影片
以上资料只供参考，请与餐厅确认详情
得知长沙湾东沙岛街有间新张既川粤菜馆，今日就即刻去探店试一试。午餐时份到店，都八成满座，坐低望一望个餐牌，有咖喱，有水煮，有炒粉面饭，今日口淡淡，想食辣，就一于点咗个川香重庆麻辣水煮牛肉饭。不一会就上餐，水煮牛肉份量算多，有芽菜，云耳，薯粉，牛肉同埋芫茜，辣度算是中辣，个汁好下饭，牛肉嫰滑好味道，整体满意。口味：🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚
继续阅读
今日lunch行过食咗佢嘅莲藕肉饼饭，好惊喜佢哋做法好似妈咪煮嘅一样。佢唔系𠮶一只好多油搓咗一个波，就可以好脆𠮶只，通常街道系好浓味同咸。佢嘅整法系好似屋企少油少盐，味道啱啱好𠮶只，食完唔会觉得好咸同埋好油腻。好惹味好浓味𠮶啲唔难揾到，但系整到好似屋企嘅做法，真系好少有。我朋友就食咗蒸水蛋，佢嘅意见都同我差唔多，佢整法系好似屋企咁样，蒸水蛋超级滑。餐厅整到好似喺屋企咁好味，我觉得值得大家去试吓。 👍👍👍👍Lunch $55都几抵食
继续阅读
呢间小店月头开，试过佢个茶餐厅早餐都觉得唔错，所以今晚决定同几个friend试下晚餐。佢个麻婆豆腐有四川风味，同其他地方有啲唔一样，蒸鱼就中规中矩，我见隔离台啲镬气小炒好鬼死香，不过三个人去，三个𩠌三大碗饭仲有例汤送，再加埋杯冻饮。饱到再嗌唔到其他食物，我都系住附近
继续阅读
今日放假去左长沙湾果边探朋友，咁倾完之后都差不多6点几，朋友就建议一齐食埋饭，佢话楼下有间新开小炒都不错的，有水准，于是就试试啦！入到去地方都舒服，侍应都有礼貌嘅，我地3个人就点左以下菜式啦！首先系土鱿蒸肉饼，感觉上猪肉都系新鲜嘅，有猪肉香味，份量都够大，而且蒸嘅时间刚刚好，口感一流。之后系我最爱嘅沙姜鸡，鸡肉非常滑，而且鸡肉够味，个人觉得唔洗点个酱汁就已经好够味道，另外只鸡唔系好肥，都唔错。最后就系叫个菜，金银蛋菜心，中规中矩，菜心唔老。最后我地一行3人都清晒整枱嘅𩠌了，好满意，会再帮衬。
继续阅读
经过呢间新开冰室2 次决定入去试一试啦, 冰室环境干净企理,好光猛既. 当晚唔需要等候入座. 目测都坐左2/3 客. 店员有礼貌,一 入去就递水. 咁先系我觉得茶记/ 冰室既风味,唔系下下QR Code 自助落单. 都系钟意呢种风味. 2人入去试左3 款小菜, 卖相唔错,估唔到冰室都有咁既质素. 个水煮牛肉卖相好靓👍 最惊喜系个炸鲜鱿, 见佢色水唔算太深,以为会无咩味, 味道反而有惊喜,要俾个质. 个豆腐就有家既感觉,味道适中，唔会太咸太浓. 下次会试埋其他小菜，有个新饭堂
继续阅读
您可能会有兴趣的...