大家樂 (油麗商場)

我叫咗個咖喱牛腩飯，個飯太硬好乾，我同廚房講要求換一個，廚房個姐姐同廚師講個飯要腍啲，結果我得到嘅飯係糊狀，其實唔想做可以唔做，冇必要浪費食物。呢間嘢質素本身都一般，但冇諗過咁差…查看更多

看到電視廣告話新出鰻魚雞扒焗飯，標榜保證有半條鰻魚便立刻去堂食試一試。嚟到見到條鰻魚，只有大約一隻手指公咁長，仲要厚度得一兩cm都唔夠。而條鰻魚本身已經係整到好乾，就算用刀切都好似切豬扒力度先可以斷開。鰻魚本身好硬，有骨，好腥。10分滿分一定只係零分。從來未食過咁難食嘅鰻魚。另外雞扒係一貫大家樂嘅出品，乾噌噌，但相對比起條鰻魚已經算係咁。唔好話人點解成日北上消費，作為一間香港大快餐店竟然可以出這種食品給客人簡直是羞恥。…查看更多

下午茶超值套餐 豉油皇炒麵+多士+紅豆冰 $28多士-普通紅豆冰-普通豉油皇炒麵--非常差豉油皇炒麵裡面的配菜只有幾條蔥 並且麵體偏硬偏乾可進步空間巨大 不會想吃第二次…查看更多

我最近品嚐了一份粟米肉粒飯，讓我來分享一下我的食評。這份飯菜的特點是它擁有多種成分，包括粟米、肉粒、青豆、胡蘿蔔、菜和飯。首先，我要說這道菜的配料非常豐富，每一口都能品嚐到多種不同的味道。粟米是這道菜的主要成分之一，它帶來了一種甜味和嚼勁，為整個菜餚增添了口感。肉粒的加入讓菜餚更加豐富，它們的嫩滑質感和美味味道提供了一種滿足感。青豆和胡蘿蔔為這道菜增添了顏色和營養價值，並且為整個菜餚帶來了蔬菜的清新口感。菜的存在使整個菜餚更加均衡，並且提供了一種清淡的風味。最後，飯的質地十分適中，和其他成分完美搭配。它吸收了所有美味汁液，讓整個菜餚更加一致。總的來說，這份粟米肉粒飯給我的印象非常好。它擁有多種成分，提供了豐富的口感和味道。如果你喜歡擁有多種成分的菜餚，這道粟米肉粒飯絕對是一個不錯的選擇。…查看更多

好難得午餐仲見到粟米肉粒飯，平時遲d去都賣曬，所以見到就試吓😋加$1轉紅米炒飯，炒得乾身又粒粒分明又唔錯喎唯一缺點係粟米太少肉粒太多😂優點係飯好多，汁都多仲有少少蔬菜🥬…查看更多

屋企樓下就有間大家樂，不過平時好少可會去食，因為覺得佢冇乜新嘢好試，所以一直以來都興致唔高。不過今日趕住出門口，想快快趣趣填飽個肚佢就算，點不知竟然比我試到正嘢。大家樂最出名莫過於佢個一哥焗豬扒飯，但今次搞搞新意思，出咗個吉列雞扒焗飯，咁佢個飯底同汁都依然係同佢個signature一哥焗豬扒飯一樣，飯底係蛋炒飯，面頭鋪滿茄汁、粟米同芝士，但個吉列雞扒就高質過焗豬扒好多，可能因為personal preference，我係偏好外脆內軟嘅肉類啦，佢又好juicy好嫩滑，所以我個人來講係覺得塊吉列雞扒好正嘅，希望之後佢會keep住出吉列雞扒系列啦。…查看更多

繼之前post過既 法式焗慢煮牛面肉飯 之後，再次有個新既焗飯 — 白汁芝士焗海鮮飯 值得介紹分享下🤭所謂既白汁並非平時平平無奇既忌廉白汁味，今次用左好多香草加上濃濃既芝士味，食落完全唔會覺得似係大家樂食到既高質焗飯🙊🙊 材料都好豐富，主要有 魚柳，蟹柳同蝦球，味道連埋一齊食一啲都唔會話單調，非常有層次感😋…查看更多

一心諗住落咗堂就去唱K嘅 #小秘書，居然被 銅鑼灣Neway CEO 拒之門外🤨 原因係我哋比booking時間遲咗出現😅 不過我哋已經表明會照原定安排七點埋單，唔會賴死唔走... 但係個職員依然堅持(明明當時都無客)😏 咁我哋唯有轉陣啦👉🏻👈🏻 見天氣涼涼地，#小秘書 嘅 #邊爐癮 又發作😉 不過我哋又唔食得太多，見 大家樂 Cafe De Coral 新一季嘅「打堅爐」又出咗，呢晚就慳慳地喺 #快餐店 搞掂。原來好多 #香港人 都同 #小秘書 一樣鍾意 #烚吓烚吓 㗎，好難得先比我哋搵到位💪🏻 朋友唔食牛，佢揀咗 #豚肉鍋，而 #小秘書 就當然要 #牛肉煱 啦。平均七八十蚊一個人已經有 #肉🐮有 #菜🥬 仲有杯 #凍飲，難怪每晚都座無虛席。我呢日揀咗個 #沙嗲湯底，將 #乾蒜蓉、#辣椒、#蔥花 搵入 #豉油 用嚟點 #牛肉 食，味道實在係太合拍😁 其實有時食啲咩真係唔重要，都係搵個機會比自己出去輕鬆吓❤️ 呢種就叫做 #街坊風味 嘅 #幸福 呀！…查看更多

