大家樂 (頌安商場)

营业中

休息中

年初二外賣咗個鮑魚花膠海參盆菜$928（6位用），鮑魚係一罐李錦記鮑魚，要自己放入盆菜裏，花膠、海參得一隻，鵝掌3隻，小蠔豉幾粒，其他就係啲蓮藕、蘿蔔、菜啲唔值錢嘢；成盆嘢一隻色好深色，賣相已經差，味道更加係好難食。超級揾笨，一定無下次。海參、花膠得一隻，6位用，即係要一隻剪成6粒，每人一少粒。唯一最好就係攞盆菜時，盆菜已返熱。送$150蚊優惠券，就係啲焗飯減$5，火鍋減$10，滿$29早餐送湯粉嗰啲

由於疫情問題，導致餐廳要有1.5米距離及要量體溫，這個我能理解，這都是為大家健康著想。我唯有買外賣回家吃，我就買了鴛鴦飯，配低糖綠茶。（合共35元）味道都是中規中矩，沒有特別。食食下，成條膠袋混埋入去。衛生完全欠奉。

頌安邨呢間大家樂裝修完之後，員工效率好似快咗DD咁多，因為以前每逢週末早餐下午茶嘅時候都係要等勁耐等到忟，而且又成日未夠鐘好早就冇哂受歡迎嘅ITEM。今日又嚟咗食早餐，又係排超長龍排勁耐買餐，自動點餐機又好似冇得用。而且只係10點幾，唔到11點，已經冇晒炒蛋，只係得返煎蛋.... 其實我勁唔明，明明都係有蛋，但點解有得煎，就冇得炒嘅？叫左個雞扒煎雙蛋餐，要多士，同左另外加錢加個麥皮。雞扒就都幾嫩滑，不過佢哋塊雞扒係時大時細好飄忽。多士而家有得好似大快活咁，可以要煉奶，咁就可以自製個奶油多！埋餐都要三四十蚊，其實同茶餐廳差唔多價錢。 同場加映佢哋有個特價餐，見到好多老人家都係依食個，不過由於個人係非常之唔鍾意食烚蛋，所以就冇買過喇。

訓醒起身之後，落街搵嘢食，見到大家樂有個新餐牌，價錢又唔貴，入去試一下先呢個超值茶餐，一熱狗一扭扭粉加紅豆冰，都係賣$26 ，認真超值忌廉雞湯火腿扭扭粉湯底絕對係焦點，平時快餐店嘅湯底，好多都係清湯咁，好淡冇咩味。呢個忌廉湯底，雖然唔算好濃，但絕對好食過平時嘅清湯。扭扭粉夠彈牙迷你熱狗🌭️普通麵包加普通香腸，麵包冇烘過亦都唔熱，芥辣沙律醬夠醒胃紅豆冰走塑走到連紅豆冰都冇飲管，算，支持環保。紅豆煮得唔夠淋，仲有啲一粒粒，冇沙嘅感覺。

今朝做乖乖女陪父母食早餐廢時係茶樓搵唔到位就轉戰大家樂不過9點落都去都係排到出門口惟有1個比錢1個排隊1個搵位我就一直食開$31既牛尾湯通粉套餐既⋯不過今日見到有新款式揀喎！就係銀針粉套餐啦～價錢由$25至$32.5不等都係配豬仔包、雙蛋、雞排個啲趁住就快到新年就試一試佢啦！平時套餐另加通粉$6 咁另加銀針粉就要$8由上圖所見呢以份量同外觀黎講都係火腿通勝試落個味 我就覺得銀針粉偏咸 可能係因為有蝦乾有醃肉 仲有咸蘿蔔下次都會揀番火腿/牛尾通啦⋯雞排就有眼睇啦細過以前好多愈整愈細 今日仲要overcook 質感實得滯還我以前嫩滑juicy既蜜糖雞排！多士又燶左啲咁 奶茶好在係正正常常⋯結論：我都係叫番牛尾湯套餐穩陣啲。或者轉場去大快活 哈哈～

