大家樂 (已結業)

不想去大快活，就去大家樂。見到銀針粉出場，大喜；而且有新產品—雞肉扒配蕃茄醬汁，所以要了煎雙蛋雞肉扒配蕃茄醬汁，銀針粉及凍華田。雞肉扒不知道是否大家樂自制，肉裡有青豆﹑粟米粒，煙煙UNUN幾好食；配埋鮮蕃茄醬，好味之餘更能清到雞肉扒的油膩味；煎雙蛋的蛋白幾滑；銀針粉好好味，由於本身太愛銀針粉，加上湯又好味，最後食到碗底朝天﹗凍華田也要讚一讚，沖得十分好，第一次在快餐店飲到咁濃味而且甜味0岩0岩好的華田(多數飲過的是一係好甜﹑一係沒味)，附帶的糖漿我也沒有加。這個早餐，真係100分﹗

餓得發荒，一人要了兩個下午茶餐（哈）炸魚柳拼沙律，熱好立克＄１４：魚柳很細件而且有點腥；薯仔沙律，粉粉地﹑結結實實，唔怕有水出（＜～最怕沙律出水），幾好味添，食完已經好飽肚。蕃茄肉碎椰菜通粉＋＄５：味道沒問題，清清地，也是嫌通粉煮得不夠林。炭燒豬扒包，熱好立克＄１６：打開袋子，那塊外型正方兼望落乾淨淨的豬扒打橫放響一條長軟包中間，炒洋蔥走哂位，教人怎吃？唯有自己執，先塊豬扒一開二，再拔走支無作用但又要插響包中間的牙簽，跟手攝返材料入去，ｆｉｔ哂喇～包留在六點翻熱後吃，充滿白色粉末的包是塗了牛油，但吃不到有牛油味，應該說本身個包都沒什麼味，兼且有點乾；反而豬扒望落乾淨淨，食落又不是咁差，幾好咬口添；洋蔥要分開食，沒辦法，走位情況嚴重XDＰＳ：好立克加啡糖是否不ｍａｔｃｈ？今餐第一次試但很難飲呢:bbbb

今日中午食了叉燒飯+熱檸茶($29), 叉燒要了半肥瘦, ok味道幾好, 肉質又夠腍, 大家樂的燒味水準不錯, 滿意的一餐. 下次試下廣告推介的脆皮燒肉.不過, 大家樂的收貴亦都愈來愈貴, 一年加幾次價, 仲貴過去茶餐廳呢!

自從某日食過大家樂的吉豬早餐後，就念念不忘。今天趁早上去銀行，就來吃喇﹗吉豬：好厚身，肉質彈牙，炸醬不厚。今次食食下先發現點的沙律醬是蛋沙律醬來的~(happy)蕃茄肉碎通：很大pat蕃茄肉碎響面，又一大堆椰菜絲，未食已很得我心(嘻)。通粉比較硬，味道雖然唔夠酸(個人喜好姐)，看著用2蚊換來的份上，已可收貨。厚多士：塗滿牛油後再點餘下的蕃茄湯食，正正~也是那句話，水吧的服務員還未瞓醒似的，反應很慢呢﹗

本來想和朋友去唱ｋ或是睇戲什麼的，不過朋友開會的時間超過了預計的，’想’的活動也要腰斬了＞＜等他之時就來吃個午飯吧～１１點２，剛剛轉了午餐，下午要去ＢＢＱ，就來個輕盈版白汁雞皇飯餐（配西湯，蒜蓉包，凍蘋果綠茶）西湯是羅宋湯，味道不錯；蒜蓉包是半個豬仔包，估不到吃落很鬆軟，點些羅宋湯送來吃，正！雞皇飯雖說是輕盈版，但也足夠大食的我（如果３分１的飯沒給朋友偷吃的話，哈哈）汁也不錯。最後的綠茶甜甜的，不過不失。因為這餐的３分１分了給朋友吃＾＾算是剛好的飽吧，都好，反正要去ＢＢＱ要留點肚啊～嘻水吧的服務員有點呆,要一杯清水也要叫3次才有=.=

今期大家樂以香蕉船+鐵板餐為綽頭, 上星期行街見到, 被香蕉船吸引左入去.一份餐, $38, 其實都幾多野食, 以份量計都幾抵.粟米海鮮酥皮湯: 今次的酥皮還有點脆的, 但我鍾意浸浸湯先食, 個湯似普通忌廉湯, 無咩特別.西冷鐵板: 塊鐵板比以前用的細塊了, 對塊西冷無期望, 只係唔想食雞和魚之下的唯一選擇. 不過, 在西冷上的一小磚香草牛油就唔錯. 反而較喜歡所跟的"扮"焗薯和其醬汁, "焗薯"應該係白烚無焗過, 不過都好, 好似無咁熱氣香蕉船: 就捨棄了釀海螺. 半隻香蕉開半加一個雲尼拿雪糕球再加塊威化餅. 其實無咩特別, 亦好難唔好食. 大抵想吃都只係為點回憶而吃吧~

見倒有網友講糉，先醒起我都要講吓，雖然己經過時，但我都係覺得值得講吓。端午節前，朋友送咗張糉卷俾我，於是嚟呢度攞糉。端午節當日，應吓節食番隻糉啦。咸嘅冇乜特別，但係隻甜嘅就好特別啦。佢個名係叫做桂花紫米糉，成隻糉真係充滿糖桂花嘅香味，淡淡清香，小小甜味，食咗都唔覺膩，仲越食越想食添，可惜祇得一隻，仲要同家人分享添，唯有等第二年自己買番隻嚟食啦。嘻嘻！