大中華飯店 查看

营业中

休息中

新年特登book左位食飯。唔book有時真係等唔到位。鍾意佢哋小炒份量夠，又有鑊氣，適合一班人一齊食。❤️爉味煲仔飯❤️好足爉味粒粒，仲有好多新鮮葱，啖啖都足料，飯焦剛剛好，唔會成個煲都係食唔到。🧡豉椒炒花甲🧡本身其實想食聖子，不過賣晒🥲不過花甲同樣鮮味，我覺得個汁有少少鹹，不過送下啤酒就應該剛剛好。💛沙拉骨💛我鍾意佢用千島汁整，會較酸但食落非常開胃，而且即炸即炒，鑊氣十足，排骨仲有脆口感。

大中華，我細細個就聽過呢個名！以前都有去食過，又唔係覺得特別好食，不過今次有朋友想食，所以我哋就再去食過！今次同我之前去食完全唔同，首先今次唔使等位，可能因為疫情關係，所以都有好足夠嘅位置。兩個人去食，但係咩都想食，又冇預計到啲嘢係咁大碟😂 嗌咗四樣嘢當中我真係好鍾意食蒸魚頭 我一個人都清晒成碟 油鹽水花甲又係好好食，成個面盆咁大!!! 砂礓雞腳就好入味，好淋。對比之下，魚香茄子煲就正常一般，可能因為我已經食咗好多嘢，所以魚香茄子煲就冇乜點樣食到😂推介推介！

第一次同班fd過嚟食，佢細細個住依邊，話睇住依間野由最初一間做到附近幾間分店首先一坐低就係睇吓琳琅滿目既菜單好多都好吸引第一個上菜就係黑椒豬手啦一刀拖到尾，骨肉分離黑椒加上洋蔥🧅既爽脆，好夾又唔太膩，而且咸豬扒肉質比較冧第二碟上菜就到咸魚肉餅第一次食炸既口感好正，有好重既咸魚香味，食落去似蒸完拍粉再炸，送飯一流緊接住到南乳排骨金沙排骨份量都多啖啖肉啖啖南乳味咸蛋芥菜好有驚喜第一次咁樣食，啖湯都勁正肉片都正臘味煲仔飯本人對臘味一般般，幾個一齊食既朋友清到見底證明好好味😋口水魚一大盤上枱果陣驚艷我哋入口 麻、香、鮮 、辣 充斥著味雷魚肉食得出係新鮮魚，入口好彈性除咗魚肉，仲有好多配菜，例如金菇等等整體來講，會再幫襯真係好好味，好有特色嘅大排檔風味

🍁成日聽到有人推薦呢間大牌檔，今日第一次試下，大牌檔環境啦😂😂😂叫咗7個小菜，全部都好夠鑊氣，味道幾好土匪雞，好有氣勢，d雞肉都幾滑臘肉煲仔飯，米飯粒粒分明，味道唔錯，好食椒鹽九肚魚，唔厚粉，夠乾身黑椒豬手，好滑好淋，味道唔錯蠔餅，偏油，一般整體唔錯，還可以

雖則係一個大排檔，但未試過食餐飯好似自己做侍應咁，乜都叫我自己出去拎，我拎埋你份糧好無？收野就收得快過人，拎野就自己行出拎，野食超難食，唔夠火喉，唔知點解佢地既人仲可以聲大大！

前幾天因為剛剛搬來長沙灣不知道有什麼好吃然後看見附近有這間大排檔所以想來試試。當我點完餐後，因為價錢其實不便宜所以對這間餐廳的食物有點期待但是當我嚐第一口的時候 有一點小失望這個價錢並不值而且這間大排檔的服務態度很差

大中華食左好多年，食物抵食又大碟，今晚叫左既鐵板黑椒豬手同蒜蓉蒸蝦 都好有水準，大排檔勝在夠鑊氣又大份。呢度食物就唔錯唯獨係地點唔就腳唔近地鐵，另外衛生可以改善下就最好🥰

娘娘說，「上次有支棍撐住隻燒雞的在哪兒？」噢，你說“大中華” ... 幾年沒去了，人氣也因為疫情少了很多，但它仍屹立在深水埗舊區中，希望它繼續堅持，加油！我們拿了那張手寫菜單，看有什麼特別菜式，有，找到了，「東星斑做的水煮魚」，我們還點了一個「蔥花撈豬耳」作開胃菜。「豬耳」先來，賣相很好，香氣撲鼻，豬耳切得很薄，加上大量芫茜蔥和花生，應該很惹味，吃上口，果然不同凡響，啪啪聲的，很有口感，但 ... 慘了，它加了大量花椒油，雖然我們也能吃辣，但總不能一餐有兩個超辣的菜，中伏了！！東星斑水煮魚很足料，除了魚片，還有些班頭腩，它起碼告訴食客它沒有“生鯭充石班”，湯底也很惹味，我們本來還想把湯底打包回家再翻兜，可惜，當天忘了帶食物盒，浪費！！總結，水準依然出色，但菜單要準確在菜單上加註明“辣”！！

母親節同屋企人去食~4餸一湯🤣個湯真係勁好飲，咸蛋芥菜湯，一黎就飲左3碗真係好濃郁好甜。之後叫左個豬手，真係難怪係招牌菜，好好食！個豬腳好滑啲肉都好林。啫啫芥蘭煲都唔錯。好推介大家去食

