大家樂 (葵涌商場)

打風前夕，和屋企人決定來個快閃晚餐，大家樂推出了個激抵扒餐，見賣相唔錯，價錢便宜，小妹今晚就要食佢啦鐵板雜扒餐 $58雜扒有豬扒、雞扒、腸仔，腸仔內有魷魚粒，口感唔錯，配上黑椒汁和洋蔥，香味撲鼻，仲有肉醬薯蓉，份量豐富。台式滷肉燒鴨脾飯 $47另加菜和糖水$10整體食物中規中矩，味道不錯。…查看更多

以前都係食開雞扒蛋粥，自從有咗呢個新選擇之外，而家差唔多日日都食佢。我幾鍾意佢個銀針粉，個湯底佢會有啲蝦膏味，另外朝頭早食炒米粉都係一個我好鍾意嘅選擇，配埋佢杯招牌奶茶真係超級滿足。…查看更多

首先作為一個忠實嘅food commenter, 我係會用中肯嘅角度去講所有嘅餐廳。好多人都會覺得大家樂呢啲連鎖式快餐店只係得speed,已沒有好食嘅嘢, 呢個絕對係偏見。我個人認為佢哋嘅嘢食係性價比可以的，所以我好少cOmment快餐店，但係今次都想俾返啲意見。首先切雞嘅雞係熟嘅，絕對冇唔熟有血絲嘅感覺。另外可能因為佢俾咗雞翼嘅部份俾我，我覺得幾好食幾嫩，同鞋口扯不上關係。份量嚟講我個人覺得係可以嘅，但係可能食得比較多嘢嘅男士們就會覺得唔足夠。凍檸水嘅檸檬亦都冇一陣苦澀味，講真30幾蚊你有一碗切雞米同埋凍飲，我覺得合理。…查看更多

我覺得而家係通脹情況咁高嘅時候，大家樂嘅燒鴨瀨下午茶真係冇得頂，我覺得佢個燒鴨係做得出色過出面好多嘅燒味檔，加埋隻由髀收呢一個價錢，出面真係好少地方做得到，同埋佢杯奶茶真係可以保持水準，每次飲都會覺得好好飲。…查看更多

今日突然之間好想落去大家樂食早餐，本來想食魚柳，但見到門口有個早餐精選$26有三文治再有個面同飲品，忍唔住就買咗個優惠餐嚟食，再加了3蚊轉泡沫咖啡，首先泡沫咖啡味道都係偏淡，而且泡沫唔算好滑身，最後飲左半杯放棄了。三文治比較凍，幸好蛋和火腿都足料而且口感不錯，當初以為細就得少少，幸好米粉份量都不少，雪菜都幾好味，整體味道吾錯，但下次吾會再買加三蚊的咖啡，而且這裡收銀服務一般，講解不夠清楚，衛生程度都唔錯。…查看更多

樓下唔算好多選擇，所以其實都 冇得揀之下都會去大家樂，但係冇諗過原來大家樂有公司三文治。實在太耐冇食過啦，所以忍唔住買咗一個三文治半份加雞翼在叫咗一杯熱咖啡，價錢32蚊。但係冇諗過同圖片同心目中咁大距離，其實雞翼都預咗唔會好大隻，但係夠熱度而且雞翼味都唔錯。但係公司三文治就同相片好大分別感覺，三文治份量有少，上面嘅麵包有烤過，下面嗰兩塊係冇 ，而且咖啡味道好淡口，同出面嘅大家樂好似仲差得遠。 所以下次都應該唔會再嚟依間大家樂會寧願去其他唔同嘅餐廳食會更加好。…查看更多

行過大家樂，諗起上次在上環大家樂食過的焗肉醬迷你飯，心癢癢的又想食過！價格並沒有因為地區而改變，仍然賣$30連熱飲一杯，不過味道有明顯的分別。葵涌的……香草味減了，歐陸味滅了；肉醬裏缺少了肥滋滋的牛脂及牛腩雜碎，甘香味道當然少了。肉醬裏的雜菜碎，能見到的只有洋蔥碎，然而甘筍、蕃茄……相信已經溶掉了！至於焗飯本身，四邊都是焗至脆邊，面層乾身，底層有汁，撈飯撈得啱啱好!…查看更多

焗肉醬意粉 - 有基本材料，肉醬，蕃茄，芝士，意粉，肉醬好杰，肉碎唔香，只有蕃茄味而無芝士味，意粉份量算多，但幼身同好乾，比較難吞，好在跟餐仲有杯解渴既汽水，如果唔係………查看更多

大家樂午餐有個自己配搭兩餸飯，餸有分X類(X1,X2)同Y類(Y1,Y2,Y3),價錢由$36-$38, X類係菜，Y類係肉，有菜有肉食都算健康小小，今日就簡左翠瓜雞粒玉子豆腐拼鱆魚雞粒蒸節瓜。其實份量都幾多，玉子豆腐係滑但實左小小，雞粒都韌左d！鱆魚雞粒蒸節瓜，黎個雞粒又蒸得唔韌有鱆魚粒帶有鱆魚既香，雞粒底有兩塊節瓜剩隻黎蒸，最好既地方就係唔好太咸！黎個餐配埋飲低糖綠茶，$36算唔錯啦！…查看更多

