大家樂 (已結業)

去旅行，在機場的 terminal 飲食，雖然有很多選擇，但入到來算一算，再看一看，其實是一件頭痛的事。因為大多都價錢很貴，而不貴的地方，就幾乎24小時都人山人海。那一天，好不容易才決定去《大家樂》排隊，好不容易，才選擇到一人一盒飯，吃好才上飛機。這一間《大家樂》出品比一般市面上的分店來得精簡很多。太太的素食選擇有一，只是一個簡單的雜菜及蕃茄飯，不難食就算合格了。我選的，是名物，焗豬扒飯。這是 prepacked 外墳盒上的那種焗豬，味道就是日常的那一種味，份量上，就比平日堂食的細了小小。好的是夠熱，不好的，就是此店全用外賣餐具，不環保。 吃好就等飛機，但人山人海的機場 food court，的確不是好坐，好受。

原來係機場食大家樂並無想像中咁貴而且質素分分鐘仲好過市區嗰啲咁早餐我自己會推介雞尾包配鮮奶麥皮原因就比較健康少少再加上呢度嘅麥皮係會同你裝到九成半滿所以雖然睇起上嚟瞓啦好使但係就咁一個人食到已經好足夠而且係夠飽肚再加上呢度嘅服務都唔差所以如果糾結早餐唔知食乜嘢有預算唔多嘅話去返大家樂就最實際

即將離開香港嘅心情好忐忑，又好興奮，又驚自己會掛住香港嘅美食所以上機之前，為確保就算飛機餐唔好食都唔會肚餓，都係先歎返個港式早餐係大家樂叫咗個沙嗲牛公仔麵，配炒蛋同餐包，飲熱檸茶沙嗲牛麵表現令人滿意，唔孤寒咁俾，牛肉份量好足，牛肉汁亦足夠cover個湯但係其他野食質素都好低，蛋炒得偏老，餐包完全係飛機餐入面嗰個，偏凍同硬，檸茶嘅檸檬好苦澀食完先發現隔離有太興，有奶油豬食，早知行多幾步先揀同樣都係港式早餐，但唔同價錢的確係有唔同質素

由於搭7點幾機嘅關係，未到6點就入到機場禁區喇咁早好多食店都未開，想食翠華架，不過5點幾未開，要6點先開咁去大家樂買野食啦！但早餐都無咩餐可以揀，仲要通粉都已經話賣晒添，咁唯有揀第二d粉麵食啦！最終咁叫左個糯米雞同埋沙嗲牛肉出前一丁餐啦！以機場黎講，呢間嘅定價都唔叫貴，可以接受啦！唔駛40蚊1個餐但隻糯米雞居然味道好好，好夠味個沙嗲牛肉出前一丁，無沙嗲味，只得個辣字囉熱奶茶呢間唔好飲，無茶味，飲落仲覺得好水添

第一次聽許廷鏗的 ， 覺得歌詞幾得意， 對於有 和 的福福郎來說 ，有d歌詞都幾應景。但係點解食食下大家樂， 又會突然諗起呢首歌呢？ 因為大家樂、麥當勞、大快活 和 美心， 都不約而同地在標榜它的 工整化、規範化 和 節奏感。它們 不約而同地強調食物的質素 ，在每一家分店，都是一模一樣 ，味道亦毫無無偏差。 正如我今天的早晨套餐一樣， 食物口味標準化。。。是毫無懸念的。 但總像缺少了什麼 ! 對了， 就是一份的感覺， 缺少了。。。就如白粥欠了ㄧ條瑤柱和一粒白果， 形神俱備，獨欠靈魂。 為的，只是要填飽肚子。粥品 一一一 很明顯是昨天在中央工場弄好，現在再加熱。炒麵 一一一 也是一般的大路貨色，味道可以但只是普通，說不上好。 不過沒所謂了。 那麼早來到機場吃早餐 ，也是為求填飽肚子， 快快趕去坐飛機。。。渡。假。去。最後和大家分享一下 "工整"部分 的歌詞。 哈！哈！ 其他的，自己去youtube聽吧！循循提步排練早操。。。　左右隨拍子貼合得很美好走甩半秒鐘從頭又惡補　規律完美因我為執着而自豪。。。

日本番香港第一餐 係日本食左7日生冷食物 真係有d掛住叉燒飯 落機即刻搵大家樂 去到大約7點 排隊很多人 肚餓但等左一排 叫做叉燒切雞套餐 排隊點餐時間耐 比左錢之後就很快有得拎叉燒切雞 油菜走油 飯 營養還不錯 不過肉有d多，是正常一餐蛋白質攝取份量的兩倍 但果日肚餓 梗係食洗啦 叉燒切雞 不過不失 仲配有小小花生 雖然尼個搭配讓我有點confused 好像第一次見 機場快餐 唔可以用美食家標準要求 不過機場尼d地方都會偏貴 但無計 如果宜家唔食 搭車出去再食一定餓死

放工即飛~~ 晚餐無得簡啦一定係機場攪掂...為左唔再中伏.. 是是但但去食個豬扒飯大家樂既豬扒飯..又真係無得輸個茄汁醬又鮮又惹味豬扒厚, 但又唔會焗好好硬!!!而價錢.. 係機場黎講...真係又平又好食~

每年梗有一次半次旅行機會, 為左慳時間都會入閘之後食早餐, 原本諗住食翠華, 點知條龍超級長, 唔想等唯有揀番大家樂.禁區內都無咩好揀, 又貴, 所以要火腿通+滑蛋, 熱奶茶.通粉係扭紋型大粒既, 可能大粒D既關係, 食落無咁腍, 仲幾彈牙. 個湯今次唔淡仲幾咸, 啱晒重口味人士. 滑蛋算幾大隻, 不過好淡, 無咩味, 但幾滑溜.呢餐算不過不失, 隔左兩個鐘上到機, 個肚又有空間填滿個飛機餐.

