大家樂

营业中

休息中

老公呢排想食得健康，所以佢見到大家樂有紅米飯餐，就想去試。於是星期五夜晚，我哋兩個人去咗食大家樂，大概6:30入到去，都有好多人，當然大部份係公公婆婆，但係都有爸爸媽媽同小朋友放學一齊嚟食。我叫咗呢個海南雞套餐，有紅米飯，加多少少錢，可以有埋老火燉湯，好抵。海南雞味道唔錯，啲雞肉唔算超滑，但係唔係好鞋，同埋唔算肥，又多份量。啲飯係紅米飯，但係我覺得佢可以溝多啲紅米。仲有個湯都唔錯啊！幾十蚊一個晚餐嚟講，性價比算OK👍🏻

以前我也有食過呢間餐廳，但今天去，所有野都唔同晒，除了食物質素差，連服務態度也差。下午叫左一份公司三文治，冇諗過咁差，裏面嘅配料只有三份一，四件只得一件是完整的，其他三件都是有問題，這就不是叫全份三文治。還要$39。這個價錢只得這水平，我寧願食對面pxxxx hxx的下午茶餐好過，人地$54都會比正常份量我就問經理這份餐內裡的配料份量過少，她們回應是一直這樣，我也曾到其他大家樂食過不是這樣反而只有清潔姐姐都有禮貌過佢地，真係唔會再食呢間，一肚氣

難得連鎖快餐飲食有此水準，大家樂餐廳我試過不下數十間，只有這間有稳定水準雖然也偶有失手…大埔超級城。早餐：魚柳、雞扒、餐包、蘿蔔糕、 炒麵……。奶茶……首選午餐：豬扒飯或豬柳餐下午茶：雞髀、雞翼、紅豆冰晚飯：多選小菜

時常來都發覺無論一至日都很多人，如果一至五都要等很久，那麽星期日應該更多人了吧🤔。常常看餐久都搞不清哪個是哪個，次次點的結果都不一樣。這次這個變了牛尾湯長螺絲粉，又沒有了蛋🥚。不過通常來到買早餐就必叫炸魚柳，因其他火腿或蛋燕麥好像自己都煮到炸魚柳好少令你失望，夠大塊，亦都夠厚身，外皮夠香脆，都夠熱燙，因為大把人買早餐，通常魚柳都夠熱即炸。這次的包也由方包變成了這個餐包，通常飲品叫茶走，就可以另外有一包煉奶，分少許用來塗麵包也相當可口原來有幾款通粉，妻子平時買的原來是火腿通粉，怎麼這天只見到牛尾湯扭扭粉，因此通粉偏向長形的，如果給細蚊仔吃，一條可以切成幾截。

Café de Coral ✨原粒瑤柱福袋盆菜(6位用)✨-大家樂新春盆菜 足料又抵食 ，朋友仲買左其他材料 打邊爐🥰 滿足又方便-原粒日本宗谷瑤柱，黃金福袋，茄汁中蝦 (6隻)，日本蠔豉，玫瑰豉油雞，燒鴨，花菇，南乳炆蓮藕，腩仔，炸魚蛋，沙爹豬皮，沙爹魷魚，蠔菇，鴨掌，栗子，枝竹，芋頭，蘿蔔，西蘭花🥦總括然而味道可以，材料豐富，推介蘿蔔，芋頭 炆得好淋 仲有我最愛栗子🌰包裝好整齊 用DBS信用卡💳可以優惠價$548 呢個價錢真係好抵食

突然想食燒味飯，見到味道普通既太興一個雙拼飯都要$80，決定轉戰大家樂食飯時間黎到，唔算多人，有少少吉檯但人手方面唔夠收唔切盤叫左叉燒油雞雙拼飯叉燒有4-5舊，都幾大舊少少肥膏位，咬落去都幾軟腍，味道唔錯油雞偏瘦，但雞肉食落唔會柴，有淡淡醬油香配埋姜蔥係幾好食！仲有個甜甜地既燒味汁，撈飯一流！唯一問題就係啲飯太爛，影響口感另外叫左雜扒鐵板 配 酥皮湯其實主要為左酥皮湯而叫，因為無得散叫酥皮湯落洋蔥汁吱吱聲好開心雞扒 同 豬扒預料之中正常，唔會太乾太柴好難咬但味道普通無特別最值得一讚係個酥皮湯一拎過黎見到就：哇！😍酥皮焗到深啡色好靚，匙羹切開個皮啲脆皮脆到彈開晒，可以見到入面酥皮有好幾層非常之吸引！食落口酥皮又脆又香牛油味配湯一流！可以一啲浸湯一啲脆食，美味！湯身質地偏稠，味道偏濃，但唔會偏咸成個湯味道唔錯，係爭少少香味配料方面都好豐富，有薯仔，粟米，帶子粒，蘿蔔粒，洋蔥等等所以除左咸香既忌廉湯之外，仲可以飲到啖啖豐富既配料，非常之不錯👍🏻👍🏻👍🏻

此店咖啡升級，咖哩亦升級。入口不覺有何特別，有分別咩!反而炸豬排好正!似早餐炸豬扒的水準，而更厚切。無一點兒肥肉，仍酥脆香稔。只是嫌不是全熱烘烘的。即使不是即叫即炸，亦應馬上存在熱櫃。價錢則很值得ike45元一碟，比茶餐廳便宜。我愛咖哩吉列豬扒飯。