大壩冰室 (已結業)

18-2-2024（Sun）年初九晏晝,同老公落荃灣,行到嚟呢頭開始肚餓就搵嘢食,行到呢間睇吓,好似 ok,於是入去,喺門口有個女客人好似拎住一張飛等位咁,我裝吓有兩張四人格吉嘅,係咪唔坐得?但張吉枱又好似有張單喺喥,而職員又冇安排,喺呢個時候,一個坐喺喥食𡁵嘢職員,示意我可以坐我睇嗰張枱,於是行去坐.坐低後覺得個位熱,原來係有橫樑,裝唔到冷氣,但見到有 把冇開嘅風扇,老公話未叫嘢食,不如走吧,我唔係幾好意思,猶豫咗一,兩分鐘?見個職員嚟開一個掣,開風扇?但把都係冇開,過咗一陣,感覺到少少涼意,係有部冷氣未開?咁就掃枱上原以為枱上嗰張單,原來係QR code嘅落單紙落單,都幾多選擇嘅,最後我哋要咗同樣$58.00嘅餐:1. 熱檸水好明顯係老公飲.2. 熱奶茶落單時有好多嘢揀,多奶,少奶,茶走…,我乜都冇揀,要佢哋正正常常嘅奶茶,一飲,茶味好淡,唔澀唔使落糖.1分3. 乾炒三絲炒米粉落咗單聽到廚房炒嘢嘅聲音,之後就到嚟,睇見有火腿,芽菜仔,豬肉,咁食辣,食到有鑊氣,鹹淡適中,唔錯,而原來有叉燒,不過唔多, 叉燒雖然柴柴地,但又唔差.4分4. 和風肥牛大碗飯咦?!有兩隻煎蛋,我試吓,好熱,

Lunch叫了個厚切鮮蕃茄焗豬扒飯，沒有鮮蕃茄，超級薄的豬扒，個汁都吾係蕃茄汁，份量少，性價比低。連上常餐都唔係好掂，建議店家參考吓隔離蕃茄18。試過一次真係無下次～極度失望

見到新開想試好耐～年三十好多都早收就順勢試下呢間😌望落好大咁但入到去坐位係有少少🤏🏻迫～但可接受既，或者露天有幾枱都可以坐～餐牌選擇都多種類～不過野食就真係麻麻⋯⋯個濃湯肥牛烏冬，睇相都應該見到個湯有幾唔濃⋯⋯🫠肥牛就少🤏🏻韌🥹🥹然後我差唔多食晒朋友個星州米都未到，催過一次單，之後到我食晒終於黎。一次過幾碟應該係等單先一次過炒⋯⋯等太耐了⋯⋯然後個星米朋友食左兩啖就冇食了話真係好難食🥲🥲🥲Btw,之後有再去食過佢既下午茶炸物，個薯條係好好食既🤣

呢個係我食過最伏嘅海南雞，等外賣又等得耐，一打開盒外賣，真係想講粗口，絕對唔會再幫襯，想去幫襯嘅自己有定心理準備～呢個價錢俾啲咁嘅質素？ 有冇良心啊？見到盒飯都無胃口食掉鬼咗，嘥晒我啲錢我啲時間！

今日（星期日）11:00am同太太來試，兩人坐四人枱，空間感不錯，我叫咗經典沙嗲牛肉，改通粉，炒蛋，茶走。手機App選項多，落單直接方便。職員話早餐到11:30am，比其他店長30分鐘，正！先來茶走，膠杯上，夠熱，讚！再來沙嗲牛肉通，又夠熱，牛肉大片，無乜筋，讚！太太飲正常熱奶茶，夠熱，因為無落糖，茶底偏苦（濃）。等咗十幾分鐘，先有職員行來通知太太麥皮賣晒，要改另一樣嘢🤪。呢個要改善，希望將來早啲通知。見旁邊有食客追餐，似乎普遍上菜不夠快。我份炒蛋要等食咗一半通粉先來，係慢咗D。

環境同服務要改善今日選擇左哩間改做茶餐廳吾系好耐的餐廳，8點左右去到無乜人，8點半後就已經坐滿9成。門口望入去黑麻麻，座位間亦密麻麻，雜物好似紙盒，連木梯都放到周圍系，就算系茶餐廳都比較差。本來想叫豬扒炒蛋公仔麵要爽，女侍應督住個tab 話無炒蛋，麵無得選擇軟硬，系茶餐廳都未試過吾得喔。另外叫她拿熱水，佢又吾記得要叫第二次。豬扒系炸的，表面有沾粉，但放系湯度表面，粉就會一pat 野，建議佢一系吾用粉，一系就豬扒另外分碟上好處系有條生菜跟，仲幾有菜味添咖啡就吾夠香啦。

食物質素非常一般，份量較少，味道還可以，要求不高的算可維持生命但座位就十分擠逼，每枱之間只隔一個身位，感覺不太舒適重點係餐廳中門大開，戶外座位只要有人吸煙，煙味便會吹進餐廳內二手煙送飯真係好難頂，大壩街咁多食肆選擇，相信都唔會再回頭幫襯，係咁先

今日經過荃灣見到有間新開嘅冰室試緊業，入邊已經坐滿晒人可能因為係星期日🤣，我當然5會放過即刻9衝入去試新野啦🤣，星期日都有下午茶餐，我同朋友就分別order左5使諗常餐，招牌豬扒公仔麵🍜配火腿奄烈配丹麥酥配熱飲$48，我就order左餐肉太陽蛋公仔麵🍜配火腿奄列加丹麥酥☺️，凍飲加$3，所以個餐係$51，個麵比較少湯🍜，所以要同時間競賽快d食🤣，如果5係會變左撈麵😅，座位都算逼夾😔

好少寫negative嘅食評，因為覺得每間餐廳都有可取之處。但今次呢間荃灣新開嘅冰室，實在令人好失望😓星期日夜晚8點左右到，成條街d餐廳都坐滿，唯獨呢間新開冰室得1，2枱，即管入去試下。行入去都覺得少少伏，個地下痴笠笠，好多紙巾垃圾無人清，餐枱執過但依然好多飯粒，仲間唔中有烏蠅蚊子飛過😓 好少見新餐廳衛生情況咁差Menu屬於中價，選擇都多，叫左個肉絲炒麵，包熱飲，我叫左好立克走奶，上枱少少O左嘴🤯 好立克半透明嘅？攪下佢，依然係半透明，走奶啫正常落夠粉都唔會咁。試飲一啖，果然無味，反正見到杯邊好多漬，都係放棄算唔知係咪店員見到我地好不滿個好立克，offer請我地飲例湯，湯係幾好味嘅唔覺係味精味，呢個值得讚一讚。肉絲炒麵黎到，中規中矩，麵底都夠香脆，但個汁略嫌無乜味，算啱啱合格。不過綜合所有野加埋，真係無下次😞 再唔改善下環境衛生，好難同其他餐廳比。

眼見樓下開咗間新嘅餐廳作為街坊緊係要立即試試佢然而遺憾嘅係，實測結果大伏！問題1： 漏單14：52入座，朋友食物大概3分鐘就到咗但係我叫既招牌豬扒芝士撈丁竟然等咗20分鐘都未到！追問姐姐之後一陣先有得食，擺明同煮食時間無關問題2 ： 食物未熟痴線，20分鐘之後先上嘅豬扒，竟然係未煮熟架！！！塊豬扒紅色到好似啱啱新鮮係隻豬上面切落嚟咁樣， what the actual freak??最精彩係佢淨係換過塊豬扒，而新果塊都竟然可以都係唔熟！！！！各位街坊睇路啊