大同韓燒 (已結業)

終於可以一試了！的確燒烤種類算多，我最喜歡他們提供多海產選擇，蔬菜也多，可惜大部分都有點咸，包括冬茹，尤魚，墨魚，具殻類都是。肉類都可以，另外，他們的壽司類別都比較特別。甜品中的涼粉好食。另外牛骨湯𥚃面的料都多。…查看更多

小牛牛跟小小馬第三次來這家店會讓我們一直來就是因為東西好吃價格又實惠中午有套餐 我們選擇燒烤韓式最棒的地方就是有好多小菜每道都很好吃小牛牛這次點了鮮魷 店家已經有做調味了好大一盤份量十足小小馬點的是鯖魚 份量也很多套餐有附贈白飯跟湯 整個排開看起來是不是超級豐盛呀重點是這麼多東西不到100蚊真是物超所值烤爐滿大的 自己烤給自己吃很好玩 熟度跟節奏自己掌握感覺很棒最後還有小驚喜 冰皮麻糬一個整體而言相當飽足 非常合我們兩個的胃想吃韓式的時候應該還會再來推薦給喜歡韓式 喜歡自己烤肉的朋友們…查看更多

呢間野有幾點需要讚一讚1.零油煙2.食物高質3.服務質素好4.種類普通但性價比高5.環境舒適前菜有沙律果d🥗配搭不同種類的醬料旁邊有不同的湯分別係蘿蔔牛骨湯、泡菜蕃茄牛肉湯、紅豆沙呢啲湯都係冇味精😍真材實料㗎🤤刺身種類只有三文魚🍣但好新鮮同鮮甜 每一次只需要叫人攞就有每次會有五至六塊（正常厚度）除咗刺身仲有壽司 會放喺出面俾人自己拎壽司種類好似有五六種 方便自己想拎咩就拎咩燒櫃分咗兩個櫃 一個係肉類 一個係菜類每邊有12類以上有d特別既料，包括：三文魚頭 紫薯甜品：有雪糕 芒果布丁🍮青檸啫喱 涼粉最正係佢用吉丁片整 好味😆有一種係免費酒，其他就要收費啦9:30後仲85折添 正丫！…查看更多

抽風設備好，吾油煙！食物企理，款式幾多！最好食有蛋卷，牛骨湯。肉類：牛肉同牛仔骨幾入味。另外，有帶子壽司。會再去食🤗*最好訂位，當日食8:30 都要等左30分鐘…查看更多

好耐冇食韓燒，今次嚟咗呢間試吓，雖然款式可能冇其他鋪頭咁多款，但係質素都算唔錯，幾抵食！冷盤方面，有魚生、壽司、中華沙律、螺肉、泡菜等。熟食方面，有煎餃子、雞腳、滷水雞翼、粟米、咖喱魚蛋等。至於有啲咩燒，總括來講，都算大路嘅。有雞翼、豬扒、肥牛、豬腩片、雞神片、豬頸肉、雞肉、魚樓、羊扒、廚師腸、雞軟骨、牛仔骨、青口、扇貝、鯖魚、三文魚骨、多春魚、魷魚等等，仲有各款蔬菜（青椒、金菇、冬菇、甜薯、翠玉瓜、洋蔥、茄子等）。至於飲品都算有幾多款，紙包飲品同罐裝飲品都有。甜品就有雪糕、芒果布甸、涼粉、紅豆沙等等。佢同其他韓燒唔同就係佢會鋪牛油紙係個鐵板度，亦都會定時定候幫你換，呢個服務幾好！…查看更多

