大圍小食

营业中

休息中

在大圍踩單車想港式小食，今天想吃地道親民的港式美食，所以適逢到大圍踩完單車，便到一間主打地道親民港式小食店-「大圍小食」購買港式小食回家與家人品嚐❗小食店有多款港式小食，包括各款港式煎釀三寶、串燒、臭豆腐、燒賣及炸物等。1️⃣煎釀三寶煎釀三寶配料豐富，有煎茄子、青椒釀魚肉、煎紅腸、炸豆腐、釀魚肉及西蘭花釀魚肉等，種類繁多，味道香口美味。2️⃣豬頸肉串燒豬頸肉串燒即叫即製，以碳爐燒香，肉質鬆化，帶𣶷淡焦香，十分惹味❗3️⃣炸雞脾、炸大腸及炸燒賣炸雞脾外皮黃金香脆，內裏肉質香嫩多汁，炸大腸外層香脆，肉質彈牙，炸燒賣外脆內軟，十分惹味！4️⃣陳皮魚蛋、燒賣及臭豆腐陳皮魚蛋及燒賣香嫩彈牙，有嚼頭，臭豆腐外脆內軟，豆腐香濃入味。5️⃣狗仔粉、魚肉碗仔翅及豬紅蘿蔔狗仔粉質感香彈牙，有多款配料，彈牙魚肉碗仔翅香濃惹味，豬紅蘿蔔相當入味。總括而言，此餐廳的食物即叫即製，絕對是大圍一帶抵食小食之選❗

之前响YouTube 睇到有人推介大圍小食，臭豆腐係我最鍾意，因為都好耐冇食過，心血來潮，決定從港島去大圍，東鐵過咗海之後交通真方便，地鐵站出口就到啦！話咁快就到達大圍小食舖頭，見到好多好多我鐘意食啲小食，心大心細真係咩都想試吓，價錢方面真係唔算貴，買多幾樣嘢食都得！臭豆腐炸的時候氣味唔算好臭，賣相都好吸引，加埋豆瓣醬甜醬一咬落去皮脆內軟，非常滿足晒我期待的感覺，而且臭豆腐嘅份量都幾足，食完都有飽肚感！還有煎釀三寶同埋炸番薯，邊度嘅煎釀三寶除咗有常見嘅款式之外，仲有西蘭花等等比較特別嘅煎釀乜乜，當我食到長尖辣椒辣椒的時候，真係覺得好辣好辣，鍾意食辣嘅朋友仔一定要食！狗仔粉啲豬腸&滷水墨魚都好出色，食得出佢哋嘅豬腸清潔得好乾淨，惹味又過癮。喺買嘢食嘅時候聞到佢哋嘅炭燒豬頸肉好香好香，依個炭燒豬頸肉加埋秘製醬汁，爽脆嘅豬頸肉好有口感醬汁又惹味！口痕整一串都唔錯！還有炸豬大腸，炸得外脆內軟加埋黃芥末又或者甜醬都係咁好食！司華力腸方面，佢哋好有心機鎅晒花好靚，一條普通嘅司華力腸都可以有咁靚嘅賣相，真係好欣賞佢哋嘅細心！魚肉碗仔翅入面有好多料，一定要落麻油，胡椒粉，浙醋。食食吓仲發現有竹笙喺入面

