影片
以上资料只供参考，请与餐厅确认详情
-
网上订座服务暂停
同朋友们庆祝生日，去咗响山林道一间私房菜食生日饭。店舖应该唔细，但见佢将一半店围封，可能生意唔系话太好，费事开全场挂。我哋点咗下面嘅菜式，好坏参半，大多问题系出于太咸，讲真佢啲菜式系唔错，但当日厨师似乎重手咗。1. 金银菜炖猪肺汤，个汤好饮朋友们觉得佢味道太浓，但我特别喜欢，至少唔系只有咸味，菜干好好味，猪肺都好干净；2. 冰镇南非鲍鱼望落去白雪雪咁，但估唔到好入味，而且唔韧，呢个可以系必点；3. 怀旧炸大肠以一个都几钟意食大肠嘅人，都觉得太肥，有部份系肥到完全入唔到口，望到都怕怕。唔肥果啲味道都OK，如果全部都唔系就好；4. 脆皮芝麻鸡半只作为一个鸡虫嘅我，竟然顶唔顺佢只鸡实在太咸，咸嘅程度足以洗肾，明明只鸡好滑，真系嘥咗只鸡；5. 椒盐鲜鱿味道不过不失，外皮够薄，但系份量就真系少咗啲，上菜时我都忍唔住讲左佢「乜咁少嘅？」，成旧几水我觉得唔太值；6. XO酱西兰花炒双蚌最正常嘅一个菜式，亦系少有唔系太咸嘅菜式，但份量同样唔算太多，又系要成旧几水我觉得都唔系太值；7. 金银蛋浸时蔬估唔到佢个咸蛋黄仲咸过蛋白，完全浪费咗呢道菜，佢个咸蛋黄食完又系要洗肾；8. 豉椒炒蛏子煎米粉底佢个炒米粉底好脆，点上佢个汁系唔错，蛏子洗得好干净，唔会食到一口沙，但价钱唔平；9. 小食鱿鱼 小小一碟，因为我迟嚟冇影到相，初时我仲以为系浸湿咗嘅纸巾，但反而佢呢个小食嘅味道系唔错；10. 菠萝咕噜肉本来系叫冰震版本，最后搞错咗嚟咗个普通版，经修正后原来只系将啲咕噜肉到落啲冰度。味道系正常嘅，但比起牛奶冰室嘅咕噜肉，都仲争咁啲；11. 煎堆仔成晚最好食嘅反而系呢只煎堆仔，够脆又够热，亦唔太甜，呢个反而真系喜出望外。其实佢嘅菜式系好好，可能我哋唔好彩，撞啱师傅突然重手咗，占一半嘅菜式都有过咸嘅问题，如果有下次，真系要事先讲一声唔好咁咸。
继续阅读
鱿鱼 $35传统老港味道的鱿鱼 作为前菜 份量不少而且很入味 吃不够小炒王 $118有很多的配菜 鲜鱿鱼 小鱼干 虾干 腰果韭菜 还有最重要带出鲜香味辣的 菜铺 超级下饭很出色嘅小炒王鬼马虾滑拼墨鱼滑＄98菜单上是单点 作为吃货 咩都想食但两个人吃饭吃不了 唯有询问老板娘能否双拼老板娘好易话为 立刻去厨房沟通XO酱炒西兰花双蚌$148 味道很好豆沙煎堆仔 是作为饭后甜点送的新鲜炸起完全冇㶶 金黄色香味俱全啱晒唔钟意太甜嘅朋友 烟韧 口感香脆豆腐鱼腩煲 色香味俱全
继续阅读
