大家樂 (愛東商場)

营业中

休息中

位於筲箕灣的大家樂早餐選擇多元，這次試的是銀針粉加煎蛋。銀針粉爽滑彈牙，湯底清甜，帶有蝦米香氣，味道自然不油膩；煎蛋煎至微脆，蛋香突出，與銀針粉一同享用更添層次。整體味道簡單但有誠意，是一款適合早上享用的港式粉麵組合。環境：店面整潔，早市人流多但流轉快，適合短暫用餐。 價格：約$35，屬親民價位，性價比高。 食物質素：湯底鮮香，銀針粉口感佳，煎蛋火候適中。 食物種類：早餐選擇多樣，粉麵、粥品、三文治等均有供應。如果你鍾意清淡又有口感的港式早餐，這款銀針粉加煎蛋值得一試。

今晚落雨自己一個去筲箕灣愛東邨大家樂，因為就收工，所以人少舒服！大家樂嘅鐵板什排餐真係超正！熱辣辣嘅鐵板一上枱，“滋啦”一聲，香氣即刻撲鼻而來。雞排煎得金黃焦脆，咬落去肉質嫩滑；豬排鹹香入味，肉汁豐富；牛扒軟嫩多汁，黑椒汁濃郁惹味。三種肉類一次過滿足晒不同口味需求。配菜嘅炒雜菜爽口清甜，再配上個太陽蛋，戳破蛋黃讓蛋液流喺鐵板上，佩埋成個薯仔一齊食，口感層次豐富到爆炸！仲有中湯同凍檸茶走，飽肚又滋味，絕對係性價比之選，成日都想食返轉頭！$58鐵板茶餐$3凍飲$10喳咋+中湯

大家唔陌生， 係熟悉嘅大家樂當日叫咗 燒味+ 雞髀餐，先講一講個义燒， 做得唔錯 啱啱好緊緊熟 帶少少粉紅色，肉夠淋，有汁，唔會乾柴， 不過有時真係好睇彩數，我果日幾靚， 粉麵方面我揀咗瀨粉， 都正常， 咨會生得滯或者諗得滯， 仲可以問師傅拎蔥油薑蓉，加埋－齊又幾夾。之後到重點炸雞髀， 係即炸(lucky)裏面仲有汁， 不過外皮炸得深色左少少，唔夠金黃， 不過都知道唔會有咁完美，所以我都接受， 起碼炸得夠脆， 飲品方面 揀咗我最愛嘅熱奶茶， 色澤同滑度都可以，而且今次熱度夠，比個讚佢， 埋單下午茶都係46蚊， 服務態度都可以接受， 出得都幾快，可以一去

呢幾日天氣開始轉冷，自然又好想打邊爐，最快捷又唔使點諗嘅方法，就係去幫襯快餐店嘅一人邊爐。豚肉鍋，揀咗豬骨湯底，以$60嚟講，份量都算可以接受，夠飽嘅。豚肉質素亦比我想像中好，唯獨最失望就係個湯底，近乎無味… 基本上淥啲咩落去，都好似白涮咁… 本身有三款湯底可以揀，建議真係唔好揀豬骨湯！太耐冇食過，原來已經好自助化，自助調味料丶自助加湯，而所謂嘅湯，倒出嚟同啲水差唔多顏色，亦都冇乜味，究竟係咩湯黎㗎呢? 價錢可以，食物一般，餐具一向都唔夠乾淨，此店嘅服務就唔使有期望，呢個所謂嘅「堅」爐，試一次就夠。

今晚諗住近近地去大家樂食夜晚，見到有個二人嘅燒雞餐，89蚊，就決定試下隻燒雞都好大隻，燒到好香，完全夠曬兩個人食，啲皮燒到好香，啲肉又唔怕好乾，有肉汁又好滑，比得上其他西餐廳嘅燒雞，啲味調到啱啱好，真係幾好食，旁邊仲有兩枝粟米，不過就淡啲，無乜味，如果有牛油就正🤣除咗燒雞同粟米，個餐仲包咗個芝士腸仔薯蓉，芝士味好濃，啲薯蓉好香好好食，佢啲薯蓉唔怕成pat嘢咁，反而係做成幾大舊嘅薯仔咁，好香薯仔味，撈埋芝士令我食到停唔到口😋成個餐都只係$89，絕對抵食👍🏼

