影片
以上资料只供参考，请与餐厅确认详情
原本谂住食隔离食肆（点知休息），唯有附近再揾嘢食！ （牛扒例牌好多人等费事啦）看到间舖，平日晚餐就求其就算。叫咗两个晚餐，一个系菜心炒牛肉味道牛肉OK菜心都多；另一个系老板娘介绍豆豉蒸白尾班（原条上），白饭，例汤，热饮全套$78. 讲真，百零蚊，食完啪啪屁股走🤣简单轻松！要讲吓个例汤，系有料到嘅，唔系白烚水😋。而且份量足，价钱公道，味道方面住家式！店舖里装修都OK ，有啲复古型氛围，听见其他食客对话都似系街坊，希望呢对夫妻老板保持得住水准，长做长有啦！
继续阅读
什么地区都好，总系有些铺位系经常转手。前身叫［街坊冰室］ 无黎一段时间又转左名，新招牌［大四喜］几靓仔几醒神；老板娘睇楼面，老公厨房系主场，员工态度有礼貌；食材好，份量够，价钱经济，贴地茶记；午市有成8，9款选择，日日不同，跟茶又跟汤，系一间唔错嘅饭堂选择。呢度个公司三文治有惊喜，竟然系会用咸牛肉煎蛋，唔错；但沙牛面唔惯有菜丝，无菜丝就会好点，所以下次会叫面餐时要走菜。希望这种贴地食店可以长做长有
继续阅读
今日夜晚食饭时间行开太子，见到附近都几多人，周围揾紧嘢食嘅时候行过餐厅，老板娘亲自过嚟介绍，见到老板娘几友善就一于试吓啦今次试咗《铁板牛扒》同《啫啫鸡煲》，分别$75同$78。两个餐都送汤，简咗一红汤一白汤红汤够酸，仲有唔少蔬菜粒～白汤都好饮铁板一送上嚟够哂热辣辣，老板娘仲好贴心放远啲惊弹到客人牛扒够淋，薯菜都好食鸡煲数量多，一上台好香仲好浓味，啱晒重口味人士最后要赞下老板娘态度好好，由入门口到出门口都好好礼貌，又会问下客人有咩需要，够体贴
继续阅读
前身是街坊冰室，因为住得近，以前都成日去食，转名做大四喜后，可能磨合还需时间，初期运作有点混乱，好似无特别准备要做晚市咁，要叫返午市卖剩还有的食物，有一段时间无再去。后来早餐时段见倒好多客，入去食过早餐，质素都唔错，谂住放工回家可以有多个选择，点知佢又转了唔做晚市。近这几日又见佢晚市又好似开返，今晚本来想食炖汤，点知无位，老婆话见倒大喜有新优惠，谂唔倒食乜就试下啦。叫了个牛扒铁板餐跟薯菜，薯条好热，应该是即炸，几好食，粟米几甜，牛扒虽然无得拣生熟程度，但质素是可以的，起码唔会过琳或过硬，75蚊配埋冷热饮品都算抵食了，希望这小店长做长有，等我晚餐多一个选择。
继续阅读
去这新店第一次晚餐，想吃铁板餐，新张期仲有七折优惠，喜欢吃扒的我，一定要试下啦～牛扒铁板餐，牛扒真系无松肉粉的味道，唔会好似食腐肉咁，生熟程度刚刚好，新鲜即炸的薯条超级热，要慢慢食，加上甜甜地嘅粟米粒，比起那些大型连锁店的铁板餐，简直无得比，加上优惠期间，直得一试。另外，叫咗个香茅猪扒饭，猪扒都一样无松肉粉味道，值得一赞，不过，个人不太喜欢那些乜乜鲜酱油的味道 ，店员话系自家调配的酱汁，可能配方中有那款鲜酱油，如果转普通豉油汁就完美喇。至于饮品，我就叫咗冻柠茶少甜少冰，水准几好，起码做到我要求的，因为好多食肆都做唔到，唔系啲冰唔驶钱，就系啲糖唔驶钱，一系无茶饮！一系甜到死！未去过这店舖的，可以一试，支持下这些小店。
继续阅读