大公館

营业中

休息中

招牌黑毛豬叉燒超淋，唔乾，好 juicy! 佢專登燒到有少少燒焦，令到佢更加有層次有一陣碳烤味，唔會過於肥膩。櫻花煙燻溏心竹絲雞蛋 好特別既味道，應該係啫喱入面整咗一個煙燻既味道出嚟，溏心蛋煮得啱啱好，唔會過熟。潤澤素燒鵝入面有啲紅蘿蔔絲，小小香脆鮮蟲草花螺頭烏雞湯呢個湯簡直就係藝術，真係覺得好神奇，湯十分的清澈，但係有濃厚嘅雞味，亦非常之鮮甜。38頭南非吉品鮑魚扣蝦子柚皮鮑魚十分之淋，蝦子柚皮都好有驚喜，入口即溶， 連我爸爸之前對呢個食物唔好印象，都話好食。黑醋脆皮京都骨京都骨用一層薄薄嘅脆粉包住， 話就話京都骨，但係入面冇骨，可以一啖食曬， 又係肥瘦剛，好唔會嚡口嘅， 外脆內軟，煮得非常之好。薑蔥頭抽煎焗走地雞可能係成餐飯最普通嘅一度菜， 但係 只係因為其他菜色質素太高，雞好嫩滑，呢個餸整得好香，好食！漁村蝦醬海王炒飯呢個炒飯一上到枱就已經聞到佢非常之香， 粒粒飯都 爆發一個蝦醬味， 佢個蝦醬拿捏得啱啱好，唔會過鹹， 仲要好足料啖啖都有蝦肉，冬菇。甜品有兩款，分別係鮮果楊枝甘露同金箔懷舊芝麻卷， 其實兩個甜品都有懷舊嘅感覺， 總括嚟講屋企嘅老人家食得好開心， ，今次係一個套餐嚟嘅

今日跟屋企人去食飯，去左位於D2 place 樓上既一間中菜館，餐廳既菜式精緻美味，而且服務唔錯，係聚會既好選擇☺️☺️川味口水竹絲雞 ($118)🐣🐣口水汁夠香但一啲都唔辣，個竹絲雞係冷盤，已經去晒骨做成竹絲雞凍，都幾新奇同埋幾夾金甲脆魚皮 ($78)🐠🐠魚皮均勻咁沾滿左鹹蛋黃醬，上面仲有少少辣椒乾是做點綴，係邪惡又好味嘅一道菜😈😈桂花蜜糖去骨鴨腳包 ($98)佢嘅鴨腳包去咗骨之後加入啲內臟，做成一個類似金錢雞嘅效果，桂花蜜糖幾香,食落又唔會膩，係幾值得一試嘅功夫菜🦆🦆三色藜麥金沙蝦球 ($172/4件）脆卜卜嘅大蝦蝦球配上鹹蛋黃醬永遠都咁好食😚😚面頭再加左三色藜麥令到感覺健康咗好多😆😆特色脆皮京都骨（$132/4件）呢個係幾驚艷嘅一道菜，佢嘅京都骨已經去咗骨，表面脆皮有京都醬嘅味道👍👍但係食落超級鬆化，個口感似食魚多個食肉，好軟滑好好食🤩🤩脆香豆酥蒸銀雪魚球（$268)🐟🐟豆酥炸到脆卜卜，配上下面嘅銀雪魚球夠嫩滑，有多重口感，個底仲有啲蒸蛋白吸收晒所有精華添😋😋豆漿杞子鮮黑腐竹浸時蔬（$148)好香濃豆味再加腐竹同蔬菜，食完咁多嘢係時候要清一清，都幾舒服黑松露和牛砂鍋飯（$268)個黑

臨近中秋就同兩老出去食好西, 搵左屋企附近呢間大公館, 因為係D2 PLACE, 好方便!其實開左咁耐都未幫襯過, 上到黎都覺得裝修好特別, 古色古香既感覺~前菜最令我地驚喜就係柚子冰鎮鮑魚, 上菜時煙霧瀰漫, 一定令你哇哇聲!鮑魚細細隻, 一口連埋柚子肉放入口內, 鮑魚口感爽滑彈牙, 配埋柚子酸酸甜甜, 無論口感同味道都配得剛好!主菜方面, 黑毛豬叉燒都做得相當好, 醬汁濃稠, 甜味適中, 燒得少少燶所以有D脆口, 豬肉好淋滑, 相當好食~櫻花蝦瑤柱炒飯都值得推介, 櫻花蝦走過油, 非常香 , 炒飯本來不油, 味較淡, 配埋櫻花蝦真係好好食!

