人嘅飯堂之一，由細食到大，原來不經不覺都開咗有 50 年了店外環境+等候時間今日黎到鰂魚涌嘉里中心分店 由於午飯時間關係 打公仔於店外大排長龍 (大部分都係樓上返工外賣的) 我在門外大約等了約15分鐘餐牌畢竟連鎖快餐店 簡潔而有色彩 選擇也很多店內環境: 4分 店內衛生: 3分店內環境: 此分店設有自然採光設計 店內環境非常光猛醒神 以快餐店來說算是十分有特色店內衛生: LUNCH時段客人太多 姐姐未必及時收晒所有托盤 所以衛生情況一般味道: 3分食物: 太極鴛鴦炒飯最近重新推出的高性價比餐一邊是蕃茄汁配雞肉 味道酸酸甜甜 十分開胃一邊是白汁配幾隻蝦 雪藏味較重 口感咬落而較差飲品: 奶茶奶味較多 茶味較少  抵食: 5分(滿分)原價$35包一杯熱飲(登記成會員後可享有幫襯3次平$5的價惠) 可以食得飽而且味道不過不失  同區附近的餐廳閒閒地一般要$50或以上 食完仲要趕你走做第2枱客 大家樂性價比無得輸啦! 中午平平地食一餐 收工先搵間好野再食過! 

落雨天氣又凍, 就決定留返係公司附近食午飯。平時食lunch都唔鐘意食太飽, 所以盡量都食粉面, 但今日又突然好想食燒味, 就問下收銀姐姐四寶飯可唔可以轉米粉, 原來係可以的, 另外再加錢配多個凍檸茶少甜少冰。 個四寶米賣相好吸引, 叫左佢米粉同燒味分開上。有隻豉油雞脾仔仲有隻雞翼, 叉燒偏瘦但都唔算太乾, 加埋紅腸同咸蛋岩岩好。另外拎埋蔥油就更有燒味既味道。杯檸茶都好飲, 四片檸檬唔太甜又真係有少冰, 成個餐唔洗五十蚊咁既質素都真係冇得輸。

為了省錢，我真的無所不用其極啊，每天早餐我也會依附同事們的正價消費，以加$6的優惠多要一款食品，可供選擇的有：是日靚粥、火腿通粉、雪菜肉絲米粉、家鄉炒米粉、豉油王炒麵等。今早我就挑選貴價一點價值$8的銀針粉另外，只要網上登記成為大家家的會員，每次用八達通儲積分，就可以將積分當錢使，加上以支付寶付款，每次消費儲一個印花，每三個印花換$5現金券，三個優惠一起用，年中真的節省不少餐廳員工又友善，每天早上都會笑容滿面跟食客打招呼！服務又殷勤，經常主動協助找座位、拿食物等！令我每天早上充滿動力迎接工作上的挑戰！

近排推仲嘅 "平靚正拉上補下" 之選，莫過於大家樂嘅雞扒 / 炸豬扒湯烏冬！點解？因為佢大大碗，熱辣辣，湯底入味唔膩又夠飽，連餐飲都係 $27 咋！ (有 COUPON 再減 $2) 手上有 COUPON，佢甫推出不日之間，我已經試晒兩款！首先講炸雞扒烏冬：大大塊的雞扒，醃得勁入味！味道好似台灣夜市果種，令人食完一啖好想快D食第二啖！雞扒濃香剛剛同湯烏冬一凹一凸，味道好夾！配料有椰菜，黑木耳，紅蘿蔔絲，仲有日式太陽魚肉片添！至於炸豬扒湯烏冬：又係大大碗，豬扒則是吉列款，炸漿厚薄適中，肉質彈牙，醃料方面猜雞扒咁重手！佢仲附有沙律醬俾你點黎食！配菜方面同雞扒一樣！WEEKDAY 多野做要 LATE LUNCH？不妨等 2:30 下午茶時段，喺燒味鴨瀨之外的另一飽肚選擇！

大家樂都算久唔久推出新菜式，呢期就新出左個蝦多士餐，好有集體回憶呀！唔知，食唔食得番舊冰室果種味道呢？...初試啼聲，要了呢個拼火腿米嘅茶餐 ($30)。外觀上佢的確賣相一流，唔知味道如何呢？蝦多士：大大件又夠厚身，隻蝦大大隻好吸睛，不過內餡有感 "混亂"，只食到蔥和西芹味，其餘的食材混埋一PAT，嚴格黎講唔知有咩......另外，炸漿太厚又硬，食食下好快就凍左變乾及 un 牙。火腿米：算大碗又夠熱，但冇味似白烚......

