大圍小館

营业中

休息中

終於都食到大圍小館原來網上訂位都唔係太難尚算輕鬆咁訂到午餐不過就得返1:30好過喺嗰度等位地方唔大，位置唔多，我去左2次，基本上眼見係冇機會Walk in而且嗰個位好熱，喺嗰度等位都好辛苦如果唔係食尾場，都好準時要你走第一叉人人必食既名物，＄188 得幾舊叉燒， 食之前仲覺得有啲貴但其實一嚿超大嚿食咗兩次肥瘦有啲不一但就算佢係瘦叉燒，都係好腍（唔係梅）我都係鍾意食呢啲梅頭叉燒，多個嗰啲咩黑叉燒，嗰啲根本就係燒五花肉邊邊有焦脆，好甜， 每人一兩舊就到頂蒜香九肚魚 ＄188九肚魚好大條， 炸得好好， 超酥脆， 但油膩， 炸粉一啲都唔厚超薄， 調味唔算多，唔會好鹹蛋黃千層糕 小點以為係煙韌韌嘅糕點， 原來個味係蛋黃包入邊嘅味， 好似鹹蛋黃蛋糕， 好食！除咗以上三樣之外，其他嘢覺得正常發揮，不過不失，不過價錢都合理，普通酒樓價灌湯餃＄68價錢都合理，呢一句唔包括灌湯餃呢個好似都係出名嘅嘢可能係出名在於手工？？？我就覺得冇乜特別， 就係一個放大咗嘅灌湯餃…… 但呢個價錢嘅兩三啖就冇咗避風塘蘿蔔糕、 大口金磚＄68兩款都係蘿蔔糕嚟呢度嘅蘿蔔糕切得好大粒大口金磚好好好好好好厚粉， 外層再包咗鹹蛋黃碎

朋友快將離港 當然要把握時間食中菜 最後決定了試這間長期人氣店 #大圍小館 享用晚餐。這家餐廳以難預約聞名 朋友費了一番功夫才訂到位子 但後來才知道 原來現在已經可以通過網上預約 這一點確實方便了不少有些指定菜式要較早前預訂先有得食 我們最後點了勾魂叉 $188: 叉燒是這裡的signature dish 每塊肉都切得很厚實 口感也不錯 肉質鮮嫩多汁 但沒有人在上枱後用火槍燒個面 不知道是否取消大孖豉油雞 （半隻） $248: 雞肉嫩滑 應該是新鮮雞 豉油汁好味椒鹽白飯魚 $148: 香脆送酒之選 當小食食都可以 都幾大碟啫啫生菜煲 $138: 這道菜有點讓人失望 一打開個煲 生菜的份量非常少 完全不值這個價格差不多食飽時有姐姐捧着大沙翁出來問食唔食 大沙翁好像是另一signature 我以為要中午飲茶才有 可惜令人失望 沒有蛋香味 外皮不算太酥脆至於服務方面 亦只能說只能說是一般 我們book了 8:15第二輪晚飯 過了8時大量人在門口等待 即使入面有位都不會讓人先入 而且即使食第二輪都會提醒你交枱 所以如果一大班人想談天的話似乎不太適合

今日平日諗住12:00大圍小館飲個茶，點知去到門口口個小姐就用的囂張既語氣話有冇book位，如果冇就要等多到12:15乜野book左位既人no show 先有得入。然後15分鐘後入去見到跟本大把位任你坐，所以咩；以上要book 位如果冇book就冇位乜乜乜跟本係虛張聲勢，平日飲個茶都要book位，咪玩啦小姐，入到去大把位任你坐，有鬼人食咩！所以門口個小姐咪虛張聲勢啦好心！跟住食食下大概一個鐘倒已經有的人過黍問叫齊野味，之後就放低左張單，我都吾明點解的員工甘既態度，我食都末食完😅最後又有個侍應過黎話夠鐘要交枱走人，但全場跟本有一半係吉枱，我吾明點解如果有吉枱又冇人既情況下都可以話因為限時個半鐘要趕人走，趕頭趕命飲個茶真係可悲，冇下次，價錢同服務態度完全吾成正比，真係比錢買難受！