【大圍•大圍小食】————————————————————————#大圍小食 住大圍相信食過 往往望到一條人龍排隊對正港鐵站 相當方便 買完坐鐵返屋企款式多樣化 基本講到嘅小食都有呢度魚孩燒賣更獲得香港美食選舉金獎 🏆🍯｜燒賣｜HKD12/10粒🍯｜陳皮魚蛋｜HKD12/10粒所有食物均為香港製造🇭🇰 金牌咖喱獎冇得輸😋燒賣煙韌魚蛋彈牙 醬汁惹味👍🏻👍🏻🍯｜肉碎狗仔粉｜HKD35(S) 45(L)油渣麵同銀針粉都有 試吓狗仔粉 類似短身上海粗炒麵加了肉碎蝦米冬菇炸蒜😍店鋪仲自製辣菜脯🍯｜碗仔翅｜HKD22(S) 35(L)想講 香到坐鐵返屋有啲唔好意思🙊足料到🍯｜煎釀三寶｜HKD4/件笑咗😂😂買咗勁多囉 每樣都想食最特別係西蘭花都有呢 紅腸。青椒。尖椒。豆腐等等🍯｜司華力腸｜HKD18🍯｜串燒豬頸肉｜HKD30/2串嘩😍下次再買串燒 蜜汁孜然粉😋惹味肉爽 滿足啊🍯｜臭豆腐｜HKD15正宗古法製造 話說台灣有食 香港真心第一次食🙊🙊孜然。咖哩。七味。香茅。黃姜。辣椒。黑椒台灣真上不同醬汁 香港的脆口啲 。服務質素：😊😊😊😊😊食物味道：👅👅👅👅性價比：💰💰💰💰💰消費 HKD184/3人

大圍友必食街頭小食店 呢間由細食到大 如果係大圍食宵夜基本上都會選擇佢 紀錄下今日食左咩啦.個人最鍾意大圍小食既辣醬 超級重口味辣醬咖喱味香濃 有辣勁但唔會過辣 重香料味用黎點 ⭐️燒賣 ⭐️魚蛋 都唔錯但個人口味更鍾意 牛百葉點辣醬🥰因為牛百葉爽口 而且有凹凸位 黐住啲醬同埋通常會點3串 因為佢地3串先會比碗仔可以食得方便啲 而且可以裝住啲汁.其他小食反而唔係成日食 今次試試⭐️炸雞髀$25見到炸髀 已經炸好 有客人落單再翻炸所以等左一陣就炸好 出品熱辣辣亦都因為炸左兩次 雞皮超級脆（可聽聲）雞髀本身醃製調味唔重手佢地有十款調味料比你自己落 係佢哋賣點我今次自己貪心 落太多淮鹽 好咸 超重口味 但開心既.⭐️串燒豬頸肉$15 $30/2串沙田人表示最鐘意好運中心馬會旁邊果間串燒但點知佢執左 大圍小食都做到類似既味道佢地有幾款味粉 個人覺得 淨係蜜糖同沙嗲就足夠.⭐️煎釀三寶 $4件 $20/5件注意 釀原條青椒有小辣比較特別嘅係 佢地有炸餃子 炸冬菇 炸西蘭花魚肉唔會太少 都唔會太粉 算大件 還好淨係點甜豉油已經好足夠.⭐️狗仔粉 $35（細）人生食過2次米芝蓮狗仔粉 2次都覺得太軟身 負評呢間

📍大圍小食大圍富嘉花園22號地舖 🦔⸒⸒臭豆腐 $15好少地方有臭豆腐 呢餐小食店報紙都有介紹過今日終於過嚟一試 豆腐聞落去夠晒臭😌 點醬一齊食幾好味炸大腸 $15食落好煙韌 真係要咬多幾分鐘先吞到🤣 鍾意有咬口嘅人可以試下😌串燒豬頸肉 $30/2串一串有4-5件 食落有咬口同惹味！司華力腸 $18一大條司華力腸 店員用刀口切開左 配埋蜜糖一齊燒甜甜地好好味😋煎釀三寶 $20/5件佢哋有超多款可以選擇！有西蘭花、番薯、餃子、冬菇、青椒等等 小編每樣叫左啲😚 番薯甜甜地好好味 青椒上面啲白魚蛋好彈牙😍 推介！魚肉碗仔翅 $42叫左大size🥰 碗仔翅好足料有好多條魚肉魚肉食落去完全冇骨 碗仔翅口感都豐富炸雞脾 $25雞髀超大隻！炸到外脆內軟😍 入面嘅肉都唔會好鞋🤍生菜魚皮餃 生菜魚皮餃湯底就咁食會偏鹹~ 加埋魚皮餃就啱啱好魚皮餃都有6-7粒左右 好多汁係入面😋燒魷魚 魷魚食落去有咬口同彈牙 好味👍🏻魚蛋燒賣 魚蛋細細粒食落去彈牙 燒賣都好好食😋 鍾意食辣嘅可以配醬汁！🔖 @taiwai_snacks

