大家樂 (天慈商場)

营业中

休息中

呢間大家樂食早餐正常發揮，今日食咗一個炸豬扒湯粉嘅早餐。炸豬扒炸得幾甘香可口，豬扒嘅size都可以話係算大既，加埋啲沙律醬汁，甘香可口得來又有Fresh嘅味道，係一個唔錯嘅配搭，餐包多士都烘得好脆，所以餐包多士都係配合牛油係非常之好食，最後梗係唔少得一個湯麵，大家樂嘅潮州辣椒油，辣味夠加埋落啲湯麵度亦都係非常之配搭。最後茶飲方面，揀咗佢哋嘅熱意式咖啡，佢哋嘅意式咖啡比普通咖啡好飲得多。總括嚟講係唔錯。

疫情以來好小堂食，所以平時都有買開大家樂外賣，叫做冇得揀既情況下都可以接受，今日忍無可忍要即刻寫食評，話說叫左個肉醬意粉，我都唔期望好食，但都唔應該難食呀，一開蓋已經一patpat，一叉落去啲意粉全部斷開，啲意粉又好淋，一咬落口好似面粉糊咁，食左唔夠一半忍唔住掉左每一啖都好似面糊咁，漿住個口，真係好難食，唔係講笑我都唔係高要求既人，平時食都好求其，今次真係都好難接受以後要backlist以後食肉醬意粉都有陰影

是咁的.因為當晚7點半返屋企途中, 人又覺得太攰, 所以唔想煮飯, 就去左屋企附近嘅大家樂外賣自取「一哥厚切焗豬扒飯」.但當拎返屋企打開, 才發現裡面無左好多配料, 茄醬波羅之類個D, 但多左一堆粟米. 雖然味道變得怪怪地, 但肚餓不虞有詐, 就食左落肚.之後過左半個鐘就開始肚痛, 之後肚痾, 就將肚裡面D食物, 痾返晒落馬桶.所以希望提提大家, 下次外賣自取都係打開睇睇, 有唔妥就要換. 唔係食左肚痾就唔好啦.再者, 快餐店員工D處理食物態度同操守都好差, 再返翻PACK呢D焗豬扒飯.

我住在附近，經常光顧這間大家樂，無他，因為附近沒什麼好吃的，都是價格昂貴之餘又不好食，再加上服務態度差。敞若不想煮飯，也不想走半個鐘的路去新北江食，就只能在那裡買外賣。但自從半年前，我發覺這間大家樂食物質素越來越差，高級員工態度越來越差，直到這次被那位第一副理侮辱，才有心在這寫食評。就像這裡的上一篇食評，遺下用過的手套等，員工質素問題真不是一次半次的意外。我在那裡遇過不少次配餐的員工不看清楚單據，上錯食物後，還指罵是食客不看清楚單據，等食客走了之後還和同事罵食客貪心。食物質素方面，湯有時候只剩平時的一半，有時候食物是鹹到苦，我還遇過明明應該是一片豬扒，卻變成一條豬扒。所以，光顧這些店就好像玩電子遊戲測漏洞一樣，越是複雜，越容易中伏。最後，我還是自己煮飯，或者走多點路，去新北江光顧小店，總受大集團員工氣好。

今日（21/9）下午，我去天慈商場大家樂買叉燒燒鴨瀨粉，返屋企之後打開膠袋後發現有一隻油淋淋嘅醫學用膠手套，立刻打去分店，分店經理藍經理請我返去分店，話會幫我作更換。返到分店，咁我唔知邊個係經理，我詢問清潔姐姐邊位係經理，她望左我一眼無答我。問左幾個人先搵到經理。經理只係叫我檢查新整嘅外賣，然後講左句聲“唔好意思”就打發我走。就食物衞生而言，雖然膠手套唔係食物內找到，但唔明點解會留在我嘅外賣袋入面。我不清楚隻油淋淋嘅膠手套掂過啲乜，所以非常擔心食物安全。另外，留低用過嘅手套在我嘅外賣度，亦證明曾經有員工脫下手套工作。有幾唔衞生，你自己諗。就員工態度問題，員工十分無禮貌。當值經理亦唔耐煩地處理我嘅投訴，只抱着息事寧人嘅心態，無正視事件嘅嚴重性同安撫我嘅不滿，更不論任何嘅補償工作。食物味道，麻麻地。講完。

此糕只應天上有，人間哪得幾回嚐？碗仔翅食得多，大家要來試下呢碗，碗仔「糕」翅。 滋味一試難忘😂😂😂🙏🏻係空氣冷卻又下都成膜在面層了，「傑」到搞幾下都無恢復能力。 實在是。。。😂😂😂😂 你燒味飯還是配個油菜，我都無咁嬲，一條菜都無仲送咁大碟糕點比我🤪🤪 多謝晒可惜放唔到影片😂否則笑死人。

放假係屋企訓到好晏, 屋企人幫我買左個大家樂下午茶返黎我叫左個花生醬西多士配紅豆冰 - $23花生醬西多士炸到好香脆, 中間有花生醬, 落埋牛油煉奶更香!紅豆冰粒粒紅豆, 椰汁味唔太重, 甜度岩岩好!