好耐都未食過燒味啦，一食就食幾日食返夠本。今日喺馬鞍山食下午茶，都係穩陣啲去大家樂啦。你間大家樂喺頌安邨都大約十幾年，長期都有好多捧場客。我自己就好喜歡呢度，地方夠大，基本上都唔使點等位，行入少少都一定有枱嘅！今日叫咗個燒鴨瀨粉，由於個水牌寫得唔清唔楚，我排隊都問下究竟個燒鴨瀨下午茶餐究竟有冇嘢飲。＄28呢個餐係有嘢飲嘅！抵丫！份量比以往細咗好多，燒鴨嘅味道還好，算厚肉嘅。但係瀨粉嘅份量就覺得少咗，飲埋杯奶茶，夠飽既～

今朝又去好耐都冇去食過既大家樂，鍾意呢度自助式取食物同搵座位，可以慢慢坐鍾意坐幾耐就幾耐! 不過見過服務員，見到老人家或者有需要既人，都會好主動幫手取餐，真係好值得一讚今時今日咁既服務真係好窩心!今日叫左雞扒，炒蛋配厚多士，雞扒煮得好香口，肉都好淋好多汁，一d都唔乾身! 炒蛋廚師炒得好滑好香，一路食仲有少少蛋汁流出黎，口感非常好，屋企試過點整都整唔到! 多士焗得脆卜卜，搽埋牛油同蛋一齊食，變做蛋多士好味道，多士夠晒厚食埋真係飽晒! 最後食飽飽飲返杯凍檸茶，一點點茶香味，甜度亦岩岩好，既好飲又解喝!

間間大家樂都有下午茶，但就唔一定有炸脾食，而且仲岩岩炸起,炸到脆卜卜，原本叫左個雞亦餐，但見到朋友食炸脾都忍唔住要買多份炸脾餐黎食，食完之後就好滿足啦，yummy

諗住平平地食個扒餐，於是來到大家樂，唉咗個『三重滋味鐵板: 蜜糖雞扒‧紐倫堡腸‧海鮮棒』，再加多個『楊枝甘露冰』。雖然大家樂係快餐點，但係等嘢食嘅時間同普通餐廳差唔多，今次等呢個扒餐都要等足15分鐘。嘢食搞掂之後，一淋黑椒汁，個鐵板仲有『渣渣』聲咁威。因為喺鐵板上，所以啲菜同意粉底部都燒到燶晒硬晒。塊雞扒嘅 size 其實同早餐咁上下，但係今次有埋腸仔海鮮棒意粉餐同餐包同埋飲品，所以食完都好飽。因為『杯楊枝甘露冰』唔係落咗好多冰，所以唔係好夠凍。

是晚在這邊剪髮, 之後就順便吃完晚餐才離去. 揀了這裡, 因為選擇委實不太多.意式奶凍伴雪糕: 7分, 只想講講餐後吃的甜品, 就是意式奶凍伴雪糕, 還算滑, 不過就無乜奶香, 雪糕是幾香滑的, 配上奶凍同吃, 不俗的效果. 不過不太喜歡加入了偏甜的士多啤梨醬.其實有時這裡的甜品也真的幾抵吃, 如這個奶凍, 加$6就有一客.

是人我兩公婆各自於學後&一極速返家, 本來相約茶餐廳但係行過見到大家樂重有得打邊爐WOR~~~ 嘩~成九點半都重賣~~經過商議, 唔想食到咁飽, 都係叫一份有福袋年糕o既牛肉火鍋算LA~最多加多個魚面 & 魚皮原來十蚊又可以多2 杯22安士o既檸樂TIM( 本來係$ 55 , 加個面 $ 9 , 加多個魚皮$ 4 , 之後再加多 2 杯大檸樂 $ 10 , 好在有$3 現金卷............最後都要 $ 75 )真係陰D 陰D 加埋又係另一舊錢呀 ! 好在係叫一份啫, 唔係又過百蚊其實可能係因為個火太雞, 所以落咩都要等返三幾份鐘, D 湯先會有少少起息, 但正正係咁, 慢慢食先唔駛食咁多~~~講開個湯, 都幾椰子味, 牛肉呢, 種覺得質素是有參差的, 今次反而不錯, 福袋吸收了湯後更清甜所以必定要先食福袋後肉, 吸質變了吸油紙....然後魚面, 雖份量異常細, 但味道似生菜魚肉, 最後當然是牛肉烏冬~~~好味 再加上芝麻醬~~~~2 個人, 一齊打一個鍋, 好開心~~~~食下傾下又等下, 話咁快就見到D 呀姐開始清潔同落半閘.....HAHA正如所有食客一樣,