今日同朋友去左位於大角咀既大同韓燒，地點好方便，係奧運站落左車行幾分鐘就到，一啲都唔難搵，入到去啲坐位好闊落，四個人完全坐得好鬆動又唔迫。食物方面，選擇好多，但連前菜既選擇都好多，所以我地連前菜都食左好多又好味，例如有沙律、湯同十幾款日韓或小食。燒肉方面，有三十幾款牛、雞、豬不同既食物，重有海鮮添，我就最鐘意燒汁牛仔骨同埋個個䤶得好入味、一啲都唔乾、好juicy 既燒汁冬菇，成晚食左好多隻。甜品都有好多款式，有中或糖水、芒果布甸、涼粉、雀巢雪糕同雪米糍。啲服務態度都好好，成日過黎幫我地收左啲食完既碟，又成日換牛油紙，又好好禮貌，下次一定會再黎呀！…查看更多

今日有朋友生日，主角話想食韓燒，所以就搵左呢間大同韓燒，一入去感覺唔錯，唔會話好焗好大陣味，而且D位都好闊一D都唔逼。基本上都係同放題一樣，一坐底就可以去攞野飲野食，除左燒肉外，仲有刺食可以食，款式都唔少，有三文魚、熟蝦、魷魚同八爪魚等等。前菜方面就有沙律、兩款湯同11款日韓式既前菜，所以選擇都好多。至於主菜燒肉就有33款食物比你揀，個人黎講最中意就係燒雞翼、五花腩、帶子同冬菇啦。雖然食到好飽，但點都要試埋個甜品既，自家製甜品就有三款，包括涼粉、菊花桂花蜂蜜凍同芒果布甸，另外亦有雪米糍、雀巢雪糕同生果。整體黎講質素真係唔錯，而且服務質素好好，經常有服務員幫你換牛油紙，所以下次我都會再幫襯呀。…查看更多

心思思想食韓燒，所以就邀約好友食韓燒，佢話佢屋企附近有間韓燒未食過，就話不如去試下！一入去竟然冇一大陣油煙味，因為出面食韓燒未入到去已經聞到油煙味，呢到竟然冇！坐低先知道原來係因為爐上面放上牛油紙，就冇大油煙味，同埋食物冇咁易燒焦，亦都唔洗落油！係等緊啲食物燒熟，我和友人先吃了熟食，咖哩魚蛋、壽司！咖哩魚蛋濃濃咖喱味，又唔會好辣，魚旦彈牙；壽司係火炙三文魚壽司，三文魚燒得好香，一咬魚油出哂黎！三文魚刺身要order，即叫即切，所以感覺更加新鮮，唔夠可向店員encore，三文魚刺身好新鮮質感嫩滑，仲要係厚切，回味無窮！之後當然到主角，就是我們的韓燒啦！拎了不同種類嘅肉，餐廳供應豬牛羊雞鴨海鮮蔬菜，肉類調味出色，唔會死咸，雖然每款得一種味道揀，但是這樣就可以食到唔同味，試到唔同野！大推雞翼，因為好入味，而且店家係中間斬開了，更易熟，同埋可以清楚見到裡面熟唔熟！ 
其他肉類都唔錯，雞肉好滑，冇冰鮮味！豬扒都好軟腍！食左咁多肉，就食下啲蔬菜，為左唔吸收肉類油份，就換過張牛油紙，係免費架，曾經聽過有間餐廳換牛油紙係要收錢。蔬菜好新解，大愛翠玉瓜，燒完仲好juicy！食完飯，仲有很多餐廳自家制甜品，但因為真係食得太飽，真係食唔到啦，所以唯有下次黎過再食！除了有餐廳自家制甜品，仲有雀巢雪糕和雪米糍！🔎 大同韓燒
大角咀大全街42-44號地舖…查看更多

今時今日嘅韓燒點只韓燒咁簡單，要小食有小食，要刺身有刺身，燒野都大把野你揀呀！其實最愛就係韓國小食，又健康又多選擇，而且有前菜餐飯會令我覺得完滿好多，始終有時食太多肉都會覺得膩酸羅白同青瓜一直係我至愛，其實都試過自己整，但真係做唔到個種酸甜平衡嘅感覺，泡菜仍然係水準，仲竟然有d日式小食，件事豐富左好多最喜出望外係兩個湯，作位湯怪嘅我對湯係好有要求的，呢兩款湯足料之餘材料新鮮，只係飲都飲得出落左d咩料落去刺身壽司都好高質，又靚又肥美黎到重點韓燒，係呀，你無睇錯，係有海鮮！仲要新鮮！一d都唔hea，另外最抵讚係豬腸，估唔到用黎韓燒係咁好食！最後飲埋款新野飲，完美的一晚…查看更多

