大中華甜品 (已結業)

大中華料理聽得多…今次去食番個大中華甜品先雖然地方細細，但五臟俱全，甜品要中式有中式、要法式有法式、要日式有日式，一次過滿足甜品控嘅我。西面公主又點會一個獨食，當然同朋友們一齊去，一坐低就叫左3款齊齊share心太軟食得多……你有無食過鴛鴦味先？ 朱古力加抹茶味，無敵呀！！！兩者混合超正， 抹茶中和了朱古力嘅甜味，但又唔會被朱古力蓋住搽茶甘味。另外夏日炎炎，大家當然想食冰。呢度嘅雪花冰份量都唔小，入口即溶，而且材料十足。 呂宋芒肉、芒汁、甘柚、小丸子之外……仲要加多球芒果味雪糕，食完真係透心涼。最後嚟多個震震日式梳乎厘。兩層高梳乎厘再加 藍莓及忌廉芝士，仲有自選雪糕球，真係非常滿足。店員姐姐very nice，廚房哥哥整嘅甜品very正！不過大中華甜品只此九龍城一間，千祈唔好去錯！下次我都要再番嚟encore😉…查看更多

咁夜肥仔約食甜品🍮 難得咁早見面❤️🤫 去九龍城次次都係合成，但凡事有例外Vienn 都好中意食 #心太軟 不過朱古力比較濃同苦，一係唔食，一食就要做得足‼️ 本身叫咗朱古力，靚姐姐話有1半綠茶🍵1半朱古力🍫，綠茶溝白朱古力（Vienn唔中意綠茶太苦都唔得） ，講到咁正又靚女推介就試下啦，最中意試新野✌🏽✌🏽78%特選朱古力🍫+抹茶心太軟$45 🍮好可惜上碟綠茶有d流咗出來，綠茶唔太苦，朱古力好濃郁，而且都有流心效果，蛋糕都夠牛油唔會乾，呢個價錢比起出面做得有心思！平時既會係勁似食沙莉蛋糕🧁咁，或者唔夠「流心」。🌟揀咗 #D24雪糕 🍦係okay唔錯既👍🏽👍🏽🥭芒果雪花冰❄️🍨 $45Vienn好驚食酸野，但呢個芒果🥭夠大件而且唔酸仲係清甜，唔係死甜！有椰果+爆珠，好味‼️雪花冰做得好綿，入口即融（敏感牙齒🦷都食得）係個豆腐雪糕🍦唔夠豆腐味，差少少，整體都好okayOverall呢間甜品小店做得有heart有心思❤️會翻啅😋大家經開九龍城可一試，只此九龍城一家並沒有分店大中華甜品 (九龍城)地址：九龍城城南道3A號地舖…查看更多

法國甜品超出色，令人念念不忘！剛由法蘭西回港，心思思想食甜品，不過凌晨冇乜嘢揀，上網check check，點知俾我發現九龍城新開左一間甜品店，賣相唔錯，最緊要開到凌晨2點，凌晨想食甜野又一選擇！發現好嘢，仲唔即刻飛車落去叫個法式甜品，填補心靈空虛，一於食過法式蛋系列，點知大有驚喜，好好味！燉蛋較軟身，奶味較重，食得出係用鮮雲呢拿籽做，好有誠意！簡簡單單，就能做出法式浪漫！正！今夜凌晨，我食到一個一流法式焦糖燉蛋！…查看更多

伴碟好靚啊，做到好豐富，而且基本上一個套餐咁樣，仲跟埋一球雪糕，雪糕味都有好多種，可以任君選擇，鍾意食咩味都有，而且整個甜品睇落去好豐富，好靚，打卡一流，仲要唔係淨係齋睇，連食落去你都會感受到好滿足！心太軟真係好好味啊！有種食完下次會再食嘅感覺！所以呢一點真係非讚不可！因為出面嘅心太軟通常都做到好甜，而且成個朱古力蛋糕咁，流心嘅感覺做唔到，亦都唔似一個心太軟，但呢間比我感覺係食緊心太軟，仲有一球雪糕比我！不過有個地方要改善嘅係酒味太重！…查看更多

今次再過嚟食，發現佢哋多咗啲新野，見到有咖啡☕️，跟住點知原來有小食，有啲鹹點，唔使淨係食甜品咁甜，啱晒下午過嚟hi T，享受一個悠閒下午茶，佢嘅咖啡選擇都有好多，而且配小食都好平，分分鐘醫飽個肚都唔使幾十蚊！既享受到環境，又享受到美食!先講下我哋今日食咗啲咩小食啦～我哋試咗最常見嘅菠蘿雞翼，做得好好味，佢仲有一個好得意嘅圓圈豬肉腸佢唔只外型特別，佢嘅味道都唔錯喎！我哋仲配左一杯咖啡，已經足夠醫飽左我哋整個下午！…查看更多

今次試咗個自家即撞豆腐花，等嘅時間唔係話耐，大概15分鐘左右，就已經有得食，仲要幫我焗埋，入口好新鮮，好清新，唔會加任何嘅防腐劑，睇得出係心機作品，食落口好滑好有豆味，而且佢嘅擺設都好專業，成個豆腐花出現係你面前簡直眼前一亮！如果鍾意食豆腐花，又鍾意佢又白又滑，又鍾意無添加無防腐劑嘅，可以試吓呢個，雖然淨係熱嘅，不過食得健康都好重要架！如果想食凍嘅，我見佢都有個豆腐花有紅豆有芋圓，應該都唔錯有興趣都可以試吓！…查看更多

今日行過九龍城，見到有一間糖水試業，跟住就無啦啦衝左入去諗住試吓新野，入到去環境好舒服，佢哋暫時未有餐牌，全部都係手寫嘅，見到好有心機，但係冇圖片參考嘅情況下覺得好迷惘，但冇幾耐員工就俾咗一部iPad我哋，入面有好多佢哋甜品嘅相，全部都影得好靚，我哋嗰陣時都喺度諗會唔會圖片只供參考？但當個甜品出到嚟，發現好靚，甚至靚過張相！我哋3個人，試咗一個疏乎厘，窩夫，同埋佢先有嘅雪花糯米卷！首先講下佢個疏乎里，平時見就見得多，聽就聽得多，仲知道係油麻地一間要排晒長龍好難食得到，仲要一早整定放喺度俾錢即刻有，但呢一次難得見到係即刻整，不妨試一試，佢做到好鬆軟，而且全部新鮮即打即整！真係食過返尋味，下次一定會再嚟幫襯！再講埋佢個雪花糯米卷，真係皮薄餡靚，皮好薄，椰絲啱啱好，而且煙煙銀銀好過癮！…查看更多

今次食咗個疏乎里 好好味 好有驚喜 唔使特登出到去旺角油麻地排隊排長龍 我都食到 而且即刻整 賣相亦都好靚 攞嚟打卡一流 食落去味道都好好 今次試咗隻原味同埋藍莓芝士味 隻芝士醬好好味 係佢哋自己親手調製 問返員工先知道原來要每日返嚟新鮮煮所以好值好抵食！依家仲要做緊八五折 聽聞今個月月底正式開張 到時一定會返轉頭做捧場客 平時去九龍城食糖水食得多 但呢間特色野特別多 真係試多幾次都仲未試得晒 入面嘅環境好簡單但坐得好舒服 聽佢哋講晏晝仲會有咖啡同埋小食 有機會都要試吓！…查看更多