影片
以上资料只供参考，请与餐厅确认详情
相关文章
熟食中心内有冷气 不怕太热惟气氛非常热闹倾偈时常要repeat 两三次最喜欢当中的烧肉烧肉皮好脆 而白肉地方不会腻切得不会太大旧亦方便进食京都猪扒亦不错 酸酸甜甜大大碟 有男士在必定够食配啤酒佐食 更加开胃
继续阅读
在一个大热天时上来一试午市套餐, 大概坐7 成左右, 大利午餐套餐款式唔算多,两张纸睇晒, 我们叫了一个烧鹅濑粉同干炒排骨河, 两个同样都是28蚊, 以呢个价位只能在剩铺买外卖饭盒吧, 这里有冷气位坐, 空间感大, 虽然大多是麻甩, 不过食烟的人唔多, 反而自携罐装啤酒上来叹嘅叔父就都有几个, 烧鹅濑粉的烧鹅虽然皮已经唔脆皮但鹅香是有的惜当日是鹅上装, 肉质少嚡都属于正常, 濑粉系粗身𠮶只,口感麻麻, 汤味精唔多似滚水, 但酸梅酱一定要问才会有! 干炒骨河绝对系油光满面, 对上一辈来讲这是一个标准, 骨就是骨多肉少又是另一个标准, 芽菜系有嘅, 反而辣椒酱系跟来的但我俩不吃辣椒酱浪费了, 整体而言, 价位是无敌了,比保安道还有再下一成, 尤其是对长辈来讲这里才是合理嘅价位! 不过味道同质量不能有太高期望始终那是会直接反映到食物上, 环境这里比茶餐厅优胜亦可能是卖点之一,
继续阅读
😀 今早甫开工时，突然有几位同事“吹鸡”，想晚上来个饭局！我便提议到上次食烧鹅的“大利”，晚上7点半收工后，一行六人乘搭港铁，在深水埗站的C2出口，步行5分钟左右便已到场！埋位后，先来半只烧鹅，皮脆肉滑，保持水准！跟著整碟白灼鹅肠，拌上芽菜来同食颇为爽口！有同事一口气，点咗几个小菜：腰果炒鸡丁、蒜茸白菜仔及煎蚝饼，全部都OK！尤其是蚝饼，煎得香脆又足料，不过要趁热食才好味！反而后来的豉椒炒蚬及沙拉骨，可能落调味粉较重，食剩咗颇多！最后的扬州炒饭都几大碟！师父炒的手势很好，唔系太多“剩油”！估计全晚众人“队咗”约10支生力左右！埋单计数：$775。大利有个较好的习惯 - 通常都唔收零头，最后以$770成交！值得一赞……👍👍👍！
继续阅读
今晚要通宵开工，系深水埗找地方食完饭开工，由于大家冇乜提议，我话不如去我去开食下午饭嘅北河街街市嘅熟食档丫，于是我哋一行三人去北河街街市熟食档进发！我地午饭去开果间晚上冇开，于是试下去大利美食中心，点左一碟生炒骨，恙葱鱼云煲，芥兰炒牛肉。生炒骨大碟脆口，甜酸适中，整体香口好味。恙葱鱼云煲，鱼云份量多，爆恙同蒜好香口，好好食。芥兰炒牛肉，牛肉份量不少，芥兰爽脆，有获气。整体好有大排挡水准，抵食夹大件，获气十足！价钱合宜，晚市可以一试啊！
继续阅读
难得同娘亲撑枱脚，而佢又提议黎呢度食，咁梗系顺佢意思啦。对上一次黎呢度已经唔记得系几时了。净系记得炸大肠好好食，环境好嘈，唔干净。今日重游，桃花依旧，但食嘅系羊腩煲。呢个已经系细羊腩，但我地两口子系绝对食唔晒嘅，所以娘亲未食就要左个饭盒装走一半拎走👍妈妈永远是对的。而味道都可以，羊肉炆得好腍。竹笋只有几旧，不过一定要食👍而我地都觉得煲野咸左啲，要沟淡少少佢。之后再要左一篮杂菜。就咁简简单单一餐，埋单要$312，收银啊姐就齐头收$310。
继续阅读