大中華素食

营业中

休息中

是日午餐簡簡單單，今日我在大中華素食飲茶我第一次試色大中華素食來的中西混合菜式--咖喱雜錦齋薄餅這個薄餅來頭不小，它揉合了中式咖哩齋及意大利菜式。是次點餐，等候時間時間得有點耐，由落單到送餐都接近30分鐘。店內環境不錯，員工服務質素不錯值得推薦此間餐廳

路過見到話下午茶六折，好似好抵咁決定試吓。發現餐牌與「大自然素食」大同小異差唔多，嗌咗牛油果多士，好食！牛油果多士配上mozzarella芝士同黑松露醬，惹味香濃酥脆，味道出色。但下午茶所謂既六折係收17%服務費+茶錢$9，所謂嘅六折，實際折扣近八五折，感覺取巧，寧願店家老實標價。

新曆新年食晚飯，當係新曆嘅開年飯啦，不過今次因為好多人一齊都想食齋，所以結果都係去咗食素。地區方面因為響佐敦，完全靠朋友帶路先至去邊度食，行咗一陣去咗呢間大中華素食，係朋友誠意推介，我裏面好多嘅餸都幾好味，所以就跟咗大家一齊去。地點方面離開地鐵站都唔算太遠嘅，行過去大概10分鐘左右，其實都算方便。晚飯時間去到都要等位，好彩唔算等咗好耐。食物方面因為食得太開心真係唔記得啲名係乜嘢，淨係記得個羹好好味，個牛蒡都好好味，個素鮑魚都正，仲有個飯卷亦都唔錯，仲有一個焗嘅麵包個醬亦都非常之好味，叉燒夾包嗰個叉燒食落佢嘅感覺真係好似真嘅一樣，個咕嚕肉都呃到人食得好開胃，整體嚟講水準都好好，好有驚喜。

素食餐廳都越來越多，就係喺佐敦已經有超過10間嘅素食餐廳，我就隨意揀咗呢一間🌼大中華素食🌼試吓， 佢係一間舊式餐廳，係以中菜為主，其次有日本菜，多國菜等，因為自己比較少食素，所以都係搵返啲穩陣啲試吓😂，不過日本菜方面佢哋嘅壽司賣相都幾逼真，有機會可以試吓😆😆🍑蜜桃拔絲骨 $98 :小菜方面叫左兩個餸，呢一道蜜桃拔絲就係仿照咕嚕肉，味道都係酸酸甜甜😆，配菜有菠蘿蜜桃等，而咕嚕肉就係以腐皮製成，口感同味道都十分相似👍🏻，呢一度仲要係必食推介，真係要試一試👏🏻👏🏻🥬欖菜四季豆 $78 :另外叫咗一道菜，四季豆，唔會好油，欖菜夠晒香，炒落去都夠鑊氣，咸度亦都啱啱好，份量都足料👍🏻👍🏻🐷亞麻子叉燒包 $48 :另外一款就係亞麻籽叉燒包，裏面非常鬆軟，叉燒包裏面嘅精粹叉燒都做得好逼真😋😋，食落都有叉燒嘅感覺，而味道方面亦都仿效得好似，外層鬆軟且帶有亞麻籽，裏面就係蜜汁叉燒，整體唔錯😍😍🥟中華餃子 $68 :餃子有六件，中式素食裏面都係粟米，雜菇同埋腐皮製成，食落都幾似肉餃，皮就稍為好咗啲，味道又唔會好dry，還可以啦😌😌其實素食同質素方面價錢都會有唔同，如果比較貴但可以食到一流嘅素食，咁都值得一試

