影片
今日lunch揾野食，开openrice发现附近有间越南野，见到食评唔错就试试佢。我叫左个大叻鲜茄牛坑腩河粉。外卖十几分钟就送到👍🏻，个汤好浓配河粉真系一流，牛坑腩炆得好淋好入味，红萝白都好入味，份量刚刚好，最后成个汤底饮晒😋
继续阅读
咁啱系大角咀附近又肚饿，见依间大叻望落几地道唔系连锁野，一于试下舖面无咩特别装修，正正常常，但油烟极大，可能因为有部分厨房系连住舖面既缘故有心理准备好啲餐厅都系典型越南野，汤河、捞檬、春卷、炒野等等，望落啲图都唔错，汤河仲有套餐跟野饮小食，抵落单阿姐既态度好似我被佢捉到偷野咁㖞，串到，系咪求佢先有得食，已经唔系话有无多谢、请个啲，叫野饮佢听错之后西个面唔出声去打单咩料餐厅名都叫越南牛肉粉当然要试下生熟牛肉河，生熟程度做得ok，肉质鲜嫩而有肉汁个汤有惊喜既，味浓带甜，汤入面都有牛味，另上一啲青柠、辣椒、芽菜、香茅，非常足够既风味成碗牛肉粉几不错另一碗食左佢既札肉，出奇地好味，几有特式既味道，唔系得个咸字送既春卷食落够脆，但粉较厚，料炒得唔错，萝卜为主，味道ok成餐味道ok，比想像中出色但店员态度差到荒谬，放低食物一句野都无讲又唔小心，埋单连几钱都唔讲keep住西面#大叻越南西面粉#晒左大厨既厨艺#几好食都唔会再黎
继续阅读
大角咀又系一个食店林立既地方好多唔起眼既食店都系好好食咁啱有朋友带路，入左呢间本来唔知系越菜既餐厅一入到去，佢就推介我食饭其实，我不喜欢饭的不过店舖充满住碳烧既香味于是，我叫左碳烧鸡扒饭，佢叫左碳烧猪颈肉饭无期待反变有惊喜鸡扒肉质完全唔dry唔柴，反而好多汁好香，皮脆肉嫩猪颈肉一样好juicy，腌料都好香蘸埋佢个酱汁 (有啲似泰式青辣汁)，好野味~不过就得一碟仔个饭面有啲特别既酱料，同啲𩠌好夹显得好食之余，令你会觉得唔够饭~午餐仲包多杯饮品 抵!推介: /5
继续阅读
今日同朋友黎呢间越南野食lunch, 我一向中意食越南粉既，所以就叫左个生牛肉越南粉。个汤底唔错，但九层塔可以再多d就好了～而个牛肉我觉得有d ‘un’ 整体黎讲呢个价位算系唔错架啦。
继续阅读
天气越来越热，真系唔想再食D热腾腾既嘢，突然间想食捞檬降下温。谂起大角咀有间大叻既越南菜就决定食佢做晚餐。一入门口，揾到个位坐低就叫咗个猪颈肉捞檬，因为佢唔系晚餐set，我另外叫咗一杯冻柠水。捞檬D配菜都几多，有靑瓜， 红萝卜丝， 花生粒等等，加上佢哋既捞檬汁，酸酸甜甜，几开胃。猪颈肉系炭烧，好香口，肉质都好弹口，唔错。 食完完全唔记得咗影相。冻柠水，不过不失， 一般茶餐厅水准。下次会试下佢个炭烧猪颈肉饭。
继续阅读