Happy Friday, 放工過去長沙灣搵飯食。本身一心諗住排壽司x, 點知搵人去拎票排隊時發現當日額已滿。唯有轉陣啦，行下行下，有人靈機一觸，話附近就係大中華。去到都係搏下有冇位，竟然有，正呀。呢度好得意，自己手寫落單，再俾侍應。我地三個人叫咗四個餸。通常出街食都會叫d自己屋企唔會煮或比較難煮既菜式。首先嚟個鐵板黑椒豬手，一上枱勁大隻，心諗三個人點食，肉夠淋，黑椒汁都好味，呢個係最快上既一道菜。跟住係琵琶豆腐，又係好大碟，有穫氣，不過好快個皮就淋咗，要快食。個煲仔飯，我見每枱都有叫，嚟到時勁大煲，呢個好食，多料，飯又做到粒粒分明，勁多蔥所以好香，我至愛最緊要佢飯焦比例唔錯，必食。最後一道菜係金沙鮮魷，等咗好耐先嚟。呢個都煮得好食，唔會油淋淋，金沙亦包得均勻，脆口嘢，九鈔九食晒最後埋單$450，我覺得性價比唔錯

我個friend話呢間係佢最鍾意既餐廳,成日幫襯，今日一試，果然係唔錯啵😋😋2個人嗌左3個餸。都係我例牌食大排檔必叫既餸，我真係好無新意😅 話時話呢到幾搞笑，係要自己寫order落張紙到交俾侍應，同埋野飲可以自己出去買。都幾好，慳返唔少酒水錢，可以係7-11/supermarket直接買野飲入去飲。1. $100 椒鹽九肚魚🐟, 好味，新鮮炸起，不過太熱辣親個咀仔添😂2. $150 🫑🌶豉椒炒蟶子，正！蟶子都幾大隻，仲要大部份殼都整走左先，得果幾隻殼用黎墊底，份量都多3. $100 🐠🍆魚香茄子煲，唔錯唔太咸，送飯一流。3樣餸2個人食其實食唔曬，淨左一大半魚香茄子。埋單$350， 都抵食。會再返黎食😂

話說好耐冇食大排檔 知道自己同事住深水埗附近 所以叫距去長沙灣食 其中一間係愛文生😂另一間係大中華 我俾大中華既土匪雞所吸引住🥺去到先知土匪雞冇賣了 真係百思不得其解wor招牌菜冇左招牌 🉐️返呢個碳燒燒鵝？原本行健康路線 卻背馳而行😒😒但燒鵝真係好食既 肉質鮮美滋味多汁😍原本菜單寫10隻 最尾黎🉐️8隻 仲話係大大隻但係我真係睇唔出🈶️幾大隻 咬落🉐️肉感好爽但冇乜味 連果皮味都食唔出 好失敗🤣🤣🉐️幾舊既聖子 炒出黎都好食既 可惜份量太少啦😎清甜爽口既菜 我好鍾意食最後想講 服務員既態度好唔耐煩 🥲我都未落完單就走左去 冇D責任感 呢間嘢價錢都幾貴 下次去食其他先🤪🤪🥸

I think this is the best daipaidong in the medium price range bracket. I think this place is superior to oi man sung (愛文生）I had the signature pork knuckle and roast duck. I wish I had enough people to order the suckling pig cause for $600 it is very worth the value cause it is hand roasted!The squid cakes are amazing but wish they would fry them a bit longer. The soup was good a lot of salted egg and veggies and tofu.Amazing place best so far my opinion

大中華飯店之前係電視節目睇過，就已經想試啦環境：有好几間店鋪，而加疫情，坐得好寬落。美食：我地8個人。叫左8樣野黃金鮮魷超好味，咸蛋黃味好足。好脆，好味炸鱔魚都吾錯，魚都几鮮味燒鴨半只好好味，皮都好脆。醬汁都吾錯。墨魚餅入面有好多墨魚粒。好”煙軔”黑椒豬手豬皮好肥味肉質都算好嫩，好味啫啫芥蘭。好細心。芥蘭頭都去左皮。所以芥蘭好嫩，味道都吾錯臘味飯超爆多蔥。個飯都好香，好味飲品：飲品種類少，啤酒要出去外面買員工：都吾錯嘅。店鋪好多，店員吾係成日都在，有咩就出去叫人。價錢：總體： 我地8個人都覺得吾錯。食得開心每人130 蚊 8個餸貴吾貴。見人見智啦。但我個人覺得味道係吾錯，有機會會再去。試其他野。

長沙灣荔枝角我喺呢個地方工作超過20年，只有一班朋友聚會，我哋就會去大中華飯店，佢裏面所主理菜式，真係千變萬化，又能夠配合客人嘅需要。香煎墨魚餅，新鮮熱辣墨魚鮮甜，再配一個泰式雞醬🤗。海鮮豆腐湯，材料新鮮又多，佢會放一啲合時令唧海鮮一齊煲，鮮甜無比。明爐燒鵝，即叫即燒，外皮趣卜卜，鵝肉鮮嫩多汁😆。最好係可以自攜酒水，免開瓶費。請注意，我估呢個服務有機會只提供給熟客仔🤷🏻‍♀️。老實講，🤣🤣每次去呢間飯店，都一定有朋友請，😂😂但價錢真係公道，抵食值得讚許👍。