大公館的是高質中餐廳，推開大紅的木門，彷彿來到古時的大戶人家。佈置古色古香，枱上的小燈籠裝飾，十分別緻，坐在包廂內，私隱度高，適合一家人飯聚。清新柚子凍鮑魚 $148有乾冰冒煙效果，賣相吸引，原隻鮑魚滑溜、煙韌，鮮味迫人，和柚子醬配搭得宜，口感凹凸有致，增添額外清香，令人回味。話梅鐵棍淮山 $78淮山清爽、黏稠，淡淡話梅香，配搭新鮮，十分開胃。招牌黑毛豬叉燒 $248黑毛豬叉燒肉質爽口，肥膏位置綿彈，油香美味。入口柔軟而帶嚼勁，邊沿焦香，表面充滿蜜糖，香甜美味的感覺，滋味吸引，令人難忘。黃金沙律汁蝦球四件 $248 炸蝦球大隻，外皮金黃色，被沙律醬包裹著，爽口彈牙，清新平衡。蝦肉酸甜滑溜，茄子軟綿、粉糯，加上濃郁的燒汁，愈吃愈過癮! 脆米蒜香雞半隻 $228蒜香雞外脆內嫰，上枱時新鮮熱燙，咬開酥脆的雞皮，肉質嫩滑，豐潤多汁，加上粒粒脆米，口感豐富帶層次，十分惹味。西班牙火腿琥珀米皇浸時菜 $118上湯湯頭濃稠，金腿鮮香撲鼻，滑嫰的津白軟綿、柔順，呷一口湯汁，配上晶瑩桃膠，啖啖鮮甜，有暖笠笠感覺。狀元山楂糕四件 $60山楂糕冰涼可口，酸酸甜甜， 清爽味蕾之餘，十分消膩。

大公館👻同屋企人出去食飯揀咗間靚啲既中菜等大家都食得開心啲見到大公館啲菜式好似幾精緻又有好少見既芝麻卷即刻要試下佢😛.🔅金甲脆魚皮 HKD 78鹹蛋黃包住個魚皮魚皮夠哂脆鹹蛋黃又唔會太多太厚咁不過又夠哂味作為前菜幾唔錯🔅川味口水竹絲雞 HKD 118口水竹絲雞都係第一次食佢個口水汁唔會太辣除咁少少辣味仲有好多香味個雞唔會老又夠入味好好食☺️🔅桂花蜜燒去骨鴨腳包 HKD 98鴨腳包佢去骨之後釀餡入去好豐富既餡料應該係釀啲內臟入去有啲似金錢雞咁幾特別～🔅三色藜麥金沙蝦球 HKD 172蝦球炸得夠脆口仲要好大隻蝦蝦夠彈牙又新鮮🔅特色脆皮京都骨 HKD 132入層脆皮內層夠嫩個肉唔係好硬個啲有啲唔似食緊肉既感覺整黎好出色😙🔅脆香豆酥蒸銀雪魚球 HKD 268豆腐渣拎去炸製成豆酥放係上面襯銀雪魚銀雪魚夠滑配炸好既豆酥好好既配搭🔅豆漿杞子鮮黑腐竹浸時蔬 HKD 148豆漿都可以拎黎煮菜夠哂健康既菜仲有杞子同黑腐竹健康又好食🔅黑松露和牛沙窩飯 HKD 268一打開個蓋真係香到爆啲黑松露味即刻湧哂出黎和牛夠多一啲都唔手軟窩邊又有啲脆既飯窩控制得好好又唔會老咗🤩🔅金箔懷舊芝麻卷 HKD 76芝麻卷真係好耐

相約嘆中菜嘅朋友，繼續食餐有質素嘅粵菜式，平日晚上實在唔多人，環境闊落唔嘈雜，裝潢有點格調，絕對係一個很好嘅約會地方😎———————————————————————————🥢清香柚子凍鮑魚💬呢款鮑魚絕對係必點首選，味道濃郁，帶有柚子嘅清香，煙霧瀰漫，打卡推介☺️.🥢蜜汁金錢雞🐖💬 將雞膶、瘦肉、冰肉梅花間竹、層層疊疊地串起來，好似一串串嘅金錢咁去燒，加上蜜汁，食得到懷舊香港🇭🇰嘅絕版味道🥲.🥢明爐燒鵝🦢💬皮脆肉嫩，帶點點肥，即叫即燒，但都需要提前預訂☺️.🥢帶子珍珠賽螃蟹🦀️💬一見賣相已經很吸引，加點浙醋更提升鮮味，一啖一啖停不了😌.🥢竹笙羅漢齋上素🥬💬一碟素菜都咁豐富，餸料十足，同迷你盤菜嘅份量一樣，人多好辦事🤔.🥢鮑魚海味雞粒窩燒飯🍚💬好大窩，份量十足，打開蓋，香味飄出嚟，啖啖飯都有鮑汁嘅濃郁味道，超級滿足☺️.🥢金箔芝麻卷💬每次見到芝麻卷都一定會叫，情意結不會停止，唔係度度都有得食呢啲民間小吃🥲

