大堂酒吧

营业中

休息中

身為東區的白領一族，中午外吃難免要匆忙速食，價錢合理、可以多待一會的好地方實在難求，今日俾我搵到、港島君綽酒店的大堂酒吧少少轉型，新推出了輕食午餐，選擇貴精不貴多，中西式皆有，價錢$100有找，而且水準不俗，對我來說只係相隔兩個地鐵站，非常有得諗。 環境寧靜寛敞，跟價錢相若的熱門食肆南轅北轍。 凱薩沙拉 Caesar Salad $69 經典的凱薩沙拉配雞肉、煙肉及炸麵包粒，卻但又非傳統地先煎香了雞肉，而且厚切大片，口感非常滿足。 加$25有餐湯，今天是濃郁的蕃茄湯，酸甜合味。再加一之後都是百元多啲，配合舒適的環境，性價比高！ 海南雞飯 $89 同伴選擇了海南雞飯，估唔到做法都相當認真，正宗三款醬汁不缺，而且調味不錯。 雞油香料煮出來的油飯，配合超滑而不肥膩的雞，再加碗清雞湯，仲抵過食剛才的沙律加湯餐！卡邦尼長意粉 $69 忌廉醬汁煮得美味，長意粉十分掛汁，份量適中，作為午餐不會過分。 煙火雞牛油果三文治配黑麥麵包 $89 既健康不乏味，牛油果令味道昇華，功不可沒！ 輕鬆自在，約朋友暢談，理想之選。

朋友飯聚，指定要找一間清靜不嘈吵的餐廳，食物有一定水準，不油腻。之前曾數次到訪這餐廳，頗喜歡其清靜的環境和氣氛，雖未曾用饍，未知食物質數如何，但酒店餐廳想必不會差到那裡。所以最終選擇此處。當天天氣好，坐在室內也可透過落地玻璃感受室外的美好陽光。服務也不錯，一貫酒店水準，沒事不打擾，有需要時即出現。食物選擇不多，都是些沙律三文治海南雞飯之類。我選了藜麥啡菇沙律 (如圖)，約$180，不便宜，但不俗。無花果新鮮可口，啡菇和藜麥調味適中，份量也足，加上一杯熱咖啡，便是一個悠閒午餐。會再來，為寧靜環境，也為美食。

大家都知食個午餐最好既係, 個地方可以食飯之餘, 更可以食支煙, 而家真係無咩地方可以係咁喇! 我公司就在炮台山附近, 要食野既地方都差不多試過晒囉! 但又剛好俾我搵到一間新閞既酒店, 於是就決定一試, 入到酒店大堂, 向上一望, 水晶燈靚到不得了, 向右邊行就見到一個寫著ｌｏｂｂｙ　ｌｏｕｎｇｅ既字樣，行入去一望，原來才發現有露天既地方，都幾隱蔽，唔講都唔知，當日我很肚餓，所以望見ｍｅｎｕ，就選擇了和牛ｂｕｒｇｅｒ，聽落吸引，可能係肚餓吧！但原來送到面前，係充滿香味架！我朋友就叫了碟三文魚，味道ｏｋ啦！我都係鍾意個和牛ｂｕｒｇｅｒ多ｄ！之後我地叫左一個熱情果芝士餅一齊分享，好好味，個餅底好似ｏｒｅｏ餅餅咁，值得一試！露天的地方係有地方坐架，可以隨時坐低食支煙，太好喇！