好像很久沒試過大家樂的早餐，悶悶的心情，疲累的身軀，吃一份豐富一點的早餐也不算過份吧！這一間大家樂的"肉size"一直都是比較飄忽，有時肉size可以大到連飯盒蓋也合不上，有時卻縮水到可憐。幸好今天的肉size是比較正常，甚至可以說得上令人滿意。今天比較驚喜的，是蛋的生熟程度。在回到公司後，仍然可以看到兩隻小太陽完好無缺的，迎接我嘴巴的懷抱

近來經常看到這個廣告，報紙有，MTR有，雞髀餐有大大隻雞髀。今天來到鰂魚涌這棟大廈，剛好看到這家快餐店有大量座位，真係好好彩！一於在此提早午餐吧！　餐廳是天然採光，感覺很醒神。加上很多座位，任君選擇，不用等位，不用搶位，所以環境比高分。　鹽麴沙薑雞髀套餐　　配菜飯，椰菜及陳醋雲耳。　　雞髀肉先天滑溜，根本是無得輸。每件雞髀切口整齊，雞肉没有特別收縮，與骨位水平一致，是原隻雞髀煮熟後，才分件的。　　雞肉本身没太重鹹味，可能鹽麴沉在碟底了。椰菜吸盡雞髀的精華，即是鹽麴的鹹味。可是椰菜吸收力很強，真係好鹹。　　菜飯：有菜還有薑粒。鹽麴沙薑雞髀有沙薑，這個菜飯亦有薑。火旺的人要小心了！

平時都有食開呢間早餐, 因為呢間好食過屋企附近個間, 所以專登坐早一班車返工, 打算坐低食早餐可以有個good morning。睇menu 原來佢話個魚柳而家升級左20%, 心諗咁好, 平時都好鍾意食魚柳, 大份點開心點。點知一收到個早餐真係好失望, 本來都冇打算寫食評....但望住個早餐最后都忍唔住影左相。最睇唔順眼的係隻炒旦, 我雖然要炒滑旦, 但都唔駛滑到咁, 平時食都會靚靚地一個圓型, 但今次竟然係一pat 野咁撻左係個碟邊, 見到都唔多開胃, 我個日早左到, 去到都冇平時咁多人, 唔係好多餐要出, 都唔明點解都可以咁是但, 雖然快餐點都唔會期望佢擺點食物會好靚, 但起碼都要正正常常ga ma.....同佢地個"做足100分"的宗旨差好遠lo....好在杯茶走都仲係好飲, 但個所謂加左20%量的魚柳真係唔係好覺lo...同平時差唔多都唔覺大塊左...最差係平時我最鍾意的他他醬竟然變左做普通沙律醬, 失望

同事話大家樂最近玩緊儲印花, 1星期內, 儲3個晚飯有6蚊Discount, 儲5個有10蚊Coupon... 所以佢呢期日日都大家樂, 今日跟佢一日啦...肉醬意粉 -- 好難食!!! 肉醬好似中藥d藥散咁嘅味, 又怪又苦, 完全冇肉味... 意粉過腍, 一d都唔韌性都冇... 食咗半盒已經哽唔落... 熱檸茶 -- 一貫濃到苦澀冇茶香的作風, 檸檬勁酸, 唔落糖飲聽落冇咩可能... But... I made it!!! 價錢都算係平嘅, 係太古坊區... 不過我都寧願加錢食好少少...

續上文，由於炮台山分店那天剛好沒有最後一款 Green Monday「綠色星期一」和大家樂合作推出的「愛健康•愛素食」素食午餐中的香蒜野菜南瓜汁意粉，所以後來就來了嘉里中心 2 樓的這家「新」分店。同層有三家食肆，午飯時間，只有大家樂門口是排長龍的。我今次買的香蒜野菜南瓜汁意粉配香草番茄雜菜湯 原價要 $33，用了 $3 優惠券之後還是要 $30，即是比上次貴了一元，那我又沒有研究究竟只是這家分店賣貴一點還是已經全線加價了。哈，這家分店竟然是有天窗的，透入天然光，感覺要舒服。連座位都比舊式分店寬敞呢。雖然取餐的人龍排到出門口，但店方全員出動之下也不是要等很久。香草番茄雜菜湯類似沒有肉的羅宋湯，是蕃茄湯底的，裡面有些蔬菜粒和紅腰豆什麼的，沒有太特別。香蒜野菜南瓜汁意粉顧名思義，蒜味頗為明顯（所以食齋者不宜了），跟上次在另一家分店吃的意大利香草番茄野菜意粉在配料上幾乎是沒有差異的，只是醬汁不同了變成黃色的南瓜汁，而且南瓜的份量也多一些。意粉的份量也是相當的慷慨（難道店家真的怕人覺得吃素不抵食所以要弄得大份一點？），醬汁可能由於含南瓜，澱粉較重所以又濃郁幼滑一點，味道也比較重，但已經比落重豉