星期日落雨冇街去,惟有同屋企人落樓下食港式法國菜CAFE DE CORAL鐵板牛扒餐$51熱辣辣,大大碟才$51最喜歡就是把汁淋上鐵板的那一刻牛扒尚說得上夠林,主要係靠汁調味餐包,超好味,夠軟而且很有牛油香一哥焗豬扒飯$41,一貫水準,好味道咖哩的顏色是深深的泥黃色, 經典的咖哩色, 咖哩的表面是一層紅紅橙橙的油, 油的份量不算太多, 令人吃得安心牛腩的數量不多也不少, 剛剛好, 而當中的牛腩亦是肥瘦適中, 有一至兩件是牛根, 其餘的都是不太肥不太瘦的, 即使是最瘦的一件牛腩, 咬下去亦不太老, 這方面做得非常好

今日唔想煮飯..同埋老公丫囡食大家樂.叫左個烤雞狂熱餐..隻雞真係好大隻..本身已經好好味.仲配左個BBQ醬..仲惹味汽水仲要係大大杯.岩曬我成日就住飲既人...意粉就淡味左啲..抵食喇.$88

有冇人同我一樣，俾個廣告吸引到而想去食呢個咖哩牛腩飯？😂.呢排成日聽到黎諾懿個大家樂廣告：獨特香料，帶出微辣香甜嘅咖哩汁，加上椰奶菠蘿，配上一層筋一層肉嘅牛腩⋯⋯呢個廣告我聽/睇到十次以上⋯⋯明知咪又係大家樂，但我都俾廣告影響到而想去試吓😂一打開盒咖哩，見到咖哩面頭有好多油🤭睇廣告睇唔出原來呢個咖哩會落咁多辣油㗎喎😂😂.我已經唔係第一次俾大家樂嘅廣告吸引到😂好耐之前大家樂有個原條鰻魚飯嘅廣告又係好吸引，點知就中咗伏啦🙄好彩今次嘅咖哩牛腩飯唔算係伏🙈但今次嘅薯仔煮得唔夠腍，薯仔入面仲生生哋🙁

叉燒飯真係好食，但平時又點會得閒週圍去搵靚叉燒食丫講真大家樂ge叉燒都算係咁大家樂下午茶細叉燒飯係29蚊連熱飲，食個細叉飯，飲杯熱可力/奶茶/咖啡，就好輕易地滿足了今日早左收工，趕到下午茶時段，買到細叉飯做晚餐不過大家樂ge飯lum左d，但食快餐都冇計la勝在夠方便，質素又ok，而且下午茶價錢都合理

只要一進入大步，就會成為蚊子的食物，短短幾分鐘，又超過十多隻蚊在眼前飛來飛去，拍極還有所有職員在這裡都是一個模樣，就是一個黑面神，個個都板住臉，一但出錯也只會責怪是客人的錯誤

今日lunch 外賣左一個大家樂鮮茄牛肉飯，有學生價就31蚊，都算平民價，lunch time時間，真係好多好多人食，要排好一陣先買到心水餐 大家樂嘅餸好多，飯比較小，都算抵食佢嘅鮮茄牛肉飯我係第1次食，但味道真心唔錯，幾好！賣相都ok家 紅卜卜，好juicy咁 茄同牛 係超夾嘅配搭。 藩茄味濃郁，又唔會太酸，牛肉超鮮嫩，易咬，個個岩食佢杯奶茶好香濃，好滑，比其他店嘅都要好味，要茶味有茶味，要奶味有奶味！好正！

早餐買票後要等半小時才有食物提供，不能接受，好多食客都投訴，向經理投訴也沒反應，而且不是第一次，開業以來每周6，日也是這樣。如果再去要有心理準備。食物質素是可以的，但等候時間太長，需要積極改善。

男人的浪漫，在茶餐廳是豆腐火腩飯，在快餐店則是四寶飯。午市開始，燒味檔內的師傅如臨大敵，排列燒腩仔。已切好一客的長度，約有5件。男人特別是勞動工人多點選四寶飯。出色的是燒腩仔，皮是脆爆，豬肉部份則僅是合格。未見肥瘦相間，質素方面未覺稔且香。標榜是滷汁雞翼飯，是伴飯的主角。色澤鮮明偏深。是全翼，咸度適中，稍嫌太熟。咸蛋質素參差。外賣那一客蛋黃淡色偏乾。滷水紅腸太薄，欠嚼勁。整體上比另一集團的同類產品出色！