我諗大圍冇人唔識食呢間小食店大圍站一行出嚟就會即刻見到大大個牌同埋條人龍今日屋企打邊爐姐妹花叫左好多人來我哋就買左好性價比好高嘅小食令到全場更加熱鬧下首先一定係要食呢度嘅燒賣魚蛋小食冇咗佢真係到喉唔到肺而呢個燒賣魚蛋最吸引嘅就係佢嘅金牌咖喱醬食落去唔會太辣但係秘製嘅地方令到佢非常之香我仲嗌咗魚肉翅同埋狗仔粉同佢講話要一陣間先食店主好細心特登幫我哋湯同分開個人好鍾意呢度嘅魚肉因為入邊嘅魚肉好彈牙有魚味唔會好似食緊一舊粉咁樣狗仔粉係我要推介大家食佢入邊有好多嘅粉仔係加咗啲肉碎啊蝦米冬菇等等聽到個粉仔好香又滑身特登加錢買咗一尊辣菜莆呢個菜莆加任何嘢食都好爭食㗎爽爽地又要辣辣地好有口感好過癮煎釀三寶多元化樣樣都有大大嚿大家鍾意食乜就食乜甚至西蘭花冬菇都有佢仲要有串燒我就揀咗雞肉豬肉欣賞佢燒完唔鞋仲好惹味佢哋仲有少有嘅臭豆腐外皮咬落去脆卜卜入邊就係發酵鬆口嘅豆腐姊妹花一個一件真係越食越香總結就係可以開咁多年真係好有原因平靚正

夜媽媽收工肚仔餓，又好想掃街食嘢，朋友帶我去大圍食佢中學時期成日都去食嘅店舖，人來人往，多人圍住食店，仲有人排隊等買添。友人話佢哋嘅秘製辣汁超正，唔食辣嘅都一定要試。睇完有咩樣想食，就即同店員落單，兩個人每款都叫啲，都叫咗好多樣必食 [ 串燒豬頸肉 2串 ] 及 [ 串燒魷魚串 ] 即叫即燒，味粉仲有好幾款比你揀，我哋就揀咗咖哩粉及孜然粉，好香燒烤味，邊邊位燒得好香脆，食落肉質嫩滑又多汁；魷魚口感煙韌有咬口，夠哂入味，兩樣都係咁好味叫咗碗大碗嘅 [ 油渣麵 ] ，湯同麵分開放好，攞到返屋企湯底仲係熱辣辣。份量好多嘅豬油渣炸得好香脆，食落唔油膩，清湯湯底，再加埋辣菜莆一齊食，又辣又惹味再叫咗碗兩溝，大大碗，勁足料嘅 [ 魚肉翅 ] 勁多條粗粗嘅魚肉，食落口感彈牙，每一啖都食到冬菇及木耳，翅底濃稠適中，落埋醋一齊食就更正仲叫多碗 [ 韭菜豬紅豬腸 ] ，份量好多嘅韭菜，新鮮嫩綠、豬腸份量多，洗得乾淨，肥瘦均勻，口感爽脆，加埋豬紅更滿足熱辣辣又炸得香脆嘅 [ 炸大腸 ] 食兩串真係唔夠喉，炸得香脆又唔會太乾，食之前要唧埋甜醬及芥末，就更加惹味。[ 牛柏葉 ] 口感爽爽脆脆、[ 水魷 ] 及