大公館一直係我必試list好耐,今日難得約到朋友一齊聚會一定要食得好d.呢到環境好舒服又唔會好嘈,係一個幾好既地方同朋友聚下,一邊傾計一邊慢慢品嚐美食.川味口水竹絲雞將竹絲雞以肴肉方式製作,相當特別.呈烏黑色既竹絲雞香滑,成啫哩狀既精華濃郁鮮甜.口水汁麻香又帶住辣椒香,辣味香而不嗆.金甲脆魚皮酥脆魚皮上塗上一層鹹蛋黃,味道濃稠帶住咸蛋黃既鹹香.桂花蜜燒去骨鴨腳包外層晶瑩透亮,入口帶住桂花蜜清香,味道味而不膩.鴨腳包啖啖肉,鴨肉嫩香肉味濃.中間夾住芋頭增添一層粉香既芋泥味.三色藜麥金沙蝦球蝦球經炸香後混上鹹蛋黃,入口同樣香濃惹味.三色藜麥入口煙韌,為炸得卜卜脆又爽彈既蝦球再加添層次感.特色脆皮京都骨外層帶住拔絲既外層,入口香甜帶點酸酸甜甜,剛好中和油炸既油膩感.脆皮京都骨炸漿薄脆,內裏又帶位肉香.脆香豆酥蒸銀鱈魚球蒸蛋白上雪白既銀鱈魚球嫩滑鮮香,鱈魚帶住一陣魚油甘香,魚肉肉質結實唔會一夾就鞋,入口充滿彈性.味道同樣帶點麻辣香但唔會掩蓋鱈魚本身既鮮味.豆漿杞子鮮黑腐竹浸時蔬豆漿芡汁香滑重豆香,配上津白相當creamy濃稠.黑腐竹同樣充滿濃郁豆香,腐竹掛上豆漿芡汁後豆味更突出.黑松露和牛砂窩

🥣金甲脆魚皮用鹹蛋醃製既金黃色魚皮 超吸睛🥴魚皮唔會有好重油味 陣蛋黃香味停留係個口裏面 好正🥰😚🥣川味口水竹絲雞（冷盤）肉同肥膏比例均勻 因為係冷盤 肥膏都雪到啫喱狀食落去d肉夾雜著啫喱 口感得意 幾開胃🐽🥣桂花蜜燒去骨鴨腳包一層甜甜地既密燒鴨皮 包著鹹鹹地既肉 入口鬆化 好特別既組合🥣三色金沙蝦球有半個手掌咁大嘅炸蝦球 用蛋黃醬醃製 加上藜麥片做點綴 好大體 絕對可以喺大場合出現既餸✨🥣黑松露和牛沙鍋飯值得讚嘅係炒飯放喺砂鍋裡面可以保溫🥰好香濃嘅黑松露味 唔係講笑 啖啖飯都食到和牛 份量仲要好多抵食🤪🥣金箔懷舊芝麻卷可能係全香港最好味嘅芝麻卷由細到大都有食街邊嘅芝麻卷但真係第一次食到咁濃郁 香滑嘅芝麻卷仲要有金箔裝飾 食完正餐保證可以自己自私食曬佢😤🥺

全場得一個侍應加一個經理，人手嚴重不足，可以話係0服務，味道更加差到一個點😔大部份器皿都有啲崩😅真係唔明白點解咁多好評🤦最好笑係埋單先嚟問我哋係唔係冷氣大感覺好凍，佢重話一早已經留意到我哋凍🤬下次可以幫我地較細啲冷氣🤬絕對冇下次😤😤😤😤😤😤