食物質素其實不錯，奈何門口接待的女士態度店大欺客，囂張跋扈；在餐廳裡面大部分都是空桌，而户外氣温高達攝氏34度以上，仍然堅持必須下午1:30後才能入座，但同時卻又容許部分客户入內降溫......中式食肆，點心偶有漏單，其實是平常事，經過詢問不同的侍應，都獲得統一"正在蒸"的回覆，卻未見有任何一位願意跟進，苦候50分鐘仍未見影，只能無奈結賬，而賬單上仍赫然發現該三催四請而並沒出現的點心，交涉後對方爽快取消而沒多加留難。今日香港各行各業，正常人不多，相信不少食客仍然願意慕名而來光顧，誠然如頁首，食物質素確實不賴，但是否值得光顧一家令人背脊骨落的食肆？

上星期六再到訪，電話打了一星期也無人接，留言無回覆，黃雨下一行十人唯有walk in ,但告知無訂位是無枱的，等也沒用，服務和安排太不近人情，還有其他更好選擇的，不會再光顧。

一行十一人訂了第二輪吃飯 埋單四千多元 食物有好（如第一义 全晚最好食)有差強人意 (如腐乳蝦球 唔明點解有人讚 完全唔掂)但說好8.15pm食到10.15pm 九點半就迫不及待俾張單我哋 10pm叫埋單 跟住10.10pm阿姐己走過來叫我哋走 訂位時的確有講明時間 但亦有同我講話唔會準時叫我走 結局係九點幾已開始俾壓力我想講感覺真係好差 食飯其間冇主動換碟加水 我哋可以肯定以後唔會再嚟 什麼米芝蓮呀 我好少俾評語 之前喺度食過幾次飯印象都幾好 今次不吐不快 希望餐廳見到會反思

久聞大名的大圍小館﹐在網上看過不少食評﹐適逢家母生日約齊家人一齊去試試﹐於十日前訂座了晚飯20:15。當晚8點去到餐廳﹐已有大批人在等候﹐入座前會先安排枱號時間一到就全部人一齊入座﹐流程暢順。餐前小食有一碟話梅醃苦瓜﹐味道像酸菜完全無苦味。另外普洱茶也不錯。功夫八實鴨:  鴨身去骨填入黑糯米，牛肝菌，乾瑤柱，腩肉，栗子，蓮子， 鮮筍，蝦米及咸旦王，好味又飽肚，醬汁沾菜非常好食。脆皮黑鬃鵝(半隻):  皮脆肉嫩還不算貴，推薦。花旗蔘烏雞湯:  是日老火湯，甘甘地幾好飲，湯渣會分開上。茶薰雞 & 豉油雞:  雞有雞味，十分嫩滑，據說是用新鮮農場雞，豉油雞味道清甜比較好吃，茶薰雞煙薰味太重個人不太喜歡。第一叉:  鎮店菜式，肉味蜜味焦香味俱全，肉質非常軟淋。如意欖蒸肉餅:  混入了類似涼果甘草欖的甜味肉餅，不是人人能接受。椒鹽鮮魷 & 馬拉盞蝦乾肉末生啫芥蘭煲 & 惹味海蝦干小炒王:  正常小菜，沒太特別。冰花蛋球 ( 沙翁 ):  很大一個沙翁，蛋香味濃。冰糖雪耳桃膠糖水:  奉送的糖水，清甜多料。整體味道不錯，但要懂得選菜式，應多選擇特色的菜式，質素算是對得起價錢。

同屋企人食飯，去咗大圍一間幾舒服嘅餐廳。點左脆皮黑鬃鵝（半隻）、第一叉、蜜薯和牛柳、冰梅咸檸骨、孜然蒙古羊柳、馬拉盞蝦乾肉末生啫芥蘭煲脆皮鵝真係好好食，但係第一叉味道有點言過其實，其他食物水準都平均，不過價錢就略貴。

今晚約咗朋友食晚飯，佢哋推介呢間飯店，原來小菜有好多款式，我哋揀咗以下呢幾樣：勾魂陳皮叉燒🍖呢個必食招牌菜真係不得了🤤，叉燒肥瘦適中，一啖咬落去，估唔到係咁軟熟，難怪每枱客人都有叫呢個菜式。三鮮牛骨髓煲好少地方可以食到牛骨髓，牛骨髓好嫩滑，加埋三鮮，味道豐富😋。梅菜蒸茄子🍆食咗咁多肉類，食返呢個清清哋嘅茄子，可以解膩，又健康😊。惹味海蝦乾小炒王🦐呢個小炒王炒得夠乾身，加埋海蝦乾，夠曬惹味，忍唔住不停咁食😋。豬油炒飯🍚估唔到有豬油炒飯，可惜炒飯炒燶咗，食唔出加咗豬油，呢個飯扣咗分😢。聽講呢間店嘅點心都好出名，有機會要嚟試下😍。