又去油麻地行街，見到這間素食館的午餐牌都很吸引，價位都合理，門外看到裝修新淨，都有很多食客，於是入去試下！佢有午餐、又有些煲仔菜套餐。叫了一個蓮藕炆腩仔。另再叫了一份八珍豆腐煲套餐，這個套餐包了兩個小食，白飯、例湯。先來了兩個齋湯，味道很清甜濃郁，不輸比老火湯！小食青瓜、麻醬豆腐都很清爽，味道唔錯。午餐的蓮藕炆腩仔，南乳味濃，豬肉是用素肉造出來，都幾特別，不過食肉獸的我就覺得麻麻地，不過間中食下又無乜所謂。八珍豆腐就比較出死，居然都有鑊氣味，味道不錯👍，原來素食都可以濃味的，令我對素食有點改觀！埋單後見到下午茶是照正價6折，可以下次來試下多幾樣嘢！

我和家人在大中華，三個人晚餐第一次職員入單時候，入多了一盎湯。之後回家看到收據。本來是叫3盎湯計算加一服務費總共收多了$42。第二次我和家人晚餐，點菜後，職員給了一張收據，發覺茶芥在收據計算多了一位。當時告知職員，職員沒有即時更改價錢。之後付款時候提醒職員更改茶位是三位價錢，不是四位。最後職員找贖時候，找少港幣一百元。即時告知她這件事情，職員居然說我知道。

路過見下午茶6折就試下因為係炒小菜，所以份量好大，非常飽不過價錢加埋一，茶芥，同埋一個白啲飯，就貴過一個lunch我估外皮係腐皮同埋菇嘅混合物條骨就係牛蒡梅子醬酸味味，幾開胃，搶口醃得成舊嘢好入味舊肉嘅口感，同一舊真嘅肉都幾似賣相非常之好，好鍾意佢每一碟小菜隔離，都放一朵紫色嘅花不過我嫌佢個白飯太細碗，因為碟嘢實在太濃味啦，唔係好夠送飯一個人獨食難肥，如果有同人share嘅話，就可以嗌唔同嘅小菜，冇咁單調下次帶埋朋友仔一齊嚟先。

今日食評有✍🏻 大中華素食試食指數⭐⭐⭐⭐⭐店舖衛生⭐⭐⭐侍應態度⭐️⭐⭐⭐((每項5⭐️為滿分)) ·同「大自然」走類似路線嘅素食大中華出殯與質素更勝一籌我哋今日幫襯下午茶時段原來大部分食品有半價優惠難怪門口排滿晒食客想享用優惠嘅朋友記得兩點鐘先好入座啊！·1️⃣喇沙轉河粉⭐⭐⭐⭐/5湯底係有喇沙嘅風味河粉份量夠但係偏腍素配料有「蝦、魷魚」賣相精緻2️⃣炒年糕⭐⭐⭐⭐/5油份一定多但鑊氣亦都一定夠屬於乾身嘅炒年糕醬汁比較少3️⃣ XO醬腸粉煲⭐⭐⭐⭐/5同上，油多但條條腸粉都熱到辣嘴非常啱喜歡熱食嘅人醬料味道適中顏色深但係唔咸4️⃣叉燒包⭐⭐⭐⭐⭐/5極力推薦比大家要試叉燒包貪小麥嘅麵包感覺比較健康大大個包餡料充足叉燒餡料醬汁味道有別於其他素食館唔知有咩秘方大家去試吓5️⃣南瓜餅⭐⭐⭐⭐⭐/5又係極力推薦俾大家嘅小食親熱食最好味但係攤凍咗食都一樣咁脆口南瓜蓉夠滑·3人原價400幾下午茶半價優惠200幾實在超級抵食·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

午市套餐$68包主菜，小食兩款，白飯及例湯。主菜有12款，小食則6款。小食的麻醬豆腐非常有豆味，好滑。秋葵配嘅醬油就有啲鹹，就咁食會好啲。例湯好足料，好清甜，應該冇加味精。主菜食香橙雞，素雞係由腐皮卷成，炸得非常香口，豆皮整嘅素雞肉，淡淡蛋白質，配埋香橙汁非常好送飯。如果配幾條菜就好啲，顏色都靚啲。

在九月尾去食下午茶兩點鐘入座 ……點咗一個冷盤， 一個炒飯，一個煲仔菜 ，點知一等就要等四十五分鐘……我向老闆查詢佢話係咁㗎啦！唔等得就取消單啦 ！真係不知所謂。以後都唔幫襯!

