影片
以上资料只供参考，请与餐厅确认详情
态度好有问题 唔会再帮衬叫左小窝米线写明有雪菜韭菜芽菜猪肉肥牛猪肚云吞 拎左食左两啖发现无雪菜韭菜芽菜 就拎去问佢 佢就咁黑面话今日无哂就唔理我 无道歉 无一早讲明呢3样系呢个米线包概𩠌 唔系汤底 （我食过好多次佢其他米线本身个汤底系无呢几样既 我都系因为好想食雪菜芽菜先叫）就好似你叫5𩠌面 其中两样系雪菜同芽菜 佢无哂 唔讲 直接收左钱然后话无哂 唔make sense如果你话我知唔好意思今日无哂头先唔记得讲 我ok 但你咁样真系唔得 好失望 唔会再食
继续阅读
潺潺人流中，突然闻到阵阵饭菜香，走进了「木马工房」，一次过试晒几款人气菜式。首先点咗个大胜猪扒面，猪扒真系又大又厚，肉嘅质感十足，面条劲弹牙，汤底带点酸酸地，真系激发出食欲。再点个香煎肉饼，佢只肉饼外皮煎得脆卜卜，咬落去弹牙得嚟多肉汁，酱汁混咗煎蛋，流心蛋黄一混，捞饭真系一流。而𠮶重庆一口云吞，真系辣得嚟重麻重香，好满足！最后杯冻蜂蜜百香果茶，清新得嚟消暑，一饮而尽。整体嚟讲，呢度嘅食物真系够晒实在，都会想再黎几转，试吓其他嘅好料。🍽️😊👌
继续阅读
老公拍板，今次佢拣左呢间大胜猪排清汤腩（九龙湾名物）外卖，个名就好似好劲，食过先知。的确，一打开既感觉系，好大份😂😂😂，老公点左个大胜猪扒煎蛋饭（64蚊），带两大块烤猪扒同一只煎蛋，有少少鼓油伴饭，如果有埋少少葱花就更理想，不过唔紧要，胜在猪排真系炸得好松软，而肉质又保持到嫩滑，加上少少鼓油配埋个煎蛋送饭真系一流。我就叫左个香煎鸡排米线配酸辣汤（56蚊），鸡排切件完都有成8大块，鸡排两边煎得金黄，唔会过火，鸡扒一d都唔会鞋口，重好嫩滑，唔会有雪藏味，但个汤就比较失色少少，虽然佢有大量既酸菜，但欠缺左辣味，呢样扣左少少分，但整体黎讲好算满意收货，可以回头帮衬既。
继续阅读
得宝熟食中心翻新后，周不时都会去试下。有次食左一间餐厅叫「大胜猪扒清汤腩 」，因为佢个餐厅名都用猪扒同清汤腩命名，咁我谂应该几好食，所以就叫左一客咖哩猪扒煎蛋饭食。等左十分钟左右，终于有得拎了！咖哩猪扒煎蛋饭 （$52 连冻柠茶)猪扒连骨非常厚肉，睇起黎好似锯扒咁，猪扒本身有调过味，咬落去都算多汁，配上港式咖哩同煎蛋，令口感更加丰富。咖哩汁的辣度适中，不会太辣，整体而言好大份亦好满足，下次食应该叫少饭都足够。冻柠茶正常的好味。最后，留意到得宝呢间熟食中心所有餐厅都系用即弃餐具，如果可以转用可重用餐具就更好了，为环保出一分力！！！
继续阅读
香煎肉饼饭😇$46大胜猪扒煎蛋饭🐽$48好耐冇嚟呢个Food Court😆结果走咗入去行咗个圈😂咁啱经过呢间小店🙂有位食客拎住呢一盘劲大块嘅肉饼😙即刻引起我嘅注意🤣走埋去问店员，呢碟嘢咩名堂😌顺便叫咗一碟去试吓🙃肉饼唔算薄，真系几足料👍即叫即煎，够晒新鲜热辣辣😎味道方面就中规中矩😃但胜在加入好多葱响入面🥰之后睇到唔少人介绍佢哋嘅猪扒🤣既然响度当然要试埋啦猪扒真系好厚身，亦都好大块👍食落唔鞋口，而且好Juicy😋相比之下，我钟意猪扒多过肉饼🤓另外杯热奶茶都唔错☕️大胜猪扒清汤腩 (牛头角)牛头角牛头角道3号得宝商场地下木马工房FC01号舖
继续阅读