.大丛海鲜火锅呢间餐厅环境好嘈😭😭😭😭😭😭但系如果你系想同一班朋友去松松下 咁其实都几适合？！因为大家都可以大大声讲野…😅不过食物嘅质素真系有待改进 唔可以话超级难食 但系俾得呢个价钱我对佢期望更加高😭.🐷咸蛋黄鲜鱿佢哋个咸蛋黄鲜鱿粒粒肥美 但系煮得太过😂 完全无弹牙感觉 整体口感软得滞啦 同埋好似过于咸 😿.🐷豉油王炒面呢个豉油王炒面面条 软烂 完全无咬口 加上佢哋用咗太多豉油😂 整个味道咸到爆表.🐷瑶柱蛋白炒饭呢个炒饭正正常常都叫咗粒粒分明嘅 .大丛海鲜火锅📍尖沙咀山林道4-4A号恒贸商业中心1楼
继续阅读
由于地点靠近佐敦地铁站,交通方便, 今晚应该是第四次与朋友来晚餐。这里上菜时间合适, 不会有赶时间的感觉,而食物仍保持一贯水准,每次必食胡椒猪肚包鸡汤, 一大窝浓白鸡汤,足够每人两碗。蒜蓉虾肠粉,芝蔴鸡,酸菜鱼,冰梅骨....之前亦试过虾多士拼咕噜肉, 椒盐鲍鱼。食物好美味,材料足,厨师用心制作, 侍应姐姐亦服务好。美酒美食,畅谈往事,近况, 与朋友共渡开心晚上。看看餐牌仍有许多特色菜式,下次必会再与朋友试试其他菜式啊！
继续阅读
初七开年同事带食好嘢，尖沙咀食街中其中一间楼上小餐厅先黎头盘系汤: 杏汁花胶猪肺汤杏汁、花胶和猪肺为主要材料，加埋大白菜，初头睇见到大大块米色以为系白菜，原来系大大块鱼肚/（花胶？唔识分）总之大大盘好足料，汤渣都吓一跳，啲端士山区肺同鱼肚大块到吓亲，啲汤啖啖都饮到杏仁碎，丰富营养价值。不过我本人唔中意滑潺潺嘅嘢..所以静系饮左三碗汤😂味道：👅👅👅👅🫥一开始就黎料唔记影相。第二道黎嘅系蒜蓉蒸开边虾肠粉底以蒜蓉蒸虾蒸肠粉作为底部。就好似蟹粥咁，啲肠粉吸晒啲虾蒜嘅味，不二之选。呢道𩠌要提早订，我估系要订定啲肠粉，精华👍味道：👅👅👅👅👅第三样虾多士拼咕噜肉重点就系啲虾多，一啖一块嘅size，多士中间酿一啖虾滑，一啖脆卜卜多士一啖虾滑，静系挂住食多士冇食咕噜肉味道：👅👅👅👅👅（俾虾多士）再黎系酸菜鱼班腩，酸辣口味一流，汤汁好辣，有啲似潭仔五小辣，班腩鱼啖啖肉..非常厚肉地，起晒骨完全唔怕，酸菜好好味，唔觉系酸菜似甜菜，中和返啲辣，酸菜有惊喜。败笔系自己冇叫白饭味道：👅👅👅👅🫥第五系东江豆腐煲豆腐配返酸菜鱼啲汤味道升华左😂已经好饱同埋冇食鲮鱼球，静系食豆腐，豆腐够晒滑，夹落去又唔会烂晒味道：👅👅👅🫥🫥第六样系咸蛋黄鲜鱿咸蛋黄嘅香味包住鲜鱿嘅口感但唔韧好好咬，衰在又系冇叫白饭，少少咸。味道：👅👅👅👅🫥啫啫芥兰煲，金银蛋浸时蔬 上枱𠮶时因为已经饱左同埋到左吹水时间，变左只有相机食，自己食唔落豉油王炒面 可能系面种嘅关系..炒上碟见佢系黄唔系闪令令或者系少油炒挂瑶柱蛋白炒饭 粒粒米均衡就基本嘢同样唔系油淋淋最后煎堆仔做甜品 外脆内软得黎唔甜，所以食饱左我都食到两粒🖖🏻环境细啲，眼见三间间房大厅再黎六七张枱左右，听讲开瓶费唔理你带几多酒，系咁e收五十蚊，带其他饮品佢都系当睇唔到，当日可能人多又或者佢想俾时间你倾计，上𩠌稍为慢抵食指数一百分..因为老细请唔洗自己俾都唔知几多钱🤣
继续阅读
您可能会有兴趣的...