今日lunch time，間間餐廳都好多人，由於時間有限，唯有入呢間餐廳碰碰運氣。點知有位，咁就即刻入去就坐。Set lunch可以韓燒，又可以點石頭窩飯，又可以點客飯套餐。前菜小食都幾多選擇，如果唔啱都可以要求職員換其他小食，值得一鑽。飲品係銀菊露，唔太甜，幾好。同事點了雞肉客飯套餐，賣相比我感覺一般般。同事點了牛肉石頭窩飯，都幾大碗，賣相可以。我就點了海鮮石頭窩飯，海鮮配料都幾多。再拌上韓式辣醬，不錯。而另一位同事就點了牛仔骨午巿燒烤套餐，不用自己燒，職員可代勞。結帳前，職員比每位食客飯後甜品，就係雪糕糯米糍。…查看更多

今日lunch time 落街搵位食lunch，同事都已經好準時（12:45）落街搵位，但唔知攪乜鬼間間餐廳都full曬！我地左行右行，快快步咁終於搵到一間有位。真係好彩行快步咋，如果唔係又full埋，真係唔知食乜好Set lunch有得揀燒同埋客飯，佢仲有石鍋飯，魚生飯。。。都幾多嘢揀。時間關係大家冇嗌燒嘢食，只係選擇咗以下嘅set lunch。自選前菜三款 - 薯仔，菠菜，泡菜。雞肉客飯 - 賣相同味道牛肉石鍋飯 - 都OK海鮮石鍋飯 - 都ok燒好咗嘅牛仔骨飯最後仲有雪糕糯米糍做甜品。…查看更多

大角咀原來頗多食肆，這天探望住在附近的親戚，晚上跟隨他們到附近吃韓燒，吃得很盡興～餐廳空間闊落舒適，跟其他枱相隔很多，有電視供食客觀看；抽風系統良好，吃完後，身上不會有一股油煙味。食物方面，刺身、沙律、熟食、湯水、自家制甜品、燒肉、蔬菜、各式肉類及海鮮都應有盡有。另外，飲品亦很多選擇，除了一般的汽水、茶類外，還有啤酒及清熱飲品。甫坐下，已經非常肚餓，當然先吃點前菜，韓式前菜豐富，有泡菜、海帶、豆芽菜、麻油醃菜、開胃，味道韓式。另外還有壽司、刺身及熟食，吃著吃著等燒物熟透吧。不得不提，這個蛋卷十分出色。一層又一層的蛋組成，味道帶點甜甜的，中間還夾著蟹柳及粟米粒粒，絕對是心機之作，每次一出爐，都很受歡迎，熱騰騰的蛋，不消一會已經俾人夾清光了。牛肉肉香，不會太多肥肉；雞排很入味，而且肉質嫩滑。另外，海鮮方面，有最愛的多春魚、三文魚、魚柳、貝殼類等等，真的吃不完。最值得讚的就是有張跟爐一樣大小的圓形牛油紙，每次烤到紙變黑了，就只需要跟店員要求更換，去過那麼多間韓燒，這是第一次見識到，很方便快捷，店員不用每次替換整個重重的鐵爐，而且鐵爐上的焦較難清理，這樣一來亦更省水及人力。整體感覺不錯，難怪親戚極力推介，食物新鮮，質素頗高，而且毫不馬虎，加上這個價錢真的很划算，不用二百元已經吃到如此豐富的美食，偶然約三五知己，一起過來大吃大喝也挺不錯。…查看更多

