影片
营业时间
今日营业
07:00 - 21:00
星期一至日
07:00 - 21:00
以上资料只供参考，请与餐厅确认详情
屋企前两条街嘅哩间大家乐，新开张成几个月都未帮衬过，点都要落去帮衬吓，佢地嘅粟米肉粒饭实在太正!美心份量太少偷工减料，大快活D𩠌又总系唔啱心水，大家乐又抵又好味，依家时世都竟然有30令蚊 Lunch，而且味道绝对唔差，所以后面街嘅美心都唔多帮衬，情愿行远D去大家乐!望望餐牌! 唔系嘛! 竟然无粟米肉粒饭! 超失望!无计啦! 转为叫素翅羹并叉鸭，女友小熊点咗个素翅并香菇煎肉饼.听个名素翅以为普普通通一个羹，居然有竹笙，而且味道适中唔会太咸，有红烧翅羹味道.反而烧鸭就重手咗，叉烧口感松软.对我哩讲，姜葱蓉先系主角嘛! 虽然姜蓉比葱多，但两者夹埋葱油香实在太香口惹味又唔会太咸，足够我送半碗饭，叉烧同烧鸭惨惨猪轮为配角.同样，香菇煎肉饼垫底嘅三件豆腐居然好味过煎肉饼，其实煎肉饼唔差，起步无偷工减料份量足，只系豆腐更出色，软滑之余入味，哩吓先惊喜.油菜落甜豉油唔夹我口味，落蚝油更佳.甜品系香芋紫米露，喜欢浓味嘅我觉得味道淡咗少少.唔知系咪大家乐揾D火星人嚟卖广告，吸引埋D外星人，每次帮衬大家乐，好大机会遇到D怪人，黄埔店又遇过，今次土瓜湾店又遇上，奇怪美心同大快活又无遇到㖞! 而两间店D侍应同D职员，遇到D奇人服务态度都好好，无话粗言相对，辛苦佢地了.... 抵赞!
继续阅读