大家樂 (天慈商場)

呢间大家乐食早餐正常发挥，今日食咗一个炸猪扒汤粉嘅早餐。炸猪扒炸得几甘香可口，猪扒嘅size都可以话系算大既，加埋啲沙律酱汁，甘香可口得来又有Fresh嘅味道，系一个唔错嘅配搭，餐包多士都烘得好脆，所以餐包多士都系配合牛油系非常之好食，最后梗系唔少得一个汤面，大家乐嘅潮州辣椒油，辣味够加埋落啲汤面度亦都系非常之配搭。最后茶饮方面，拣咗佢哋嘅热意式咖啡，佢哋嘅意式咖啡比普通咖啡好饮得多。总括嚟讲系唔错。…查看更多

疫情以来好小堂食，所以平时都有买开大家乐外卖，叫做冇得拣既情况下都可以接受，今日忍无可忍要即刻写食评，话说叫左个肉酱意粉，我都唔期望好食，但都唔应该难食呀，一开盖已经一patpat，一叉落去啲意粉全部断开，啲意粉又好淋，一咬落口好似面粉糊咁，食左唔够一半忍唔住掉左每一啖都好似面糊咁，浆住个口，真系好难食，唔系讲笑我都唔系高要求既人，平时食都好求其，今次真系都好难接受以后要backlist以后食肉酱意粉都有阴影:(…查看更多

是咁的.因为当晚7点半返屋企途中, 人又觉得太攰, 所以唔想煮饭, 就去左屋企附近嘅大家乐外卖自取「一哥厚切焗猪扒饭」.但当拎返屋企打开, 才发现里面无左好多配料, 茄酱波罗之类个D, 但多左一堆粟米. 虽然味道变得怪怪地, 但肚饿不虞有诈, 就食左落肚.之后过左半个钟就开始肚痛, 之后肚疴, 就将肚里面D食物, 疴返晒落马桶.所以希望提提大家, 下次外卖自取都系打开睇睇, 有唔妥就要换. 唔系食左肚疴就唔好啦.再者, 快餐店员工D处理食物态度同操守都好差, 再返翻PACK呢D焗猪扒饭.…查看更多

今日（21/9）下午，我去天慈商场大家乐买叉烧烧鸭濑粉，返屋企之后打开胶袋后发现有一只油淋淋嘅医学用胶手套，立刻打去分店，分店经理蓝经理请我返去分店，话会帮我作更换。返到分店，咁我唔知边个系经理，我询问清洁姐姐边位系经理，她望左我一眼无答我。问左几个人先揾到经理。经理只系叫我检查新整嘅外卖，然后讲左句声“唔好意思”就打发我走。就食物衞生而言，虽然胶手套唔系食物内找到，但唔明点解会留在我嘅外卖袋入面。我不清楚只油淋淋嘅胶手套掂过啲乜，所以非常担心食物安全。另外，留低用过嘅手套在我嘅外卖度，亦证明曾经有员工脱下手套工作。有几唔衞生，你自己谂。就员工态度问题，员工十分无礼貌。当值经理亦唔耐烦地处理我嘅投诉，只抱着息事宁人嘅心态，无正视事件嘅严重性同安抚我嘅不满，更不论任何嘅补偿工作。食物味道，麻麻地。讲完。…查看更多

此糕只应天上有，人间哪得几回尝？碗仔翅食得多，大家要来试下呢碗，碗仔「糕」翅。 滋味一试难忘😂😂😂🙏🏻系空气冷却又下都成膜在面层了，「杰」到搞几下都无恢复能力。 实在是。。。😂😂😂😂 你烧味饭还是配个油菜，我都无咁嬲，一条菜都无仲送咁大碟糕点比我🤪🤪 多谢晒可惜放唔到影片😂否则笑死人。…查看更多