同屋企人慶生，一早預訂左大公館，位於荔枝角D2 Place 1期，地點好方便。裝潢好有氣派，枱同枱之間有一定距離，坐得鬆動又舒服，店員服務都好殷勤。龍井煙燻黃花魚薰香味十足，夾雜淡淡龍井香，魚肉食落鮮嫩無腥味。話梅鐵棍准山 擺碟好靚，切成粒粒正方形，酸酸甜甜好爽脆，夠哂開胃。清香柚子凍鮑魚加入乾冰上枱，視覺效果一流，鮑魚鮮香稚嫩有嚼頭，配柚子同食，好清新～招牌黑毛豬叉燒色澤鮮亮，賣相好吸引，叉燒肥瘦度適中帶焦香，肉質細緻鬆軟，入口煙煙韌韌，混合蜜汁，味濃甘香，好滋味！脆米蒜香雞爽滑雞皮加入脆米好有口感！蒜香雞嫩滑啖啖肉，正。黃金沙律汁蝦球蝦球即叫即炸，酥脆又Q彈，配黃金沙律汁，鹹香滋味～底下仲有滑嫩茄子。西班牙火腿琥珀米黃浸時菜爽甜娃娃菜配鹹香西班牙火腿，仲有大量桃膠，滋補又健康。金瑤櫻花蝦蛋白炒飯櫻花蝦炒得香氣四溢，炒飯粒粒分明夠乾身，口感豐富。甜品揀左狀元山楂糕，口感爽滑細膩，酸酸甜甜好滋味。

第二次黎大公館，依然出色！賣相精緻，入口魚質鮮美，食落有濃郁煙燻味，很好吃，反而龍井吾太出。山藥切成丁方，容易入口，散發出淡淡話梅味，清新爽口，胃口大增！香甜酥脆嘅蝦仁，齋睇已經好吸引，吃落真係嘩嘩聲！色澤均勻，入口肥美香口😋，帶小小蜜糖味。皮脆肉嫩，雞皮薄薄，脂肪極小，入口淡淡蒜香味。廚師推介既菜式之一！中式合璧既一道菜！採用西班牙黑毛豬，米皇用米漿打成芡汁，娃娃菜完全吸收晒咸香嘅黑毛豬精華😌，琥珀雖然無咩味，但提升左視覺效果，女士養顏最愛！🙆🏻‍♀️第一次食山渣制成既甜品，加左金箔係面，即刻成個upgrade哂！💫變成矜貴嘅糕點，味道都唔錯！環境優雅，食物水準高的食府！👍

朋友係荔枝角呢邊放工，久違約左幾個老死聚聚，貪呢度環境幽靜，可以靜靜地嘆住中菜傾下計，可以慢慢食，坐耐d 都唔會有壓力。頭盤叫左個個金甲炸魚皮，熱辣辣又脆，咸蛋咁香。川味口水竹絲雞，有d 肉凍feel 嘅口水雞，口感特別，配麻辣嘅口水汁好惹味，用竹絲雞咪好補身囉，正呀！桂花蜜燒去骨鴨腳包，鴨皮包住芋頭，鴨肉等配料蜜燒，鴨皮脆脆地帶鴨脂香味，層次感出，愈食愈滋味。金沙蝦球，用左好大隻嘅大蝦，個皮好香脆，帶咸蛋香，香口菜首選。脆香豆酥蒸銀鱈魚球，鱈魚好滑好香，下面係白滑上湯蒸蛋白，配上炸蒜同川辣汁，水準超卓，必食之選。黑松露和牛砂鍋飯，黑松露味濃，熱鍋做出微微飯焦嘅效果又可以保温，和牛肉質嫩滑帶少少爽口彈牙，食得出高質和牛嘅水準 份量十足，6個人都夠分。甜點叫左懷舊芝麻卷，無論黎飲茶定晚飯，差唔多每次都一定會叫，因為出面已經好難食到呢個水準，芝麻味好濃，質感好滑，香甜味道較得剛剛好。整體黎講，想要寧靜高質嘅中菜館一定會再返黎幫襯。