其實香港有很多有韓燒的餐廳，但是最深得我跟朋友心的，就是這家位於大角咀的大同韓燒。這裏無論是即食的食物，還是要燒的食物，種類都非常多！食量少的朋友可能每款吃不到一件就已經飽了因為肚餓的關係，我和友人先拿一些即食的食物。咖哩魚蛋、炸龍蝦丸都彈牙，不錯喔！厚燒玉子是必定要吃的，蛋味夠又多湯汁，正 三文魚刺身是現切的，質感嫩滑。 這兩款每次出貨都只有一碟，所以要密切留意！然後我們終於開始烤肉！豬牛羊雞鴨海鮮蔬菜一應俱全，無論多偏食都會找到自己愛吃的~烤牛仔骨雖然較費時，但是牛味充足又多肉汁是，經得起時間的考驗！跟朋友一起努力燒，燒好一整碟肉慢慢吃才是最高的享受燒金沙骨的難度真的很高呢！所以我們燒了很多腩肉因為容易，又有特別的食法。特別的食法就是用一片生菜放上兩片腩肉，再加醬汁包著一起吃！生菜爽脆肉又香，大家都可以試試這種吃法！一類我很喜愛的肉類就是汁燒牛肉 基本上放一大坨進鍋中炒就可以吃~ 又惹味又多汁！ 這邊的其中一個優點就是他們醃肉醃得很入味~ 所有肉類都包好吃肉，肉，全部都係肉！這不正是食肉獸的天堂嗎？雖然不斷地吃肉，但是我沒有忘記這裏還有一個非常豐富的甜品櫃。例牌的杯裝雪糕當然有，但我認為最值得吃的是紅茶凍和桂花凍，兩者都不會太甜，又可以消消熱氣~雖然這裏附近沒有地鐵，走過去需要一點時間，但是只需要168一位，質素又高，絕對值得來~…查看更多

琴日同 honey 奧海城睇戲, 之後佢話大角咀多野食d, 所以落去睇下, 好過留奧海城商場食, 人多又貴!行行下發現呢間韓燒, 個門面幾吸引, 見佢又有位, 仲幾大間, 而且我兩都係食肉獸, 所以就入去試試!坐低見到張油紙, 我第一次見咋, 用呢塊紙燒, 不單止免左不停加油, d油燒緊時仲吾會彈上黎呢度既選擇吾算好多, 但排列得好整齊乾淨, 醬料果個位仲好有家的親切感!刺身要 ORDER 先會上, 甘樣又比切好放出來新鮮, 唯然吾算好大片, 但都很肥美!熟食既玉子蛋入面有粟米蟹柳, 仲要係熱既, 好有誠意!飲品, 甜品都有好幾款選擇, 推介芒果布甸, 吾太甜又重芒果味!…查看更多

今日午餐揀左想食韓國野，揀左大同，發現竟然轉左餐牌，除了韓國，竟多左日本料理🤣⋯⋯今日個人喜好唔揀韓燒，揀左熱食。點餐之後，好快就送上各款韓式前菜一個人三碟，唔同既款式鋪滿台☺️偏好薯仔，入味濃郁而口感好泡菜就典型的港式口味，不太酸但稍辣前菜之後就直接上湯，係紅羅白湯（仲有幾隻蜆，都算足料。個人覺得佢個麥茶幾好味，甘甜幾香揀左牛肋骨煲，放係台仲係到滾滾滾，侍應姨姨好貼心咁提醒小心熱😆👍🏻一煲入面好多肉，份量算多肉，薯仔同牛都好夠味，唔會硬又唔太”un”，keep 到水準（點餐個陣多口問左句點解會做埋日式，老闆娘（？）解釋轉左個日本廚師😂😂😂刺身飯不過不失，感覺上覺得佢既韓國料理好食啲⋯⋯ 環境不錯，侍應姨姨幾暖心🤣🤣…查看更多