劣質食材，用極重調味來掩蓋食材的不新鮮。 我本人不能吃辣的，但發覺這間店什麼菜式也加辣，連餐牌上沒標明是辣的菜也是辣的，然後我用水把豆腐表面的調味洗去才吃，一口吃下去豆腐是酸的。如果吃得辣的人恐怕把變酸的豆腐吃了下去。

我叫個印尼炒飯，俾咗個勁辣星洲炒飯俾個，叫咗個炒茶樹姑，餐牌都無寫明係辣，點知成堆辣椒放埋一齊炒。 仲有啲豆腐酸嘅。 唔知係轉咗老闆定轉厨房，差咗好多。 以後唔會再黎。都會叫埋朋友唔好黎

今日中午放學，去咗一間店舖食齋菜，本來一心諗住落雨唔想行咁遠，因為下午又要上堂，跟住就入咗一間最近學校的素食店，叫咗兩個set午餐🥣一個咕嚕素鵝，一個齋菜煲，午餐定食＄68，有湯有飯，還有兩個冷盤菜，我哋叫咗麻辣木耳、同埋醬味秋葵，真係好正，個素菜湯簡直難以形容美味，飲唔出有味精囉。個素鵝係即刻整，唔係淋啤啤，咬落去係脆～個咕嚕汁調得好美味。絕對會再去呢間餐廳，佢間舖頭還有一啲好靚嘅貴素食材，👍👍👍

由於媽媽是吃素的🤗間中會搵唔同素食餐廳同佢試下😋星期日一家4口電話先訂檯19:00去到沒有很滿 但安排坐最大的大圓桌感覺有安排過比我地🥰我地點了一個四人餐 $498包1個前菜，1個素湯/翅，4款主菜/飯麵前菜揀左素春卷是剛炸起 很香脆 裏面內涵豐富 好食！湯羹方面我哋揀咗黃耳雞絲翅。上檯有服務員幫忙分4碗，翅十分大煲，大概4人每人可2碗或以上。翅本身亦足料，有很多「肉絲」，不會太濃味又不會無味，好食！主食方面呢個鎮江骨真係不得了甘好食，有8件，每人可食2件。有鎮江醋的香味，汁做得很好，惹味骨都可以吃埋，是用了蓮藕來做十分有心思有實力的一道菜。另外的咖哩羊腩煲都不錯，但一向素食的媽媽就話比較重口味。我地間中食的就覺得味道可以，不辣，送飯吃一流，但「羊肉」份量偏少了些🤪再來一個清清地既炒腩肉，勝瓜清甜，炒得唔錯架。😌最後點了一個飯：荷香姖松茸云耳蒸雞飯唔記得影相😆是荷葉飯，上面有很多料，十分香又好味😋最後還會送上每人一碗自製糖水我地那天是芝麻糊，都好好味。店員最後仲問我地夠唔夠，再多送一碗呢！最後埋單連每人$10茶錢同加1服務費埋單大概$590。我覺得這裡不論服務，食物質素都對得住個價錢，

Sino Vegetarian:☼ Vegetarian restaurant in Jordan serving Chinese cuisine - We got:🍽 Company Snack Platter💸 HKD 168😽 Barbecued pork~I really love BBQ mock meat and this was no exception. The texture was just right, not too soft and not too chewy either.🥶 Lemon chicken(?)~This was my least favourite meat on the platter. The acidity of the lemon did not go well with the sweet and sugary sauce... It was an odd combination and did NOT work well together 😬😺 Duck (?)My second favourite after the BBQ p