68
51
5
以上资料只供参考，请与餐厅确认详情
食家推介
相关文章
之前因為時間不合定打風，取消了一次生日會，於是這次碰巧來到迪士尼，就可以一併補慶祝生日。想不到原來這間大冒險家餐廳的半自助餐，都算幾抵食，雖然主菜的菜式不算特別美味，不過其他半自助餐可以取的東西，反而比起主菜更加吸引。剛好各人的興趣啱啱好可以在餐牌各試一個餐，各樣都可以試到少少。試了羊肉這個，口感輕不錯，不算太乾太鞋，帶輕微羊肉羶香。三文魚這個就顯得沒有什麼特別，基本上和家中自己煎香一片雪藏三文魚沒有太大分別。而我吃的這個咖喱雞，簡直大失所望，因為我以為會有印度式烤餅，想不到，竟然一片naan bread都沒有，只有印度咖喱用來開胃的胡椒煎餅，另外就只好下邊的印度飯；雖然咖喱味道還好，不像港式我是日式咖喱，都帶點正宗印度咖喱味道，不過底下的雞又乾又鞋，雪藏雞不在話下，完全沒有雞腿或是其他的部份，非常失望第一個菜式，可能是四個當中最差的一個。外邊的東西反而更加吸引，你看看沙律菜，有各式菜葉，然之後有意大利黑醋或是千島醬、芝士等等，另外有兩三款意大利脆脆餅乾，幼條型的反而不算太美味，反而是薄片的更加脆，而且帶點調味。有個叫素肉丸，另一個是雞翼，不過都沒有吃太多；另外這些半自助餐，當然設有水果，例如有西瓜、菠蘿以及哈密瓜等等。另外據說出邊的甜品很吸引，不過看過，好像Madeleine西餅我不嬲都唔太啱，因為它又不會有脆皮，軟綿綿，味道又欠奉；反而綠茶曲奇，其實我覺得幾唔錯，帶點脆，亦都底輕微綠茶味；我最喜愛的當然是蘋果金寶apple crumble，內裏有些提子乾，蘋果蓉輕微酸，但亦都不會調味調到太甜，另外頂上的脆脆烤到非常香脆，帶點硬身，口感一流，食完再食。我曾經覺得自助餐的飲料相當緊要，因為你飲其實都唔會飲得你幾多嘢，這兒有羅漢果、橙汁、以及芒果奶昔mango laasi ，另外還有一部咖啡機，這樣就顯得大方得體，話晒你都接近$300一位午餐。我覺得芒果奶昔，雖然可能比起人到咖哩店的冇咁濃味，不過都尚算可以接受；咖啡就偏淡，我點的拿鐵都不覺得太濃香的咖啡味道。本身以為這些迪士尼店可能很多人很易爆滿，不過現在無論本地人或是遊客，可能來到都盡量省時間，要麼就排隊，要麼就玩遊戲，因此其實都不太坐得悶，如果吃過漢堡包快餐都百幾蚊，有喜慶節目的話，來這間半自助餐其實都算挺不錯的，而且環境特別、清幽、而且不算太擠擁。
继续阅读
有冇人同我哋一樣，去迪士尼唔係玩/影相🏰係成日食食食😂大冒險家餐廳，喺樂園入面算性價比最高，半自助餐形式，中間位置係自助區，有多款沙律，雞翼，素菜，水果，甜點🧁🍰飲品🥤除咗一般咖啡檸檬茶，仲有芒果乳酪大人揀一款主菜，小朋友亦有兒童餐。食完休息吓就可以等睇煙花🎆
继续阅读
知道迪士尼樂園有buffet食， 很是好奇，看見lunch價錢合理就會忍不住進去試一試，年卡還有9折咧！ 主菜4個風格選一樣，服務員很有禮貌也很熱心為我戴上手環然後才去自助吧拿食物。我吃了2轉自助式，我的主菜才來，但都已經飽飽地，勉強把主菜吃了9成，才到外面拿甜品食。麵包條最好吃，好脫，臨走時都吃多一條。甜品都算多，太飽都試不完，麵包布丁和萍果金寶熱熱地反而最好食😋 服務員收碟也很快，臨走時也熱烈送客。
继续阅读
今日去咗迪士尼樂園玩。朝早10點幾入到去，夜晚7點先走，所以中午嗰餐就喺樂園入面食。佢哋有間’大冒險家餐廳’有semi lunch buffet 食。我哋2點左右walk in 入去仲有得食，唔洗等位直入，仲要冇限時間。成人一位$298 加一，11歲或以下嘅小朋友就一位$198加一。因為我哋有年票，所以全單八折。以semi buffet 嚟講呢個價錢係OK的👌🏻All you can eat 嘅有沙律🥗、水果🍉、雞翼、炸蝦球、麪包🍞、甜品🍮All you can drink 就有果汁🧃、汽水🥤、茶🍵同咖啡☕️。主菜係4揀一，我今次揀咗煎三文魚，鬼佬就揀咗印度牛油咖喱雞。我個煎三文魚配蕎麥麵同兩條青菜，咁嘅配搭真係第一次見，不過三文魚同蕎麥麵都好好食😋鬼佬個牛油咖喱雞配印度薄脆同印度香飯，佢話very creamy and buttery, 好好食😋甜品都有幾多選擇，主要係蛋糕多，不過味道一般。最好食嘅係apple crumble，不過都幾filling，唔食得多。鬼佬當然鐘意咖啡任飲，我就覺得果汁任飲都幾好，特別係喺樂園玩到好熱，坐低食嘢有啲refreshing 嘅飲品飲下。餐廳都幾大，冷氣又夠涼，最啱玩到又熱又攰入嚟食嘢休息下☺️唔洗去食fast food 又要等位又要快食又多人，仲要樂園內嘅fast food 都唔平💰如果你哋下次入樂園玩，又想喺樂園入面食lunch, 我哋覺得呢個semi buffet 絕對值得考慮👍🏻
继续阅读
semi-buffet黎講算中水平，主菜叫左海南雞飯同埋牛肉餡餅。呢個唔知係風味問題定係真係麻麻哋🥹我就覺得唔係咁啱食。海南雞質素一般，咁喺樂園入邊食又無話有好高期待嘅，不過不失，反而個飯軟身得黎唔會冇晒口感，好食既。沙律菜三種都一般。呢一個嘅Parma Ham，幾有質素。但係配搭嚟講就冇乜特別，只係ham話質素幾好。最後冷盤方面只係兩種，但係就兩款都有驚喜，凍蝦好彈牙爽甜，青口海水味重，明顯兩種食材都係好新鮮，雞尾酒汁值得推介，好好食，比一般食生蠔嘅汁更勝一籌。最後飲品方面最右手邊呢款芝士乳酪幾好飲。重點係口感算係稀，唔會飲到你好飽。******. 食完晚飯之後套餐仲包括迪士尼煙花表演前排位置，今日講成個package咁樣又都算不錯嘅。Btw，個煙花喺前排睇原來真係好好睇😍****** 另外餐廳嘅環境同服務就真係冇得彈，特別想稱讚吓侍應嘅服務👍
继续阅读
您可能会有兴趣的...