朋友到訪，叫外賣🤭一諗就諗起屋企附近呢　間小食店，多種類又平靚正。4個人叫醋幾二百蚊，乜都有啲，岩晒開心Share 🤭🤭.話說呢間都做左好多年，由細個食到大個，以前款式無咁多，而家愈做愈多選擇，價錢亦稱得上平民價。.我最鍾意就係佢地既「正宗古法臭豆腐 $15」，大大舊夠晒臭，叫外賣可以分開啲汁，唔怕返屋企淋晒。「炸大腸$15」又係必點之選，呢度整得個大腸好乾淨，唔怕食到臭臭嘅味道🙈同埋真係出邊食炸大腸先有咁多轉👍🏼「煎釀三寶$20/5件」任擇唔嬲，$20/5件 件件大大舊，連西蘭花同餃子都有得煎釀。炸野仲有「椒鹽炸燒賣 $12」同「炸雞髀 $25」都唔錯，生炸髀配炸左之後外脆內軟嘅燒賣🍢。.呢度有個「肉碎銀針粉$23」又係另一樣懷舊嘢，而家唔係好多地方有銀針粉食，但係佢個重點除咗係粉，個辣菜脯🌶🌶🌶真係好正又辣又惹味，我次次叫外賣都會裝起啲辣菜脯🤣🤭下次食麵落少少都正。「魚肉碗仔翅$28」魚肉唔會太多粉漿，配埋碗仔翅加胡椒粉絕配。「燒賣魚蛋」勁平，$12/10粒，但就唔可以雙拼，燒賣彈牙爽口，魚蛋粒粒Q彈。.仲有串燒豬頸肉$15、串燒雞肉$15、司華力腸 $18、串燒墨丸 $18，今次

今日去住大圍的朋友家開P🥳🥳，開P當然最重要既係party food啦，友人靈機一觸就話不如試下狂食地道港式小食😂😂，即係煎釀三寶、豬油渣麵、車仔麵、燒賣魚蛋、生菜魚肉碗仔翅、串燒、雞蛋仔、炸雞髀及炸大腸等，每人拎幾十蚊就食到你捧腹投降🤣🤣住左大圍20年既佢就帶我地去📍大圍小食到任揀😎😎📍大圍小食 正正面向大圍港鐵站，聽友人講24小時都有得食，賣的是地道港式小食，款式多元化而且食物經典最重要係性價比好高。😳 🔸 ㊙️辣汁咖哩魚蛋/魚肉燒賣 ($12/10粒)魚蛋有魚味而且好彈牙，燒賣好煙韌而且有嚼勁，配埋㊙️秘製辣汁夠惹味，必食之選😋😋😋🔸油揸麵、狗仔粉 (細碗$35)油揸麵及狗仔粉的分量都很多，店員簡單介紹主要係長短既分別，而靈魂所在的是自製辣菜脯，啖啖卜卜脆、夠香辣，超級惹味!! ☺️☺️粉麵口感不會糊口，軟硬度適中，湯底調味啱啱好唔會太鹹，推介😋😋🔸魚肉碗仔翅 (細$28; 大$45)貪心的我一定係叫兩溝，即係碗仔翅+魚肉，超足料，勁多條好粗既魚肉，口感又彈牙，翅底又濃稠適中，記得一定要加少少麻油同醋，係車仔檔既回憶！☺️☺️🔸韮菜豬紅豬腸 ($35)店員推介既必食item😎，豬紅夠入味，

