影片
港铁观塘站 B2 出口, 步行约4分钟
继续阅读
营业时间
星期一至日
11:00 - 23:45
公众假期
11:00 - 23:45
公众假期前夕
11:00 - 23:45
以上资料只供参考，请与餐厅确认详情
招牌菜
6月尾既时候 一家大细去左食自助餐 刺身系靓既 好食新鲜 熟食呢味道系唔错但可能真系因为做自助餐 D野食整好左摊晒系到晒住 结果食落去变左又干又柴 系物款式唔够多相比起佢社交平台page写出黎既真系较少款花胶好腥… 同埋得个汁系热 花胶系冻… 冬菇都只系暖… 个汁太多生粉… 3百几一位 比我拣多次 我会选择出去食放题
继续阅读
一行8人想食个生日饭，朋友介绍下去咗呢间大厨料理食私房菜，连茶芥加一人头$500多啲。坐低冇耐就冷气机滴水，滴正系我顶帽到，简单嘢坐过啲就解决到，不过之后提咗几次上菜位滴水都硬系要系滴水位上菜🤷♂️人齐上菜。第一碟 - 鹅肝煎豆腐、蟹皇酱配法包。我个鹅肝正常但煎得唔太够香，蟹皇法包普通。屋企人食食下件鹅肝叫我哋［好声呀］我谂佢哋可能见里面生生哋，叫我哋留意下，中意食鹅肝嘅我就冇乜为意；之后老婆叫我食埋阿囡件鹅肝，一咬之下，我感觉被成千上万嘅死鱼重重包围我嘅味蕾，腥到癫！我终于明白屋企人系话件鹅肝［好腥呀］，唔系叫我［好声呀］！第2碟 - 炸松叶蟹钳配柚子杂果沙律。味道同去饮嘅炸蟹蚶相约，沙律系生果加沙律酱。我食到个蟹蚶中间，突然咬到啲硬嘢，原来个蟹蚶连壳藏咗系旧肉里面，好在啲牙够硬净，比较之后嘅𩠌亦好小事。跟住第3第4度菜不过不失就唔多讲。直接讲上弦级数嘅第5碟 - 蚝皇南非28头干鲍扣澳洲海参鹅掌/花菇。鹅掌花菇系2拣1，我哋要4个鹅掌4个花菇，上菜时竟然系鹅掌花菇有齐，真正被抽走嘅系海参。能够将扭蛋概念用于系私房菜上，呢条桥食神都未必谂到。不过之后有换返条海参俾我哋就算啦，但条海参好似冇乜洗冇乜刷过咁样，个面铺住一层白色嘢带有粒粒，唤醒咗我底子里嘅密集恐惧。只干饱个鲍边就好似饱历沧桑咁，望住佢化化哋嘅鲍边，我以为自己食到散光。只鲍鱼就如临煮前中咗化骨绵掌，啲毒未入晒去而外围就化化哋，里面实如擦胶，可见师傅内功深厚。之后乳鸽部分太咸；虾干啫啫通菜煲又反而甜多过咸，最后一个海鲜泡饭已经食到冇晒求生欲望。讲咁多经点解当时唔投诉呢？其实啲𩠌未上晒我都惊俾人加料，食完埋单我有投诉，个收银姐姐话应该食𠮶时同佢讲，但每上一道菜投诉一次嘅话，相信都系觉得我玩嘢。整体嚟讲十分难食。呢一餐饭嘅所有嘢都完全癫覆我对私房菜嘅认知，刷新咗我对私房菜嘅三观，人生第一次啲𩠌未齐就想走人。
继续阅读
睇Open Rice见呢间私房菜评分唔错，特意订台庆祝老公生日，约左星期六食午市。之前一个礼拜会有同事打黎同你确认时间，同预先落order。𠮶日中午去到餐厅第一下有点愕然，因为一个客都无，我仲以为睇错营业时间，照理一般星期六日餐厅都应该几多人。接待的阿姐我只可以形容为颇为「慢热」。第一嘢入去餐厅，佢只系望住我同我老公，乜嘢欢迎说话都无。同佢讲我订左台啊姓X,佢先话「坐啦」咁啰。我订左2位午市「厨师发办」套餐，先上黎既几道小食都很开胃，之后既主餐都很有诚意，就是上菜时间很长。成间餐厅得我同老公2个人，但差唔多食左2个钟（唔系我坐得耐，系等嘢食到）最搞笑既系，唔知系咪D员工都肚饿，加上我地个餐出餐好慢，食到中途全餐厅职员一起系隔离台开台食员工餐，连大厨Steven都一齐食😂，个观感有点奇怪。如果你纯粹黎食野，咁无乜嘢既。但叫得做「私房菜」，人均消费都唔平，我又觉得咁既餐厅氛围有D儿戏太casual，呢个系我个人睇法。之后有特别日子都会去酒店，唔黎呢度lu。
继续阅读
经开观塘揾下附近有咩好野食，比我发现左呢间隐蔽既午市自助餐，睇个名都知，呢间餐厅以大厨料理闻名😜只需要在菜单上点一个其中一个餐便可以享受午市自助餐🔥是日最喜欢的菜必定是鲜茄大虎虾配西班牙黑豚咕噜肉😊这道菜的明星是虎虾，非常新鲜，肉质细嫩多汁，令人回味无穷💯搭配上西班牙黑豚咕噜肉则是一大额外惊喜，这些咕噜肉煮烤得刚好，口感嫩滑、外皮松脆😋蟹柳蕃茄仔沙律亦是非常新鲜，蟹肉入口甜甜的，而番茄也非常爽口。配上恰到好处的芝麻酱汁，是非常健康而爽口的前菜😚干烧伊面是「大厨料理」自助餐的其中一款菜式，加上杂菜之后又可以变成一个主菜🤣好味指数：8/10 性价比指数：7/10 餐厅名称：大厨料理 餐厅地址：观塘成业街15-17号成运工业大厦1楼15室 电话：90825588
继续阅读
⭐️大厨料理📍位于：观塘成业街15-17号成运工业大厦1楼15室朋友补祝我食生日饭，订左依间私房菜，日本象拔蚌配环球海胆刺身（七人份量）象拔蚌好鲜甜好爽口，海胆好新鲜挪威长脚蟹三食：1）清蒸蟹脚冻食2）米香避风塘蟹身3）蟹膏蟹肉茶碗蒸三款唔同味道嘅蟹，份量啱啱好X0酱煎焗东星班鱼肉嫩滑鲜甜羊肚菌水鸭响螺花胶汤 （$98）个汤套餐冇嘅另外要加，劲足料，汤好入味好甜脆皮百花鸡佢鸡肉入边系有虾滑，好特别豆浆浸菜苗用豆浆做汁劲特别，清清地好好味🤤脆米瑶柱龙虾海鲜泡饭呢个泡饭都冇得输，仲要我最钟意食干瑶柱，份量真系啱啱好另外佢有几款甜品可以拣，我就拣咗朱古力心太软，即时整热辣辣，甜度啱啱好😋
继续阅读