凍咖啡攞時已溶緊啦!會唔會之前倒多了? 朱扒咬落唔夠鬆囉,而且最唔明点解有旦包住塊朱扒,是否代表先炸再舔旦再煎呢?真係不得而知嘞!炒飯做底又唔覺炒得油,軟硬適中,唯獨欠缺飯香:( 茄汁很酸...有蕃茄有波蘿咪仲酸.... 剛剛瞓醒嘅我,又要落街揾食啦!今次去大家樂先!講起大家樂,多年來令我印象深刻嘅有1蚊1隻糯米雞,2蚊1杯熱奶茶及一哥焗朱扒飯! 今次我就食番"一哥"啦!多年冇食過不知現在味道如何,真的很期待:) 算吧!現在很多中央厨方,故此不能要求過高…查看更多

因為被火腿卷吸引, 想食這個盛盒茶餐, 所以今日特登不吃午飯, 等到茶市時間.叉燒湯米是瘦叉燒切絲, 與米粉的份量都正常, 但湯底淡味.芝士火腿卷的酥皮不鬆脆, 有些微韌, 不過夠熱, 所以是收貨的, 但就沒有所謂的芝士味. 內有火腿絲及洋蔥絲, 味道是可以的. 可能隱藏著眼見不到的油, 食到最後二啖, 開始有點膩.牛油粟米粒的份量正常, 起碼不是得十粒八粒咁少, 不過可能只用水燙過, 所以有點淡而無味, 根本沒有牛油味.腸仔有二小段, 煎過, 腸尾開花, 算是做了點工夫.咖喱角有一件, 算熱, 有點漲卜卜, 樣子討好, 但不太脆, 當然亦不會期望有甚麼饀料, 不過勝在有咖喱味.西米布甸共有四粒仔, 幾滑, 有椰汁奶味, 是不錯的餐後甜品.熱奶茶是一貫的味道, 不過不失.食完整個餐, 竟然覺得飽, 攪不清楚是因為自己已過了食飯時間, 還是個餐雖然樣樣少少, 其實加起來都有一定份量的原故了. 食了一堆不同食物, 仲因為有coupon, 可以減多二元, 加上環境不擠迫, 坐得算鬆動, 所以是滿意的. …查看更多

雖然是假期, 但為了食早餐, 早了起床, 來到門口, 約八點, 都唔少食客喎, 不過都唔難搵位. 因為坐位夠多, 仲可以舒舒服服一個人坐一張枱慢慢嘆.叫了糯米雞粥餐, 因為有coupon, 慳了$2, 感覺上抵食D.糯米雞頗乾身, 份量足, 包著饀料的外圍糯米只是薄薄一層, 相對顯出饀料份量頗多. 除了有隻雞翼, 有塊冬菇, 更有一小段臘腸. 另外, 真有點意想不到, 在醬汁中, 除了有碎肉粒, 還有碎蝦米和碎冬菇, 以致大大增加了豐富感. 皮蛋瘦肉粥都頗綿, 味道唔錯, 由於在粥裡有幾粒較大的皮蛋和肉, 所以就多了些口感.相對之下, 熱奶茶就未夠理想了, 覺得佢濃得嚟却欠茶味, 不過都okay的. 最近幫襯過大快活的同類早餐, 覺得都滿意的, 但若果要比較, 今日食物水準就略勝了.另外, 我幾欣賞這裡執枱呀姐唔會在客人未食完, 就走過來要收嘢, 攪到食都食得唔安樂. …查看更多

又係一個要自己買飯盒既晚上@@上完堂做完野就去買野食啦,,選擇咗爵士牛扒飯 $45 so皮湯,,唔錯噶,,個皮---so 加湯一齊食,,good ar!!! 焗薯,,唔得呀,,, 只系求奇用錫紙包住距,,整熟距,,完全系冇味既,,難食 牛扒,,第一下咬落去,,呀><""" 救命呀,,咬極都咬唔開law咩事==" 嬲嬲地之時就切中間啦,,中間又ok wo,,sor 打粉落得唔均匀?!,,唔知啦,,相比起之前既牛扒飯,,呢個真系差咗,,之前我好like大家樂既牛扒飯噶><" PS: 太唔靚啦外賣LOOK,,所以冇影到相,,sorry la~…查看更多

呢間野開左好耐囉...點解宜家先上食評 ?_?唔理啦, 就算有我平時都唔會特登寫大家樂呢d不嬲ABC常午快餐, 無咩特別, 無驚喜, 十年如一日 (好食的)今次我想講, 係我上年12月中大病一場我返呀媽屋企訓, 我叫我女朋友返第一城, 驚惹到俾佢果晚屋企無人, 我自己落去食不過病到死下死下, 估唔到自己連份扒餐都攞唔起 :(我廿幾歲人, 一份扒都攞唔起, 雖然話病, 都好瘀 :(正當我猶豫之際, 後面個經理好似睇到我唔多妥行過黎問 "先生, 請問有咩可以幫到你?" :)我覺得, 當時果句 "唔好意思, 唔該哂" 應該要係open rice講因為, 我今日食果間秀吉令我明白, 服務態度, 唔係必然的我俾你寵壞哂lu 亦要感謝你當日, 幫手維護我男人樽鹽 …查看更多