從前一直討厭連鎖店的味道，所謂從前，是幾年之前的事了。之所以如此說，是因為近年以個體店小店文青店老店之名者，愈開愈多，然而欺騙者眾，所消費有一半在於食物以外的東西。因此又開始了光顧大集團，大家樂是當中較穩定味道尚可之一。當然此類大店，在透過中央廚房供應大部分原材料，包裝汁醬，肉食醃製以至早上包點糕點糯米雞，以致茶葉配對咖啡豆選用各種情況下，自然是千篇一律沒有個性的食店，再此換取穩定安全的食品，價錢於黃金地段維持著合理的質素，試問這不就是支持著香港普通人的生活？基本上在各分店所買到的食品，都有一定程度之相近。點的是燒春雞配粟米，焗薯，餐飲轉配中湯。春雞無甚特別，調味是有點咸味的雞肉。肉質就一般，都是預先烤熟再翻熱奉客，猶幸不太乾。粟米叫貨急凍貨式，外皮有點靭，乾水，放得有點時間了。沒有燒汁之類搭配。焗薯是水煮薯仔配白汁，味道欠奉。中湯正常，不過不失。總結而言，即使如此不足，以價錢來說，也不能挑剔吧？不叫得上難食，也能將就一下。大家樂的位置不好坐，沒有服務，員工也沒有很禮貌，但的確將價錢都回報到食物之上，試問又有幾多樓下小店可比？…查看更多

今日點幾鐘掛了8號風球，未食lunch就趕住返屋企，迫到返黎已經3點，真係好肚餓，2條友搵地方醫肚，其實回家途中，好多餐廳都收左。真係好感謝大家樂所有員工，仍然為市民服務。最愛既炸雞肶咁岩賣曬，2個都好肚餓，咁我地就3個餐。沙嗲牛肉麵奶油豬＋熱奶茶，奶油豬如果可以熱D既就會好食好多，今日杯奶茶有點澀。燒鴨米＋紅豆冰，燒鴨有肉食，份量都夠，食得飽飽。西多士＋紅豆冰，呢個西多就真係有點失望，拎返黎搽牛油時都感覺到唔熱，因為牛油唔溶。切既時候有點硬，凍了的西多，或者會無咁熱氣，所以口感就麻麻，唔香口了。…查看更多

晨早流流醒左訓唔返於是就拍醒男朋友落樓下一齊食早餐求求其其選左大家樂大家都叫左雞扒炒滑蛋要值得一讚 呢間分店多士都烘得幾好蛋蛋滑滑 雞扒有多汁唔係是是但但米粉就同平時食差唔多啦~…查看更多

昨天早上起來就感覺到有點冷冷，於是盡快換衫清潔去食早餐暖一下，於是去附近的餐廳來一客早餐，我叫了一份餐肉雪菜米和熱鴛鴦，先講一下件餐肉煎得好甜香外面脆脆的，而雪菜味道剛剛好帶一些甘甜味，最後當然就是加1杯鴛鴦咁就完美啦。…查看更多

瞓到日上三竿先起身,又肚餓又想極速有嘢食,就一定係非快餐莫屬喇。兩點零三點鐘落到嚟大家樂,必定人頭湧湧,好多人都鍾意嚟嘆番個下午茶餐,但對於阿肥嚟講,一個餐嘅份量永遠唔可以滿足到佢嘅食量,所以我哋兩個人叫咗三個餐本來我叫嗰個係時段優惠餐,本身係奶油脆豬拼榨菜肉絲湯米,配熱奶茶,我就加咗$9蚊加多隻蜜味雞翼阿肥就叫咗牛角包拼榨菜肉絲湯米,配熱檸茶,再加一個炸雞脾拼沙律餐,配紅豆冰,認真豐富食物賣相就唔算係好吸引架喇,不過味道都係唔錯嘅唔會馬虎,最鍾意佢呢度嘅奶油脆豬卜卜脆上面仲加咗小小鍊奶,同埋隻蜜味雞翼真係冇得頂,米粉下午茶嘅份量對我嚟講都已經好夠,同埋都幾健康唔會落好多油,杯奶茶呢度一向都沖得有水準,所以如果趕時間嘅話快餐一定係不二之選喇…查看更多

今日做野做到唔知時間,去到發現好肚餓都2點幾咁就梗係等下午茶時間啦,去左大家樂買返個TEA外賣先叫左餉脆炸雞脾茶餐飲奶茶加7蚊要多個炸菜肉絲米粉等左好短時間就有喇炸脾都真係好炸下,不過入面都仲有好多肉汁既,外面都好脆口個炸菜肉絲米粉就正常野啦...份量唔算大不過7蚊唔好嫌3嫌4喇米粉都唔太硬,而炸菜都唔會好咸,SO FAR SO GOOD LA飲埋杯奶茶都夠飽既…查看更多

試過喺不同大家樂分店食炸脾，但雞脾質素同 size 可以好參差，唯獨油塘分店嘅炸雞脾，先留得住我個胃。先講炸脾嘅 size，都算大隻，差唔多有成隻手掌咁大，雞脾醃得好入味，食得出有用淮鹽，而且雞脾夠熱，應該係剛剛炸起無耐，雖然係雪藏貨，但肉質嫩滑，無雪味同膻味，真係食過返尋味，水準依然，如果雞脾炸起後隔一陣油，就會更好啦! 火腿通粉同奶茶都不過不失，係扭扭粉稍為淋咗少少，為咗食佢嘅炸脾，下次都會再幫襯~~ …查看更多