大家樂 (良景廣場)

晨咁早入屯门宝田邨，发觉宝田邨系无乜嘢食，就同朋友过隔离良景广场食早餐，去咗大家乐，算系稳稳阵阵的选择，而家大家乐早餐啲价钱高咗好多，啲配搭又唔似餐厅，又唔似茶餐厅，唯一好处就唔使等位。睇咗几转餐牌终于决定到食甚么，其他真系唔多啱食，就叫咗两个中式早餐，相对丰富，有皮蛋瘦肉粥，粥好绵滑以粉开，不过好食就得。炒面够味，面质就普通，加甜酱好食啲，萝卜糕有一条条萝卜，仲有粒烧卖同迷你油炸鬼，味道系正常，只系丰富咗个早餐同多样嘢食。…查看更多

寻日去咗大家乐嗌咗个叉烧四宝饭🍛。呢个四宝饭包括叉烧、红肠、鸡翼同埋半只卤蛋，加埋翠绿嘅小白菜，睇落好丰富😋。首先讲叉烧，虽然唔系最顶级嘅，但都算有肉汁，唔会太干。红肠切得厚薄适中，口感唔错，味道偏甜🍬，同白饭配埋一齐食几好味。至于炆鸡翼，软腍得嚟唔会过腍，调味适中，啖啖肉汁，真系好满足。卤蛋切开半只，蛋黄系半熟，卤水味道渗入蛋白，几有层次感🥚。饭底系白饭，煮得啱啱好，唔会过硬亦唔会太糯，配埋上面嘅𩠌菜，食落去好有口感。小白菜亦唔错，保持咗爽脆嘅口感，同油腻嘅肉类形成咗对比，食落去唔会觉得太腻😌。整体嚟讲，呢个叉烧四宝饭系一个唔错嘅选择，价钱合理，味道唔错，份量亦都够饱，会推荐俾钟意食叉烧饭嘅朋友们👍。…查看更多

午餐到大家乐食，居然出左我最喜欢的鸳鸯炒饭，仲要37元包饮品，仲要仲要包杯低糖绿茶㖞！好抵食呀！不过饮落都唔系低糖架啦！对我黎讲岩岩好，唔会无糖咁唔好饮。衣家想食鸳鸯炒饭就连去酒楼都唔系咁易食到架！唔知大家乐系咪玩经典酒楼风呢！两种口味既冲激感真系好正呀！😂而另一款就系金菇肉丝烩伊面，衣两款都系细个时去饮茶午餐必点之食。…查看更多

之前一直都有食开大家乐既TEA SET，因为佢地既TEA SET有好多CHOICE，有烧味濑粉，西多士，炸鸡髀，公仔面等等。而且价钱方面唔贵，都系HKD$30 - 40就有交易。见今日8号风球，又好耐未食过大家乐TEA SET就谂住再食返一餐。点知...水准已经下降了。首先讲讲个主打炸鸡髀先，以前都好好食架，鸡肉滑又多肉汁，不过今次就炸到好干，又冇乜肉汁，同埋D肉都好「鞋」啦。西多士都系呀，冇左脆口既感觉，得返笠口既感觉。但系值得一赞既系冻柠檬茶，个茶底可以话系VERY GOOD。…查看更多

6月5日晚经过良景，见好耐无帮衬大家乐，谂住去睇吓佢有咩新茶式，点知衹得烧味、铁板、焗饭和汤饭，当下都好失望，但因唔想周围揾野食，就入去点咗个谂住会好稳阵嘅(脆爆烧肉四宝饭)，第一啖食嘅烧肉衹觉好咸😣😫然后觉得好韧😑，佢话嘅----(脆爆)去咗边?而其他如红肠和鸡翼都系得劲咸!连𠮶半边咸蛋都系干净净!🤨咁我点食呢？而我老公𠮶碗鸭腿汤饭，D鸭腿劲鞋😟热柠檬水面有层油点饮🙄🤨以后打死都唔会再去帮衬!!😤…查看更多