從來，係機場食飯都是一個極大的學問，每個人如果你去過旅行，你都一定會為食乜呢個問題而煩惱過。從前，有一些餐廳，只有機場有分店，例如Burger King ，例如Popeye chicken，只此一家，係第二度食唔到，去親機場以前都會食。但現在市道不景氣，食個早餐都要許過度過，唔係個個都食飯唔睇價錢，在那個乜都有的food court，你可以食茶餐廳拉麵粥品小食麥記大家樂潮洲菜等，只不過，老實說，每樣食物，全部都吊高左黎買。特別係味千，平時一個豚肉拉麵只是四十多，呢度貴差不多一倍的價錢，對我這些無錢無樓乜都無的毒男絕對是百上加斤，我當然不會以豚王價來吃味千吧。因此我還是選擇一些價錢分別最少的東西來吃。四個人去台灣，絕對不能不吃些東西才離開，因為而家有很多航空公司短線旅程都冇啖好食，今次去台北，一定要好好地吃飽才上機，畢竟，要落機後再吃東西，是四個小時後的事。如果係呢幾間餐廳選一間最不離地的選擇，大約我覺得應該是大家樂吧，起碼，出左境同未出境冇乜分別，甚至呢度沒有其他餐廳有個人機場價，就算貴都係廿十蚊以內，完全不像一些離地毒撚，同世界脱軌。一人一個餐，都算吃盡了大家樂的menu有的東西罷。

清早的機場，吃早餐的地方人龍處處，總是要花上不少時間。而近年這類連鎖快餐店往往把通粉類或飲品剔出套餐之外，動輒都要另行加錢，無形中是加了價。餐包是微溫，吃落亦見鬆軟，不錯。火腿通粉已經要另外加錢，但份量少得連囝囝也吃不飽，而且浸得太耐，好稔，發漲了沒有口感。雞扒只是半塊，將價就貨沒辦法，但煎得幾香口，另有兩條不大健康的腸仔用來頂肚。熱檸檬茶的茶味尚可以，但快餐店就是如此，完全沒有個性的味道。

清早的機場，吃早餐的地方人龍處處，總是要花上不少時間。而近年這類連鎖快餐店往往把通粉類或飲品剔出套餐之外，動輒都要另行加錢，無形中是加了價。餐包是微溫，吃落亦見鬆軟，不錯。火腿通粉已經要另外加錢，但份量少得連囝囝也吃不飽，而且浸得太耐，好稔。雞扒只是半塊，煎得幾香口，另有兩條不大健康的腸仔用來頂肚。熱檸檬茶的茶味尚可以，但快餐店就是如此，完全沒有個性的味道。

繼年初在愛丁堡坐廉航回倫敦之後，又一次倒塔咁早到機場。乘搭早上七點的航班，凌晨三點多起床，四點多上車，五點多到機場，辦理登機手續。入到禁區，免稅店又未開門，想偷一口威士忌喝也不行，吃點早餐才上機吧，我坐的是廉航，並不包餐飲的。就去了平日不會去的大家樂，吃個糯米雞，與皮蛋瘦肉粥。正所謂好一餐，唔好又一餐，杰如糊仔，不甚入味的皮蛋瘦肉粥，材料與粥兩者同床異夢，貌合神離，老死不相往還似的。糯米雞還算吃得過，一大件餡料豐富，基本上，如非糯米雞的話，我又要給他們一個劣評了。喝過一口熱茶，又要到登機閘口，最後召集。

入左閘等夠鐘樓最抵食都係你但是出前一丁變了大光麵 名稱 : 厚切午餐肉煎蛋出前一丁餐肉真的是厚切， 因為我只是想食少許去面， 餐肉可比了朋友吃朋友說這個午餐肉幾好味不肥膩 但是在這， 原本對面沒要求也要說声比7-11還要差，很淋沒煮過，是用温熱水浸住，有点餓，要食少少嘢要平都ok啦

去到機場未夠鐘上機，睇下有乜野食平時少食又唔駛點等。去到美食廣場，炸雞餐都六十幾，結果叫左七十蚊大家樂燒鵝脾餐。鵝肉有鵝香味，肉亦算嫩，但鵝皮唔脆，鵝唔係新鮮燒出黎。白飯反而有驚喜，似係一兜兜預先裝好蒸住，竟然夠熱又有飯香!七十蚊不能苛求了，機場梗貴D，翠華燒鵝飯七十五，正斗九十八，我就唔信會好過大家樂好多，呢兩間都唔係正宗賣燒鵝。最緊要大家樂平D仲要有脾有油菜有野飲，抵食呀...

機場若要食素，真係無咩選擇又貴好彩機場大家樂都每日都有一款素食以前係一款番茄雜菜天使麵，好好味的而家轉左款，變成雜菌伊麵比以前果款大為遜色，個獻汁太多味道又淡甘旬仔有點怪味，不太新鮮食味真係十分普通，強烈要求大家樂快點轉翻以前個番茄雜菜天使麵還有機場職員DISCOUNT