影片
港铁天后站 A2 出口, 步行约1分钟
继续阅读
开饭介绍
大利清汤腩以牛腩粉面为主打,而其他清汤牛食品亦是非常受欢迎,是嗜牛人士必吃之选。
继续阅读
营业时间
星期一至日
11:00 - 23:00
以上资料只供参考，请与餐厅确认详情
食家推介
招牌菜
明星效应唔可信😩，怪不得无人排队😰，中伏了❗️原本想去隔离「华姐」，但无时间排长龙等位，心谂大利有明星效应，品质应该唔会差太远。今次真系受了教训，以后宁愿挨饿都唔要苦了肚皮。牛腩牛筋清汤腩河粉$57配料同汤头都好足够，但味道同品质差得很👎👎。牛腩无香味，肉质又柴又实，切得好大件，好难咬开，食咗一啖之后，我不其然望一望食紧嘅系牛腩定是煲完汤嘅猪肉😰，真系名不副实。牛筋偏腍，没有太大口感。汤头味道亦好淡🙈，唯一可取系河粉够幼滑。芥兰翠绿新鲜，但煮得太腍。老板娘好有礼貌，但楼面亚姐就不停用各种方法催促人走，包括好大声同等位嘅人讲边张枱食完就走。正当我同朋友夹钱埋单时，亚姐企嚟我哋中间，不停问系唔系食完，我真系忍唔住同佢讲：「我地走啦！你一阵先执枱啦！」😡😡😡永别啦！
继续阅读
天后地铁站隔离有两间清汤腩，一间叫华姐，一间叫大利，唔同嘅朋友都话两间唔系争好远，不过大利好食少少，同埋有啲特别野，所以约我去食嘅时候都系去大利。平时食清汤腩，就梗系清汤加牛腩啦。但系大利清汤腩有个招牌菜，就系咖喱牛腩捞面。咖喱香浓，唔会得个死啦，牛腩煮得够淋又入味，配捞面食啱啱好，我连个菜都点埋咖喱汁。最得意嘅嘢就系咖喱本身系橙黄色，如果任何面条掂到个咖喱汁，佢会慢慢变色，有橙黄变做深红。我相信系有啲化学原理，但系我唔知系乜，如果有人知道欢迎话俾我听，我都真系好想知。仲要介绍一下嘅就系配捞面嘅清汤，虽然我都觉得有少少味精，但系基本上都好好饮，一啖捞面一啖汤确实畅快。
继续阅读
野好食，老板娘态度好，滚面阿叔Service好，见我唔够咖喱酱主动比一碗我，但系门面打工阿姐(冇礼貌)，我讲话唔该（意思即系叫佢落单啦）佢就话讲啦，但系老板娘系态度好嘅，但系𠮶阵时根本就唔忙，我觉得嘢食好老板好，员工唔好就要炒，加上而家市道唔好，唔好留一啲衰嘅员工喺度
继续阅读
疫情由昨日开始小型爆发，今日放工后去食晚饭，食完先见到洗碗姐姐冇戴口罩洗食具，亦见到厨师冇戴口罩系厨房切牛腩。不想讲食物质素，如果唔顾及食客卫生，食物几好都冇用。以后一定唔会再去
继续阅读
第一，牛腩质素只系好一般，好多地方都有呢个质素，唔需要花50蚊食碗牛腩米。第二，碗牛腩米有飞虫，讲咗声去换，换咗返嚟碗牛腩size 细得嚟仲要湿湿碎，反映后师傅梗系唔认啦！第三，食牛腩面就不如加多13蚊食牛腩饭，起码饱肚。第四，疫情期间，间舖完全无量探热，唔觉得有保障。无质素，无服务，名店？无回头兼帮你update吓2020新食评啦PS 呢间入咗大众点评，睇嚟都系做游客生意，所以都唔志在回头客希望佢快d挨唔住啦送你一对翼嘅牛腩米
继续阅读