屋企人生日一家大細到大圍小館一齊慶祝生日，平時上網已經見到好多人推介，估唔到真係咁好食，但是價錢偏貴，食完令我最深刻就係炭燒叉燒，半肥瘦係最好食嘅叉燒，另外佢個黃金炒飯都係好好食。

有好多普通酒樓小菜都比大圍小館好食，食物味道好普通、價錢又貴，覺得食物味道唔值得呢個價錢。我哋兩位食晚飯，叫左一個九吐魚（六條）$188、一個冰梅骨$208丶牛肝菌茄子$188，兩人埋單七百幾😨😨，份量少丶價錢貴，不值得再次光顧。待應態還不錯，肉類都新鮮嘅。

出品水準較以往差，名大於實，第一叉晚市退步好多，籠仔蒸牛肝菌茄子上菜已不夠熱，味道一般，疊羅漢大多河粉，煎麵梘水好重，係一缽蒸魚腸較為突出，冰花蛋球仲差過普通麵麭店，絲苗白飯就唔錯，鉄觀音茶都係一般。

今次來到大圍小館吃晚市，先點必食之選<第一叉> HK$188，厚切叉燒，是選用梅頭肉同麥芽糖燒製成，放上枱之後店員會搽一層柚子醬，然後再用火槍燒一燒，即埸有視覺享受，燒完之後可以令叉燒外皮更加香甜脆口，口感係外脆內軟，肉嫩多汁，近入口即溶，完全不會令人感覺油膩，好有口感。<陳皮豆豉鮑魚煲> HK$368店員說是即叫即煮，時間會比較耐一點，所以會建議早一點叫定，只有4隻鮑魚，質感新鮮，味道不錯，不過肉質可能煮熟過少少，但影響不大。<薑米蒜香籠仔蒸蟹飯> HK$388原隻蟹在上面非常吸睛，拍完照之後店員會拿走原隻蟹拆殼，這點非常貼心，不用自己費力拆殼，蟹肉肥美鮮甜，雖然飯裡有些少蟹肉，但美中不足的是飯完全沒有香葉蟹味，就是普通炒飯味道，只是蟹肉可以略為加點分數。最後還有每人一碗桃膠紅棗糖水，也是加分位。整體來說，地方環境不錯，因為沒有訂位就直接walkin，幸好可以直接坐下來吃，不過就有限時，所以吃的時間算是剛剛好，不能慢慢品嚐，因為是米芝蓮星級餐廳推介，所以價錢是中上，菜單選擇性不算太多，好多都是以多人份量提供，如果是4位以上選擇性會比較多

大圍小館 總結：好食 同朋友屋企人食飯揀呢間係唔錯嘅選擇 呢間野其實都出咗名好多年 係沙田區 但就一路都係最近先嚟試 因為佢要book😂佢應該係一晚做兩轉生意 都幾多人 個場就冇話好細嘅咁講返食物先 佢出名嘅叉燒試咗 睇相都見到 燶變叉燒 肥瘦適中 有厚度 唔係薄身 燒出嚟肉質鮮嫩多汁 肥而不肥不膩 面頭有啲菠蘿醬 跟住用火槍燒佢 咸甜永動機！所以同平時嘅叉燒唔同唔係普通嘅蜜汁味 係帶有一點果香食飯一定要叫碟菜 叫咗竹笙芥蘭頭 好食唔苦幾鮮甜叫咗蒸魚雲 但係佢係成嚿魚頭咁上 你可以當叫咗碟魚頭lol 都好食嘅 荷葉蒸蟹飯 大大隻肉蟹配上荷葉香嘅飯 不錯價錢就偏貴啦

絕對唔會有下次，餐廳有位戴眼鏡男夥計十分冇禮貌，態度極差，不停催我們落單，問乜冇乜。由於家人對某些食物敏感，所以要問清楚，佢顯得十分不耐煩，只有不停催，我們每點一個order，樣樣都話冇，用好差嘅態度話再唔落單連其他都冇。價錢又貴，份量又少，食物質素一般，完全唔合理。叉燒一份得幾嚿，又肥又唔好食，盛惠$188，茶錢每位$28，埋單二千幾蚊完全唔知自己食過乜，只係知道自己同家人食咗一肚氣，簡直貼錢買難受。