影片
更多
2023-01-19
288 浏览
屋企前兩條街嘅哩間大家樂，新開張成幾個月都未幫襯過，點都要落去幫襯吓，佢地嘅粟米肉粒飯實在太正!美心份量太少偷工減料，大快活D餸又總係唔啱心水，大家樂又抵又好味，依家時世都竟然有30令蚊 Lunch，而且味道絕對唔差，所以後面街嘅美心都唔多幫襯，情願行遠D去大家樂!望望餐牌! 唔係嘛! 竟然無粟米肉粒飯! 超失望!無計啦! 轉為叫素翅羹併叉鴨，女友小熊點咗個素翅併香菇煎肉餅.聽個名素翅以為普普通通一個羹，居然有竹笙，而且味道適中唔會太咸，有紅燒翅羹味道.反而燒鴨就重手咗，叉燒口感鬆軟.對我哩講，薑蔥蓉先係主角嘛! 雖然薑蓉比蔥多，但兩者夾埋蔥油香實在太香口惹味又唔會太咸，足夠我送半碗飯，叉燒同燒鴨慘慘豬輪為配角.同樣，香菇煎肉餅墊底嘅三件豆腐居然好味過煎肉餅，其實煎肉餅唔差，起步無偷工減料份量足，只係豆腐更出色，軟滑之餘入味，哩吓先驚喜.油菜落甜豉油唔夾我口味，落蠔油更佳.甜品係香芋紫米露，喜歡濃味嘅我覺得味道淡咗少少.唔知係咪大家樂搵D火星人嚟賣廣告，吸引埋D外星人，每次幫襯大家樂，好大機會遇到D怪人，黃埔店又遇過，今次土瓜灣店又遇上，奇怪美心同大快活又無遇到喎! 而兩間店D侍應同D
美心份量太少偷工減料，大快活D餸又總係唔啱心水，大家樂又抵又好味，依家時世都竟然有30令蚊 Lunch，而且味道絕對唔差，所以後面街嘅美心都唔多幫襯，情願行遠D去大家樂!
望望餐牌! 唔係嘛! 竟然無粟米肉粒飯! 超失望!
無計啦! 轉為叫素翅羹併叉鴨，女友小熊點咗個素翅併香菇煎肉餅.
聽個名素翅以為普普通通一個羹，居然有竹笙，而且味道適中唔會太咸，有紅燒翅羹味道.
反而燒鴨就重手咗，叉燒口感鬆軟.
對我哩講，薑蔥蓉先係主角嘛! 雖然薑蓉比蔥多，但兩者夾埋蔥油香實在太香口惹味又唔會太咸，足夠我送半碗飯，叉燒同燒鴨慘慘豬輪為配角.
同樣，香菇煎肉餅墊底嘅三件豆腐居然好味過煎肉餅，其實煎肉餅唔差，起步無偷工減料份量足，只係豆腐更出色，軟滑之餘入味，哩吓先驚喜.
油菜落甜豉油唔夾我口味，落蠔油更佳.
甜品係香芋紫米露，喜歡濃味嘅我覺得味道淡咗少少.
唔知係咪大家樂搵D火星人嚟賣廣告，吸引埋D外星人，每次幫襯大家樂，好大機會遇到D怪人，黃埔店又遇過，今次土瓜灣店又遇上，奇怪美心同大快活又無遇到喎! 而兩間店D侍應同D職員，遇到D奇人服務態度都好好，無話粗言相對，辛苦佢地了.... 抵讚!
张贴
