影片
招牌菜
行经Apm谂住坐低食个饭，但好失望...舖头职员话啱啱开门，食物要等10分钟，点知等到既系冻既吉列猪扒同硬既暖饭😅，仲要$72咁贵，好唔抵，foodcourt唔代表质素可以咁差嫁！
继续阅读
难得同家人一齐去apm 行街，见到美食广场有好多餐厅，就拣咗去食日本嘢【大宫】。Order咗照烧三文鱼定食、牛肉乌冬、而小食就order咗日式煎饺子、和风章鱼丸、日式炸鸡。三文鱼定食入面有三文鱼、面豉汤饭同埋沙律。三文鱼用照烧汁整超好味而且肉质嫩滑。牛肉乌冬d的汤底味道啱啱好，乌东亦非常弹牙。日式煎饺子就煎得啱啱好锁住入面嘅一肉汁，好味。和风章鱼丸大大粒，外脆内软点埋酱汁及木鱼食一流 。日式炸鸡就热辣辣，炸到刚好金黄色，点埋沙律酱食食到停唔到口，总括嚟讲大宫绝对系我哋apm美食广场嘅首选。
继续阅读
平时系日本餐厅食个三文鱼便当都要过百，但依间餐厅都只系78蚊，而且餐厅仲提供咗好多吾同既选择，例如系丼物、定食、乌东同拉面。我地叫咗个三文鱼定食，系一个餐嚟既，包咗沙律、味增汤、饭、三文鱼同埋杯日本茶。三文鱼都几大条，而且我几钟意餐厅调配既烧汁，同三文鱼好夹。虽然三文鱼啲肉有少少煮耐咗，但系都吾会话好差。另外叫咗烧鸡扒乌东，啲乌东有少少偏淋，而且如果餐厅将啲鸡扒分碟会好啲，吾系浸到啲鸡扒淋咗。乌东有好多汤底可以拣，都几弹性。炸饺子🥟个外皮炸得好脆，而且入啲馅都好多，好足料，加埋啲饺子豉油真系好正。而且，依家好多餐厅都只系得煎饺，所以有炸饺子真系好难得。章鱼烧虽然嚟到嘅时候个外皮已经淋咗，但入面嘅料都好足料，唔系空心𠮶啲。炸鸡🍗我炸鸡比较普通，啲粉嘅比例比较多，所以唔系好多肉。
继续阅读
今晚约左friend系apm睇8点半场, 点知OT搅到成7点几先收工, 就决定去footcourt食个快饭啦!一入去见到大宫既counter, 食物模型几吸引, 唔谂咁多就食佢。晚饭时间都比较多人, footcourt要自己揾位而且都几爆满, 好彩岩岩有张枱再晏d就要等位啦!炸饺子外皮炸到脆卜卜, 大大只肉馅饱满!日式炸鸡炸鸡d肉都算嫩~烧鸡扒拉面朋友要左地狱汤底, 我试左啖觉得辣劲唔算强但就好有辣既香气, 拉面软硬度适中, 鸡肉虽然唔算大旧但有照烧味道甜甜咸咸咁, 不错。大宫牛肉定食定食包左沙律同汤, 味噌汤味道唔错唔会过咸。牛肉份量好多, 而且好入味, 捞饭食绝对无问题, 份量之多个人黎讲捞多半碗白饭都仲得。最黎饮埋杯热辣辣绿茶, 快靓正食饱去睇戏!
继续阅读
星期六同呀爸呀妈出去探亲戚之前，先揾个地方食午餐，佢哋话呢排成日饮茶，所以换个口味同佢哋去APM美食广场揾嘢食。其中「大宫」啲食物Display好吸引，姐姐又热情招呼😊，咁就拣佢啦。大宫有提供单点菜式同二人套餐👫，价钱OK啦，喺美食广场嚟讲就唔算特别平。其中单点就有$12加配小食嘅选项，都算几抵👍。由于呢度系美食广场，所以喺柜位点餐后，就要自行到取餐处拎食物。姐姐指示十分清晰，超级友善💯！我哋叫咗一个抗疾二人餐($168包两个主食+一份小食+两罐饮品)，再加咗一碗面($69)同小食，份量够有余，饱饱的🤰。我要咗地狱汤吉列猪扒拉面，汤底配料包括紫菜、竹笋、大葱、椰菜同芽菜，吉猪则另上。本身惊地狱汤会好辣，不过姐姐话少少㗎啫，佢无呃我，𠮶种辣系辛辣🌶，有啲刺激𠮶种，会令你好想咳，几过瘾。拉面就系最普通幼身嘅款式，其实我一直最钟意就系食呢款，可能我唔太讲究啦😅。吉列猪扒几好食啵，🐷猪扒同炸粉二合为一，唔会食食下甩咗出嚟。吉列皮少少脆，但同时亦有少少硬，但点番沙律酱食问题已经解决，而且猪扒肉质够结实，唔错😋。我妈要咗猪骨汤猪软骨乌冬，汤底配料包括紫菜、粟米、椰菜同芽菜。汤头味道几好，够味，唔会过咸亦无落味精；而乌冬就几滑身兼且弹牙。🦴猪软骨有四件，份量唔少，加上炆得好入味，可以一试。我爸叫咗酱汁牛肉饭，估唔到个饭几好食，同埋两者份量都激多！铺面嘅🐮牛肉调味啱啱好，并带有浓浓嘅芝麻香，腌味洋葱亦好惹味。白饭就用上珍珠米🍚，大大粒好饱满，无过淋或过硬。随牛肉饭奉送面豉汤🥣，个汤好足料，有好多海带同豆腐。和风章鱼丸(4粒)，跟二人餐搭配嘅小食，卖相一流，因为每粒都好圆好靓，而且上面仲落咗好多木鱼同酱汁。食落就觉得如果🐙章丸大粒啲会好啲🙈。日式炸饺子($40/6只)，六粒炸饺子几的骰，炸咗嘅饺子皮口感几特别，肉馅就正正常常🥟，餐厅有提供醋汁畀我哋点。日式炸鸡(加配价$12/2件)，🐔见咁平所以嗌埋，炸鸡都几大粒下，炸衣并唔算厚。总括嚟讲，呢餐简简单单嘅午餐都唔错，选择有饭有面，应该总有一款会啱食。如果你要将佢媲美过百蚊碗嘅排队拉面🍜就未必适合，但呢度口味都好啱普罗大众。去开APM谂唔到食乜不妨考虑一下佢吧😉。
继续阅读