影片
大兄冰室地址: 荃湾西楼角路136-168号荃丰中心地下A1号舖双重芝士蕃茄浓汤 🍅 $56有好浓郁嘅蕃茄味，唔知以为饮紧蕃茄汤，有多种蕃茄，蕃茄蓉熬制而成，而且啲双重芝士都不少，不错。但啲配菜就唔系好掂，口感较为硬，干身，失望咗少少。火焰芝士肉酱热狗套餐 🌭$65软绵绵嘅面包，里面包住多到满泻嘅秘制肉酱和用咗火枪烧溶咗嘅芝士，再配上脆皮法兰克福肠，味道食落香口不错。
继续阅读
之前嚟过食次lunch啲野食都ok今日再嚟食tea, 好衰唔衰拣左个 “大兄克戟夹饼公司三文治” （$42）。嚟到比我果下，我O左咀，餐厅应该系餐牌度加返“迷你”两个字上去，个所谓公司三文治个Size 系一个豆沙包咁大，收我$42！唔好讲件野咁细件，佢块夹饼甜架，唔系好夹里面啲涵呀，又咸又甜咁。早知我叫份双拼三文治无咁嬲，价钱平$10, 仲唔会食左等于无野食过落肚咁
继续阅读
又去呢个商场揾食知道呢度有间特色d既冰室，今次终于有机会试下，午市时间要排队等位，等左10几分钟就有位啦餐厅都唔算太大间，有卡位同窗边位，可以一边食野一边望下街景见上网好多人赞佢既蕃茄汤底，好似几吸引午市仲有其他套餐，款款都图文并茂，望落去都几吸引饮品拣左个热咖啡，几香唔错另一个加左$8拣左珍珠奶茶，都几似平时饮既台式奶茶，珍珠几烟韧，唔错跟餐拣左个田园沙律，呢个系用芝麻酱，不过无乜惊喜蟹籽野菌甜椒丝海虾忌廉意大利粉，仲配左块蒜蓉包，块包好香蒜蓉牛油味好脆个意粉唔算太淋，虽然系忌廉但又唔会太腻，虾就比较细只不过都有4、5只，味道ok另一个拣左芝味炸鸡拼蒜蓉汁法兰克福肠，芝士酱个味唔算太浓，炸鸡都香脆既；蒜蓉汁系平时食铁板果种蒜蓉汁，味道比较浓蕃茄浓汤螺丝粉，呢个蕃茄汤真系唔错㖞，蕃茄味够浓，中间仲有d蕃茄肉，螺丝粉又唔会太淋，唔错！整体感觉唔错，食到d唔系平时茶餐厅食既野
继续阅读
次次经过荃丰都一定会见到大兄冰室出面大大个logo，今次就去食翻个快饭。本身谂住冰室卖既野食都系港式野，点知佢卖既野食又偏西式wor😯餐牌见到啲意粉、汉堡、热狗，当然都有啲港式啲既野食好似公司三文治果类。另外最吸引我既就系佢既蕃茄螺丝粉！一见到谂都冇谂就拣左佢。 1⃣️芝味炸鸡拼蒜茸汁法兰克福肠 跟蕃茄浓汤粉（$63）炸鸡都几大旧，炸得几香肉又厚，但系炸皮有啲湿左淋左，面头有一大片溶左既芝士🧀肠仔配上极多蒜茸汁😂正～另外蕃茄浓汤真系好浓，入面有好多煮到淋晒既蕃茄蓉🤤滑蛋都好多。另外螺丝粉份量爆多，本身我都自认大食架la，但系呢碗螺丝粉我真系食到差啲食唔晒🙈 2⃣️蟹子野菌甜椒丝海虾忌廉义大利粉（配花枝丸）（$58） 蟹子比得多几多，意粉系偏港式风味，忌廉汁偏稀身，不过配料比得好足。虾、蟹子、菇所有野都几多。另外仲有跟蒜蓉包，同平时食西餐果啲脆脆既蒜蓉包好唔同，呢个蒜蓉包系软熟既包，唔系好似有烘过，面头搽左啲蒜蓉酱。午餐有得拣根花枝丸或者沙律🥗拣左花枝丸，唔算弹牙，可以当过下口瘾咁。 3⃣️鸳鸯鸡扒拼金菇牛肉卷（配花枝丸）（$65）鸳鸯鸡扒系有煎鸡扒同炸鸡扒各一件。煎鸡扒又算几嫩滑wor，快餐质素黎讲算平均以上，炸鸡扒虽然有啲甩皮甩骨咁，但系调味系唔错既👍另外仲有金菇牛肉卷，牛肉好干身，而且冇汁冇调过味咁，呢个麻麻地。意粉系偏向港式炒意粉咁，份量又系极多。
继续阅读
荃湾其实真系一个几好嘅地方，交通方便又多美食。今日系荃湾做完公事决左食埋个午餐先返屋企。系巴士站附近见到呢间大兄冰室。望过menu好似都几吸引。午餐仲有沙律送添。黑松露卡邦尼野菌脆烟肉忌廉意粉：虽然我完全食唔到有黑松露嘅味道，但个意粉嘅味道都唔错。最搞笑嘅系意粉上面有个蒜蓉包。沙律就正正常常。无咩特别。炭烧咖啡：呢杯咖啡不得不赞。除左香浓嘅咖啡味道之外。奶味劲浓郁。好啱我口味。最后要提一提嘅系餐厅卫生唔错。餐具亦都系一份份包好。系而家呢个时势之下对食客都系一份保障。
继续阅读