影片
呢排又返返嚟金钟中环湾仔呢一边揾食啦，咁我lunch时间呢喺湾仔会议展览中心呢一头其实都有好多人会出去食饭嘅，尤其是11:30至到1:30呢个时间呢基本上每一间餐厅都系爆晒棚，咁呢我哋今次就嚟咗呢一间喺APA再行过少少嘅位置啦嘅呢一间餐厅。咁我哋五六个同事就去咗呢一间餐厅度都算叫做最快啦，所以就试咗呢一间，食越南嘢嘅餐厅，其中一位同事呢都有喺呢头揾食嘅，咁佢就话呢一间嘅炭烧猪颈肉同埋炭烧鸡呢都系非常好味嘅。所以我哋都试咗呢一个炭烧鸡，唔该晒唔错嘅，咁因为佢人流方便都几多啦，应该都系即叫即整嘅，就算整好咗都唔会放得太耐所以呢个价钱同埋呢个时间算系几好㗎啦！
继续阅读
第一次食湾仔店系同事带我去食lunch，虽然觉得有些少隔涉，又离公司颇远，但行远啲绝对值得。好多嘢都有水准，之后成日去。火车头，生牛河，香茅猪扒饭，小食拼盘，咖喱牛腩饭。试过嘅嘢食唔多，因为有样经常食嘅，要特别推介炭烧香茅鸡扒，真系好鬼好食，冇乜地方可以匹敌👍🏻
继续阅读
喺湾仔兰杜街8号环境就普通嘅，空间不大位置不多，条路就正常啦，下午茶好好食，2:30pm平得来又大份鸡肉捞檬粉（鸡肉好好食，酱汁咸甜味适中）埋单五十几计埋冻饮当60啦，咁都几抵嘅！
继续阅读
因为赶住返公司做嘢，所以简简单单食咗碗牛肉捞檬印象中平时晏昼都好多人排队，因为今日食晏，2:30后冇乜人排队，所以就去咗呢一间度食啦之后我哋点咗一个越南扎肉捞檬，食落不过不失，份量就大大份，因为我食嘅系下午茶我觉得性价比都几高
继续阅读
一个月都会去几次帮衬，佢哋嘅檬粉、生牛肉汤河，或者香茅鸡扒猪扒都好好食！但过往几次只会见到一两只细小嘅飞行动物，大乌蝇！觉得好呕心！坐落座位之后，觉得有嘢咬，即刻喷咗蚊怕水。无奈已经叫咗食物，就尽快食完！买单时向侍应反映乌蝇问题，但完全冇反应，继续收钱。以前间唔中都会见到一个学生仔，好似系老板，但呢几次都见唔到，系咪已经易手呢？侍应咁嘅反应，是否鼓励我去报食环署？ 或者简单啲嚟讲，一年半载唔好再帮衬，直至又一结业！所以唔好话香港人唔撑本地食肆，真心撑都要值得撑先得！
继续阅读