⭐️大圍小食⭐️📍: 大圍富嘉花園22號地舖中秋節同屋企人做完節口痕想去掃街，去左大圍地鐵站附近既大圍小食，小食店係多年老店，保留傳統多年香港人街頭小食口味，食物種類多元化，每次經過都好多人排隊，臭豆腐同串燒好香，今晚同屋企人試多幾款先🥰🌟臭豆腐臭豆腐呢個街頭小食愈黎愈少師傅整，雖然聞落好臭但食落真係好正，外脆內軟，配埋甜醬好好食，必試推介😍❤️🌟串燒豬頸肉串燒方面叫左佢地人氣推介既燒豬頸肉，燒到少少燶邊，配埋爽彈既口感，正呀😚🌭司華力腸司華力腸原條上，拎住黎食好爽，表皮燒到脆卜卜，好好食啊😋🍗炸雞髀雞髀即叫即炸，拎到返屋企仲熱辣辣，雞皮脆卜卜，食落唔會好乾同好油膩，肉質嫩滑，高質🌟炸大腸炸大腸即叫即炸，處理得好乾淨，食落有嚼勁💯🌟魚蛋燒賣佢地用既陳皮魚蛋係多年老字號，質素絕對有保證，食落爽口彈牙，燒賣啖啖彈牙魚肉，配埋佢地既秘製辣汁好過癮😍🌟魚肉碗仔翅魚肉碗仔翅好足料，每啖都食到木耳同冬菇，碗仔翅濃稠適中，加埋麻油、胡椒粉同醋一齊食就最正🌟魚皮餃老闆娘好好人，推介我試埋佢地既魚皮餃，皮薄餡靚，用上自家熬製既湯底，絕對會再encore🌟韮菜豬紅豬腸呢個又係必食推介，唔好見佢細細碗，入面好多豬

曾幾何時一間小食店就已經可以成為一餐正餐，每樣嘢都嚟一串，然後再食返一碗熱辣辣嘅小食，少少價錢多多享受。😙時至今日依然都係王道，不過而家最唔同嘅就係除咗規模大咗之外仲引入更多小食，就唔再係從前嘅魚蛋燒賣腸粉碗仔翅咁簡單。 嚟到大圍除咗指定踩單車活動之外更重要就係踩到中途當然要回程食返一餐小食宴補充下體力再接再勵。 🤤喺大圍呢一度相信最出名嘅亦都係莫過於大圍小食， 招牌都特別顯眼，而且食品嘅目錄亦都係眼花撩亂多到手指都數唔晒，一於就唔做選擇隨心所欲大擦一餐😛招牌陳皮魚蛋— 🍢夠晒經典嘅食物，最架勢嘅一定係呢一度嘅陳皮魚蛋仲要係攞過獎嘅，淨係呢一點都值得一試，🍢食唔食得辣都一定要佢哋嘅秘製醬，更加香噴噴，🌶️陳皮魚蛋除咗細粒之外反而辦成更加好，陳皮味當然少不免成為最佳配角，再加上類似沙茶醬再加辣椒醬嘅秘製醬料絕對可以將魚蛋嘅魚鮮味更提升一個層次🌶️魚肉燒賣— 💛同魚蛋一樣難兄難弟，魚肉燒賣最正嘅地方就係煙韌嘅裏面，但同樣亦都要有魚味，如果唔係就似係食緊一舊麵團。 😖不過呢度可以出名嘅原因當然絕非等閑之輩，金黃嘅燒賣裏面用料充足，😏魚肉膠煙煙韌韌而且軟硬適中，除咗豉油同辣油之外更加可以隨自己所好

每次去開大圍都一定會幫襯呢間cp值極高嘅小食老店*炸臭豆腐 $15/件即叫即整，大大件，唔單止聞落夠臭，仲食到發酵嘅香味😍*魚肉翅 $45本身已經落埋醋，調味岩岩好，食落唔會好稠唔會落好多粉開👍🏾 不過魚肉無之前食咁滑咁爽口*豬紅大腸韮菜 $45韮菜多到好似唔洗錢，仲要有勁多自家製辣菜脯、冬菜、炸蒜做配料🤭豬腸乾淨又唔會過熟，蘿蔔吸曬湯汁，入口即化咁😍*串燒豬頸肉/雞肉🍢 $30/2燒到微脆爽口，有時唔知要咩汁好基本上就叫沙爹🙈