食大家樂從來唔需要有期望，但點都諗唔到喺收銀處已經遇到失望。點左餐，攞左八爪魚同wechat出黎準備儲分同俾錢，殊不知收銀大嬸唔知係咪唔識儲分機制，叫我拎開張八爪魚拍wechat俾💰，我已經再三講儲分，大嬸好似時運高聴唔到咁，重複「拍wechat」，好啦，拍完啦，再問D分點儲，呀，佢突然瞓醒喎！同我講儲唔到啦，因為無先拍八爪魚！ 跟著佢好「有禮」大聲咁話，「咁咪我錯囉，對唔住囉！」（又重複啦）嘩！對唔住講🉐️有禮貌D唔🉐️架咩？真係你錯呀嘛！拎你去再培訓都哂時間哂💰！

下午茶個餐三樣飲丶食品冇樣得，杯咖啡常有煙薰味丶迷你牛角包一堆看來令人反胃的餡就咁放在包面、五香肉丁麵的肉丁又乾又鞋似柴皮。浪費了31蚊。 還有，近年附近已開了兩間越南嘢，唔該唔好再賣越南湯粉啦。總括一句，下午茶真係冇款想食。 晚餐冇堂食的一哥豬扒焗飯應在牆上餐牌註明，因外賣的差好遠，美味和賣相都係。只剩外賣我唔會再買。

一直都好小食大家樂，但經過門口見到有個餐寫住50蚊，梅菜醬油雞（半隻）。仲要包埋野飲！！心唸咁抵？！即刻走入黎食。上菜之後見到，哇！真係足半隻雞，而且連飯都好大碟！雞上面有d梅菜，好似食緊梅菜扣肉咁，好味！到主角雞喇，雞夠味，但未算係好滑，但如果呢個價錢黎真係cp值爆燈啊！

    　大家樂又有新搞作，下午茶時段推出了日式monchi包，共有三款口味可供選擇，一是辛辣咖喱，二是日式紅豆，三是紫薯。　　昨天中午和家人吃飯，同時做節（端午節）、慶祝姑姐生日；晚上則到男朋友家做節，享受豐盛筵席，飯後還有父親節蛋糕，我吃得十分飽。今天上午只吃了兩片麵包算了，到了下午茶時間，才有些許的餓意，於是便陪家人去吃下午茶。　　由於近日太飽，我只想吃些輕量的東西，便點了mochi日式紅豆，再加牛油粟米，喝熱奶茶。　　我一向視大家樂的奶茶為大家樂的鎮店之寶，可惜今次的熱奶茶有點失準，因為不夠熱，只是微溫，大概是放得太久了吧。　　粟米很軟稔，雖然加了牛油，但沒有肥膩的感覺，保留了新鮮粟米的香甜，不錯。　　到了主角了，monchi包的外層是炸的，但卻沒有讓人感到熱氣及油膩，內餡除了有豆沙之外，還有一團白色甜甜的東西，我猜大概是糯米粉吧，帶甜而軟糯的，日式紅豆一向予人過甜的感覺，但這個並沒有，味道不錯。　　如有機會，希望試試其他的mochi口味。

晚上10:00,忽然想食蘇皮湯，諗起PIZZA HUT但又覺得一個人食去果度太過份，結果我選擇左去大家樂。呢個都係我覺得佢成功既地方,一個人食晚飯都可以好精彩!食物質素方面，蘇皮好正,唔會淋曬,係個湯比較水左D，唔夠忌廉。牛扒方面肉質OK,配撘黑椒汁味道唔錯,口感彈牙,$53價錢超值。

好耐無嚮快餐店打邊爐, 是晚太夜收工, 乜都唔想食, 突然醒起不如去大家樂打邊爐.太耐無打, 完全唔知叫幾多先夠食, 結果只係叫咗一個餐加兩碟散叫. 總數約90元.結果係僅僅夠兩個人食咁啦. 另外散叫的兩碟食物, 分別係上圖左下角得四粒咁大把的肉丸, 同埋右上角的娃娃菜.偶一為之, 勉強可以啦. 但應該唔會再返兜囉.

lunch time去咗大家樂...試咗呢個牛more王...裡面有牛肋條、牛脷片同牛肉片對於我嚟講...幾大碟吓~~lunch time 同同事去咗大家樂...試咗呢個牛more王...裡面有牛肋條、牛脷片同牛肉片對於我嚟講...幾大碟吓~~所以...結果都食唔哂!!

To be honest, u won't expect much from CDC but the service I had last Thurs was outrages... I ordered a beef brisket meal to take out and I stood there for ages, watching the lady to pack all but mine one, wondering if there's still something missing, and all of a sudden, she ask me if I have order the beef brisket! What more can I said

6-3-08 (四)午餐吃不飽，走得累了，到大家樂加加油。公司三文治烘底，都不錯，不過烘底不脆。二十元一客公司治再加熱飲，很抵食呢，尤其是最近很多麵包店都趁機狂加價，亂加價。