大一海鮮火鍋料理 (已搬遷) 新店位置

男人聚舊，最好打邊爐，食得夠放，食得夠爽，呢度好多特色湯底，聽聞有黑松露湯底，毫不猶豫，叔要豪一豪! 店員推介我地打邊爐前先飲湯，可以原汁原味，原本見只係雜菇，但畢起好多黑松露碎碎，好濃黑松露味，正合叔意!牛肉拼盤，有安格斯牛粒，牛舌，手切本地肥牛，同牛胸爽。牛舌香口多油花，手切同牛粒肉味濃。牛胸爽睇落似肥膏，雖然叔不怕，但都好想知係咪十成十肥膏，原來係牛既橫隔膜，縮埋真係仲似肥膏，但入口好爽，幾過癮。牛魔王既我，當然要加碼多碟手切肥牛。牛丸估你唔到，入面多汁爽滑，非一般水準。黑松露帶子餃，粒粒帶子喺入面。又係黑松露，今次係黑松露芝士墨魚丸。好爽口，芝士又拉絲，再加埋黑松露，繼續叔既黑松露盛宴。識食一定like魚三角,全條魚最滑部位。油炸鬼上面有蟹籽墨魚滑，又幾棧鬼，仲脆脆地又爽口又爆籽。唔夠喉，總覺得食d殿粉質先完滿，皇后粉，第一次食，煙韌，彈牙，索埋黑松露湯，一流!唔覺唔覺，成晚好多黑松露，漸漸佔據是晚主角位置，盛宴過後又有力氣重投另一天工作了。

剛剛星期日見天氣仲未係咁熱，就約埋一班老友去打邊爐，上openrice 見到大一海鮮火鍋好多食評不錯就去試下佢. 試咗一個野菌 黑松露湯底, 朋友揀了一款牛魔王拼盤(牛脷，安格斯牛粒，牛胸爽，本地牛)牛胸爽比較特別第一次食，少少肥膏但食落口好爽， 大魚魚胶( 好滑)，雲吞皇( 好足料好爽口)， 黑松露芝士丸(夠彈牙)。 我哋三個人去叫了四樣嘢，因為湯底同配料分開逐樣收費而價錢都不便宜 另外叫了兩款小食，每人消費平均大慨四佰..咁大個女第一次打邊爐食咁貴，不過佢啲食物質素真係好新鮮 好好食都值得一試！

久唔久都有同老朋友聚下舊，最近聽到好消息就是朋友女兒結婚了，真心替她高興，今次就係帶埋老公成班一齊打下邊爐，順道吹下D仔女經呢到都有好幾種鍋揀架，不過店員馬上推介個金湯雞翅鍋比我地，話好多人回頭都係食呢個鍋呢個鍋真係好多料，我地撈都撈到成堆翅上黎，味道非常好飲，300幾蚊咁足料既金湯雞翅鍋抵爆啦我地食左D雞同翅先，雞好入味好滑，又唔會太肥。翅同花膠煮到咁上下都開始林林地，食落冇腥味醬油配料可以按自己鍾意食咩就加咩，我就係加炸蒜加蔥加麻醬，夠哂香黑豚腩片成碟花咁粉噹噹，豬就要煮耐少少，熟左之後食落唔算好鞋口，而且幾香豬味，因為佢有少少脂肪位，所以食起黎唔錯唔錯花樣油炸鬼，係有D墨魚滑同蟹籽夾埋落個油炸鬼到，我就夾佢落去滾兩滾，大概2-3分鐘應該差唔多就食得，食落索左D湯汁之餘仲脆脆地，幾好食平時食油炸鬼我都係送粥先會食，估唔到而家係火鍋都可以咁食黑松露餃，成隻包得好實，所以煮耐少少都冇爆到出黎，包功好厲害呢！而且冇偷工減料，超級爆足料，但依然好實淨，但食落又唔會死實，一定要比個讚！呢到仲有D酒飲下，不過因為佢地有D揸車過黎，所謂酒後不開車，所以我地都係冇叫到酒飲呢到D野食功夫好材料足，同