今晚屋企人不煮飯，放工經過大圍站D出口決定買點港式小食回家一起吃。平時一般買來即食，這次拿回家吃一樣滋味。個人最愛的陳皮魚蛋及燒賣（各$12十粒）配上秘制辣汁真的讓人一口接一口。現在越來越少地方做臭豆腐，這邊的正宗古法臭豆腐（每件$15）大大舊，配上辣醬甜醬就一流啦！小食少不了來完狗仔粉，而媽媽則鍾情銀針粉那較為爽口的質感，所以肉碎銀針粉及肉碎狗仔粉（細碗$35）各來一碗吧，靈魂所在的是自製辣菜脯！這邊還有賣玻璃瓶裝（$35），這次知道了刻意買了一瓶回家，實行辣菜脯自由，以後煮麵可以自己加了！因為已經叫了銀針粉及狗仔粉，車仔麵就只叫淨車仔食送啦！要了韭菜、魚皮餃、紫菜、芫荽（各$10）、牛柏葉（$13）及牛腩（$15），魚皮餃大大隻，全部菜式都很足！喜歡吃肉的我還點上港式鹵水雞髀（$25），大隻，好味，不會太鹹呢！

中秋節前夕公司早放，同同事一齊搭東鐵過海段去大圍掃街，會展站過去都唔洗半個鐘，同事推介我試下呢間屹立多年既老店，一於買返屋企當晚飯啦❤️狗仔粉 (小$35; 大$45)呢款狗仔粉係人氣推介，店員好細心地將湯同粉分開上，咁就唔怕浸到啲粉腍哂啦，麵條煮到剛剛好，湯底好清甜，有冬菇、肉碎、蒜蓉同蔥等配料，非常滋味串燒方面即叫即燒，推介豬頸肉😋😍味道方面更多達八款: 孜然、七味、黑椒、香茅、辣椒、川椒、咖喱、沙嗲同蜜糖，真係「有辣有唔辣，任君選擇」❤️串燒豬頸肉 ($18/串; $30/2串)串燒豬頸肉都係三十蚊兩串，一於叫兩串返屋企唔洗爭食，燒到少少燶邊好香口，肉質爽口又juicy，推介❤️椒鹽炸燒賣 ($12)椒鹽炸燒賣口感外脆內軟，煙韌有嚼勁，夠哂香口，正❤️港式炸大腸 ($15)好少係出面食炸大腸串燒，見到咁多好評望落都幾乾淨所以就叫左一串試下，外酥裡面帶煙韌，可以加埋甜醬同芥辣一齊食，好邪惡啊~❤️正宗古法臭豆腐 ($15件)傳統既臭豆腐真係買少見少，記得以前去太子個邊成條街都係臭豆腐味，近年呢款街頭小食逐漸式微，同事推介我話佢地既臭豆腐真係好好食，一於跟佢試下先，聞落雖然幾臭，但食落好真係幾

捉緊夏天的尾巴(2)—今日去左大圍踩單車，踩完之後見到火車站對出既名勝—大圍小食，由細到大都見到佢係度，所以今次就二話不說咁去會一會佢。我地一口氣叫左臭豆腐、韮菜豬血、咖哩三寶、陳皮魚蛋、燒賣、豉油雞脾同埋夾餅。樣樣都係能夠代表香港的小食，所以無理由唔試架嘛。加上佢地新鮮即製，真係啖啖滿足。先講個臭豆腐，個種「臭」味夠哂正，愛食臭豆腐既朋友就係鍾意佢個陣味，加埋豆辦醬，一流。至於咖哩三寶就係豬皮蘿蔔魚蛋，由於佢係陳皮魚蛋既關係，所以再叫多碗來食，加埋岩岩蒸好的燒賣，正呀。講起香港小食，點少得夾餅，花生醬、砂糖、牛油，夾埋一齊入口，十分滿足。食完再食返碗豬紅，正，由於我唔食韮菜關係，我係走哂的，豬紅變成主菜，口感十足，正。最後，唔可以唔講邪惡小食—豉油雞脾，呢樣真係港式小食既座上客！夠哂入味！