影片
港铁湾仔站 B2 出口, 步行约6分钟
继续阅读
电话号码
26202765
营业时间
今日营业
12:00 - 22:00
星期一至日
12:00 - 22:00
公众假期
12:00 - 22:00
公众假期前夕
12:00 - 22:00
以上资料只供参考，请与餐厅确认详情
相关文章
203 浏览
收到风合和酒店19楼间「大堂酒吧」七月开始搞咗个星期一至日都有嘅两小时任饮优惠，$128/位，净饮唔洗双计，几只酒鬼当然系要尽快去欢乐一番啦！酒店餐厅就喺大堂旁边，接待处光亮开扬，唯独想揾个人接待就有啲难。用餐大堂好似咖啡室咁，开扬通爽，中央位置有多张高櫈围绕住个酒吧，散座主要靠墙同拍窗，椅櫈舒适，空间感足。据悉，店子朝早只为住客提供早餐，要到中午十二点先正式做生意，一开波就欢迎贵客享用任饮优惠，限时两个钟，$128/位可点指定嘅红、白、气泡、啤酒，加多$30仲可以升呢饮埋烈酒。出名好气嘅XO仔唔洗谂即拣意大利气泡酒，夏日炎炎够哂清爽解暑！值得一赞嘅系驻场嘅阿伦哥哥，落单加酒效率高之外，最难得嘅系遇上问题多多嘅酒鬼们，佢都仲好有耐性咁解答及提供协助，大家都同意话想翻转头帮衬全因为有佢！玉米片、蕃茄莎莎、酸忌廉（$98）：深知空肚饮酒好易醉，所以就点咗客玉米片黎送酒。意外地，色泽彩艳嘅小食卖相精美，睇得出厨房绝无马虎！玉米片块块一样咁脆卜卜，混入嘅蕃茄碎、牛油果酱、洋葱碎及酸忌廉新鲜爽润，好食到唔停得口，结果追加够三碟，证明够坚啦！湾仔新开嘅「大堂酒吧」环境优雅卫生，服务生诚恳友善，简单送酒小食睇得又食得，$128/位可享足两小时嘅欢乐畅酒，凭指定信用卡消费其他食物又可享八五折优惠，真心抵玩！
继续阅读