大卡司 (已結業)

咁岩行街經過，見到佢寫住有買一送一優惠，所以就諗住試試佢。一開始以為係送返同一款飲品，但原來係可以揀其他野飲。😚金桔檸檬蜜幾好飲，飲完會想下次再叫黎飲個種。香橙多多都唔錯，但可能因為我叫左全糖，所以就有少少偏甜，不過都係可接受既範圍。

原來香港都有呢一間飲品店。好多年前喺大陸飲過奶蓋，今日就試吓其他啦。最後買咗仙草奶茶，半糖。奶茶味幾香，仙草偏甜，同埋比較淋 。$21大大杯，幾抵飲。下次試下其他先。

大卡司係大陸其實有好多，仲好平，去到香港都尚可接受（當然平就梗係好，我地呢d珍迷）🙏🏼。係大陸好係只係飲過吾知一次定兩次，我記得係太甜。但今日係香港就好想飲。我千挑萬選（其實中意黎黎去去都係個d😋）又係想飲綠茶！要左清茶芝士（即茉莉綠茶）我就梗要加我最愛的珍珠了。等左陣，就到，夠大杯夠份量，正！咁我通常會即刻試試個芝士奶蓋先既，先試個味吾好比其他野影響到嘛是最緊要。佢係好好好好好濃同好好好好好奶好稠的。我真係未飲過一間咁稠，係好足料，用左好多芝士先會整到既。飲落味道都ok。你知吾知佢係稠到我飲都有困難，係差吾多塞住支筒，冇誇張到的，是真的！佢咁足料，用心做，我係真係超欣賞，因為而家好多都係良莠不齊！不過我覺得佢真係可以稍稍稀番點，咁方便飲到d。但呢個真材實料的用心要一直保住！個茉莉綠茶同珍珠都一般。茶味吾夠出，兩種茶味都吾太出。茶都係要濃、香、有茶味的。呢個標準講完又講，最簡單但最難做。但呢個係最基本的。茉莉綠茶，顧名思義，要有綠茶又要有茉莉茶的味，才是完美配合的。我成日覺得呢兩者係可以相得益彰的，因為綠茶本身係清茶，開胃。茉莉又清雅脫俗，舒適宜人。所以舒適+清新=完美。個珍珠都係個句

上次飲過登打士街分店珍珠奶茶，一般，太甜。今次屋企人經過想飲，決定再俾次機會。其實唔使擠朱古力星星😅呢間用白珍珠，飲落有濃濃抹茶味。不過可能搞拌時令抹茶粉痴左去啲珍珠度，所以好多粒珍珠都有抹茶粉味。服務員對每個客人都好細心提醒要搞拌多啲先好飲，服務搭夠

每次行街經過啲台式飲品店煮會忍唔住想買返杯，而旺角真係有好多選擇，單單係旺角中心已經有成5，6間俾你揀。 “大卡司”係香港都好似已經開左好耐，從來都無飲過，見佢都有出芝士奶蓋系列，就試下先。今次叫左芝士奶蓋烏龍茶($24)，茶味都好香濃，重點係芝士都好有咸香味，真係估佢唔到，而且價錢仲好合理。如果想止下芝士奶蓋癮，大卡司係唔錯嘅選擇。另外，裝作時間都好快，由落單都拎得都只係等左10分鐘左右👍🏻值得再飲！

大卡司呢間大陸名牌居然已經殺到過嚟香港喇,哇哈哈~~~因為喺東門飲係超平同埋都算好味,性價比非常之高所以其實我每個月上去都會幫襯一下~但係香港首間店舖開咗喺登打士街嗰頭(好景商場對面),排隊嘅人實在太多,條街又唔係濶...多人到痴哂線...我係完全唔會有意欲想喺呢間度買囉 同阿肥食完晚飯,我呢個旺中常客又逛咗上嚟,見到呢間大卡司嘅新店已經開咗幕喇仲要冇乜人等添!食飽飯又心郁郁想有啲甜嘢過吓口癮,又聊咗阿肥一齊買杯嘢飲吓。冇人排隊真係好,等都唔洗等,呢頭俾完錢,嗰頭佢哋沖好就有得飲喇yeah～ 黑糖珠珠厚奶$28蚊：冇錯!!!我又試黑糖!!!我又試珠珠厚奶!!!再咁試落去......試遍香港所有牌子...唔知朋友們仲認唔認得我...唔知我洗唔洗買過哂啲XXXL嘅衫...oh my god~不過老實說,呢杯係我暫時喺香港唯一一杯飲過嘅黑糖珍珠厚奶,本身嘅頂層已經有芝士奶蓋wow!!!奶蓋上面仲唧咗粒星星鬼咁靚添,成杯嘢超多黑糖,所以都幾甜吓,珍珠都係正常嘢~有煮過,唔會好硬唔好食。對我嚟講呢間呢杯就略為偏甜喇所以我下次應該會試其他口味lu...... 鮮芒果芝士$30蚊：冇錯!!!阿肥又係

大卡司係香港總共有3間分店，而我飲開登打士街分店水準大不如前，唔知關唔關多人排嘅關係。 最近旺中新開左分店。於是決定比多次機會新開旺中新店！可能未有太多人知道嘅關係，野飲等左大概5分鐘就拎到手喇！黑糖珍珠奶茶 $21呢個價錢同質素相對其他台飲已經超卓！價錢平，又唔洗排隊。黑糖味係我飲過最濃、茶香有、奶茶順滑溜口嘅感覺得呢間俾到我，仲有好QQ嘅珍珠煙韌真係做到囉！大杯都係$24 ！真心平絕成個旺角。我仲發現左佢地係用維記全脂鮮奶作基底