太座是健康主義者，若我放假，不會捉我去shopping，反而是要我陪她行山，說是對我的身體有益。在晴朗的一個早上出發，她打算從北角步行至鰂魚涌，再從柏架山道行往陽明山莊，少說也要三小時多，為免今晚做廳長，太座有命不敢不從，但不能捱餓的我也要向她提議至少先吃個早餐，否則我會無力行，反為不美，她也同意。她提議去「大家樂」，我聽見這名字了無新意，感覺納悶，但她說在這新建大廈內的「大家樂」是頗特別的，這倒值得看看。經過充滿藝術元素的大堂，上到一樓「大家樂」，給我的印象是較簇新外，最特別之處是有個天窗，陽光從天窗照入，感覺是頗舒服的，然而，那部份座位已給其他人享用，只好隨便找張檯便算。太座選了火腿煎蛋番茄肉碎扭紋粉，但已無扭紋粉，改用米粉代替，而我選了紐西蘭南冰洋魚柳配牛乳炒滑蛋，另加 $3.5，可多選一個牛奶麥皮，是日靚粥，火腿絲扭紋粉或雪菜肉絲米粉，我選了雪菜肉絲米粉。太座的火腿煎蛋和其他材料同放在碗內，煎蛋是太陽蛋，是小太陽，體積比鵪鶉蛋略大，番茄缺乏應有的酸，肉碎就是肉碎，無調味，配米粉的感覺是怪怪的，不中不西。我的紐西蘭南冰洋魚柳配牛乳炒滑蛋，魚柳是長長的一塊，上了麵包糠炸，顏色金黃得

平時食開12:00, 要響Quarry Bay 揾食都算唔難。今日做到12:40先有飯食, 要揾個位坐真係唔容易, 突然醒起呢間 (因為上次去過富嘉閣飲茶), 遠D都響大昌行行過嚟踫踫運氣。好彩地一走入去就有位, 環境一定比鰂魚涌區其地大家樂好啦。頭頂嘅天窗令陽光可微微滲下, 好有feel 。坐位方面都好闊落, 衛生情況都好好。叫了個吉列豬排飯, 好ok wo, 炸得剛剛好, D肉汁都keep得住。佢地仲係用新鮮豬排炸tim, 又有伴菜, D飯食落仲甜甜地, 配埋個栗米汁, 超夾30令蚊, ok la。

見大家樂tea time有新option－－特色關東煮（只售$19，用埋coupon再減$2），嘩廿蚊樓下都幾棧鬼，有理冇理一於試下先得！　呢個特色關東煮包括：紅豆西多士，一碗仔熱食，同埋餐飲！先講紅豆西多士，平時食慣花生醬做餡，今次換了做紅豆，請真真係第一次食！佢紅豆餡夠多，脹卜卜咁，再加埋煉奶，真係甜到漏呀！　至於主角＂關東煮＂，初頭以為佢係指烏冬，原來係一札芋絲＋3舊大蘿蔔＋冬菇＋一條類似仙竹卷的物體！依我個人口味黎睇，成碗都淡淡的近乎冇味、感覺好齋！Ｄ蘿蔔似白烚兼且有根，芋絲硬硬的略嫌未夠熟，只有那條＂仙竹卷＂叫做較好，總括黎講我對呢個關東煮有Ｄ吃不消！

自問是懶人一族，不過自從公司遷往北角後，由於離住處只需約半小時路程，不算太遠，故為免與一眾上班儷人廹電車，每天也實行體力勞動，步行上下班，既慳車費，又有益身心。最近每次行經模範里街口，總會收到「大家樂」位於鰂魚涌一間新開分店的現金券，既然有優惠，週末就拉著老公來這裡吃早餐。這間「大家樂」座落於英皇道一幢新大厦嘉里中心二樓，記憶所及，前址是屬於英美煙草公司，不過以前這兒沒有食肆，當然從沒踏足過這座地標喇。本來去「大家樂」吃早餐，講真毫無新意，沒甚麼可記載，不過這次主要是想為大家介紹這兒的環境。平時假日到屋企附近的「大家樂」吃早餐，總會有條長長的人龍，排完購票又要排隊取餐，更要忙於搵位坐，不過這裡感覺完全不同。這新店景觀甚為開揚，樓底雖然唔算特高，但用餐大堂中央裝上玻璃天花，讓外面光線透過天花折射進來，令素白的室內顯得份外光猛，加上人流不高，完全不需排隊，坐在其中，確讓人有一份悠然自得之感。 說回食物，老公點的楓葉蜜糖雞扒早餐 ($22)，包括有焗楓葉蜜糖雞扒、火腿配牛油厚多士和熱奶茶，蜜糖雞扒細細塊，份量不多，而且蜜味不濃，幸好外皮夠脆，肉質亦唔嚡口，也算不錯。至於所謂厚多士，同「昌記」