我媽咪每次出街都要食中菜 但出面來來去去都係集團式酒樓 所以一搵到新既中菜餐廳就急不及待要帶佢去☺️清香柚子凍鮑魚 ($148) - 隻鮑魚好入味 夠林得黎又有少少咬口 底下既柚子粒同鮑魚出奇地夾 好清新龍井煙燻黃花魚 ($118) - 魚肉好滑 好香煙燻味 太細碟 唔係好夠喉話梅鐵棍淮山 ($78) - 淮山整得好爽脆 但唔係好食到話梅味 反而係好濃既泰國味 我麻麻地呢道菜 覺得唔太夾招牌黑毛豬叉燒 ($248) - 叉燒肥瘦適中 夠林 微燶 岩晒我口味 一碟有十幾舊 份量都唔少黃金沙律汁蝦球 ($258) - 隻蝦超大好厚肉 炸皮好薄 墊底既茄子應該係輕輕咁炸過 好香好入味 脆米蒜香雞半隻 ($228) - 感覺係高級既炸子雞 上面有d脆米增加口感 雞肉好滑 連雞胸位都係滑既西班牙火腿琥珀米皇浸時蔬 ($158) - 娃娃菜煮到好甜 用西班牙火腿好特別 我覺得正過用金華火腿 好多時金華火腿都太鹹食唔到 但呢個西班牙火腿好好味少少鹹香 再襯埋個咁甜既菜 balance番金瑤櫻花蝦蛋白炒飯 ($188) - 好足料既炒飯 極大碟 成坐山咁高 配料都好多 櫻花蝦炸到好香脆 用黎炒飯一流

大公館位於荔枝角長義街D2place十樓全層，商場正門旁的側門入口設有尊貴獨立lift 直達，可感受其exclusive VIP 的身份。One of the best restaurant of 2017, fine dining 之選。環境怡人，裝潢配置用色優雅，格調高雅，中西合璧的設計概念非常不錯，能夠與新時化的西化粵菜並駒齊行，與時代接軌。金甲脆魚皮，魚皮脆薄，使其受熱更均勻，咸蛋香氣四溢，喚醒味蕾。桂花蜜燒去骨鴨腳包，乃廣洲老西關的一道傳統高級粵菜菜式。三色藜麥金沙蝦球，蝦隻尺寸足半隻手掌大，蝦肉爽口而且富有彈性，把其肉咬開時能清晰地見其紋理，足證爽彈。（金沙）乃使用上咸蛋黃的脆漿，咸蛋香緩和地滲出，配入健康的三色藜麥，能有效地把脆漿多餘的油份稀釋，中和油膩感。脆香豆酥蒸銀鱈魚球，豆酥即在製造豆漿過程中的副產品，乃吸收大豆大部分精華，營養豐富，滑溜如絲綢。豆酥加入至厚身鱈魚球上，增添滑嫩觸感，而魚身色調光澤，顏色雪白，配入辣椒油色香俱備。懷舊芝麻卷，因為工序繁多，在市面上各大型酒樓近乎銷聲匿跡。芝麻卷顏色烏黑，入口順滑而化，芝麻香非常濃郁。

好似好耐冇嚟D2 place喇原來呢到多咗咁多嘢食！今次叫咗幾個朋友一齊嚟食新潮少少嘅中菜，環境闊落舒服，唔會太多人太嘈雜，好適合幾個朋友嚟傾下計慢慢食飯(｡･ω･｡)ﾉ金甲脆魚皮🐟鹹蛋黃加魚皮呢個經典組合(=´∀｀)人(´∀｀=)有一排好興呢啲零食，個時hit到周圍都賣唔到！黃金酥香好適合做開胃菜。桂花蜜燒去骨鴨腳包🍗鴨腳去咗骨塞咗唔同餡料入去，唔知入面包咗啲咩呢口感好豐富，大啖食落好滿足٩(˃̶͈̀௰˂̶͈́)و川味口水竹絲雞🐔呢碟大家都好滿意一夾再夾ʕ •ᴥ•ʔ我自己就幾鍾意佢上面嘅配料一齊食好清新，雖然話係川味但係佢唔算好辣，唔會麻不過好香，收碟嘅時候姐姐仲話好多人好鍾意個汁會留嚟送飯添'(*ﾟ▽ﾟ*)'三色藜麥金沙蝦球🦐真係好鍾意食鹹蛋黃所以又叫咗呢碟金沙蝦球٩(˃̶͈̀௰˂̶͈́)و蝦球肉嫩爽甜而且好大隻，非常滿意！特色脆皮京都骨🦴睇個樣完全估唔到係京都骨！原來係起咗骨，再炸成一舊漲卜卜方形，真係好有特色(｡･ω･｡)ﾉ外層酥脆再裹咗一層甜甜酸酸嘅醬，好開胃。脆香豆酥蒸銀鱈魚球🐟呢碟大家又係讚不絕口，有人鍾意下面嘅蛋白奶凍(?)，有人讚個魚好滑，都有人讚個豆酥好香，唔知食咩嘅話叫呢碟應該都冇錯㗎啦