得兩個人又想食火鍋 咁近近地就食附近商場既大家樂火鍋啦都8點幾 好多位 呢期火鍋標榜係蕃茄龍蝦湯底~有幾set配料揀~但係就揀左Y3呢個 因為本身唔係特別鐘意食肥牛 而Y3呢個餐就用一筒蝦滑黎代替左隻蝦下層個箱係菜 冬菇同埋烏冬 豆pok果d..其實d料都唔少丫 我見好多人兩個人食一個都夠同埋有埋烏冬都會夠飽買完之後唔駛交"飛" 坐住等左都幾耐~15mins左右不過拎晒火鍋先發現原來個飲品要另外交"飛"拎左之後 因為呢間d呀姐比較疏落 都唔太發現我地需要爐所以都自己走左去搵姐姐同佢講兩個爐其實都幾好禮貌 又會同你講多謝晒不過係之後d湯少左唔知點搞好 不過好彩大致上都夠 唔係就麻煩其實都幾好味既不過我呢個蕃茄龍蝦湯真係好淡好淡好淡...甚至無咩蕃茄味..我本身都已經不存厚望架喇...

離開了住了十年多0既大埔區,和老公搬來馬鞍山!!!搬來第一日去了大家樂食下午茶而那個蕃茄肉碎通粉呢沒有太濃烈0既蕃茄味..不過都唔可以要求太多-.-下次都係食西多士好過lu ;)

呢間頌安大家樂我食過好多次，冇試過啲人無禮。相反，早餐時間啲啊姐，尤其收銀（有時兼水吧）好友善又精靈。水吧啲人都好有笑容。試過馬鞍山同區錦英果間，又試過新港城果間，比較一吓就知道呢間頌安啲人唔錯。我駕車去遠啲頌安呢間都喺因為佢哋啲人nice啲。不過晚餐時間我就未試過嚟喇，因為我收工，唔喺呢區嘞。

昨晚9時左右到這間大家樂吃紅白雙子鍋(穀飼肥牛雜錦鍋), 見配料有半價,多叫了兩個, 付款後拿了飲品找了坐位等待, 結果等了10min都沒有叫我的號碼, 飲品喝了4分1, 所以忍不住出去吧台看看, 結果看到的是我的order已經落了, 但是盤子裏只有一個大盤的配菜, 其他我叫的配菜都沒有, 那個小姐叫我多等一會, 結果再多等5min左右才拿到我的火鍋, 看看錶已經是9時35分,難怪肚子那麼餓火鍋的分量和味道都ok, 吃了一會後湯不夠, 就出去吧台問, 順道拿杯水, 結果吧台一個人也沒有, 失望的回到坐位, 見到一個阿姐在收拾碗碟, 就去問她, 結果她口黑面黑, 很不禮貌的說 " 要水的去水吧拿吧, 我們不能進入水吧, 還有我們10時20分就收工啦, 還有很多工夫做, 冇時間理你呀" 然後就走了, 我嘆了一口氣, 想想沒湯都不行呀, 所以我就四處找找, 就在一個架子上找到水壼, 怎了倒水後發覺壼裏的水剛剛好蓋到鍋裏的配料, 真的......再繼續吃了一會, 那些阿姐不停在我附近走來走去收拾東西, 這也沒關係, 我火鍋照吃, 怎知就在此時我聽見背後有個阿姐很不禮貌的說 " 要吃就9時前來吃