今天很開心， 因為已病了兩星期很久沒有吃好西， 一好返就想打邊爐。 見大一海鮮火鍋 食評吾錯， 可以一試 當晚同老婆七點左右到達 不用等候店員很快帶我們入座。 室內環境都算唔錯 ，餐具亦都很別緻。 因為老婆鍾意食菌類， 就點咗個雜菌松露湯底。 湯底到達後我們已急不及待飲 飲了一碗湯先， 唔錯喎，松露未夠菇亦鮮甜。 未開始前叫了一個椒鹽雜菌超正 好好味雜菌有不同厚度，味道好有層次 。當晚 火鍋配料點了- 極品本地手切肥牛 牛肉味濃， 肉質很嫩滑， 當然唔少得 -松露芝士墨魚丸 有松露味墨魚粒亦爽彈， 最過癮 係芝心仲可以拉芝添- 芝士響鈴 好食 但我個人覺得芝士味可以再濃啲。- 還有黑毛豬片跟一些蔬菜 店員推介 :有隻叫做女王粉 爽滑煙韌 幾好味幾過癮 不過掛住食冇影相

打邊爐係大班朋友gathering 至愛，呢度既大檯，最多可有3個火鍋湯底，坐邊都手到拿來。呢度檸檬薏米幾好飲，不太酸，不太甜，剛剛好，是我杯茶等人時候肚餓，最好用頭盤頂頂肚，竟然唔係椒鹽鮮魷，而且椒鹽粟米，估唔到甜粟米加椒鹽又ok喎，幾香口。湯底，最愛黑松露鍋，滾緊已經好香，好多黑松露，咁大煲湯都見到粒粒黑松露。第一次食黑松露既湯底，又唔錯喎。其他野未ready, 認唔住食左嚮鈴先，呢個加埋芝士粉既嚮鈴，又係第一次見，估唔到嚮鈴同黑松露湯底又幾夾，而且一點湯，痴埋黑松露一齊，變左黑松露芝士嚮鈴，剌身拼盤，最正係鮑魚，有個醬，係用鮑魚內臟整的，好似韓國人整鮑魚粥會，內臟先係精華味道所在。牛拼盤，有安格斯同本地手切牛肉，牛柳粒，牛舌。特別欣賞牛舌，油花均勻，切得好薄，食落好似肥牛咁，但爽爽地，又重油香本地黑毛豬都有驚喜，五花腩部份，切到薄過紙，好易熟，好香，同唔覺膩。魚三角，店員話呢度出名，即係大魚既魚鮫位置，原來d肉好滑，之前驚多骨，但其實魚餃位沒有碎骨幼骨，可原整將魚肉分離，啖啖肉，而且滑溜無比推介黑松露帶子餃，真係有2粒大帶子，爽口新鮮。油炸鬼+墨魚滑+蟹籽，滾嗰時蟹籽放湯入面，

大伙人食飯最好就係打邊爐~! 夠哂高興又可以食到多d 款式，今次黎呢間大一慶生，經理推介我地一定要試試雞煲翅鍋，話真材實料，慶生食豪d 絕對無問題啦！ 另一個選了比較有特色嘅黑松露鍋。人未到齊已經急不及待叫左2個小食頂頂肚餓，椒鹽雜菇同椒鹽粟米，炸得非常鬆脆，粉夠薄，配炸蒜椒鹽，無得輸吧！雞翅鍋真係好足料，有好多翅，8個人都每人份到幾梳，仲有成隻雞同2大舊豬骨熬湯，湯底非常香濃鮮甜，經理無介紹錯。黑松露鍋嘅香味驚人，黑松露味撲鼻而來，加入雜菌，係比較少油膩感嘅選擇。又係未落料已經飲左半煲。芝士響鈴是即炸，非常香脆。黑松露芝心手打墨魚丸，夠哂彈牙，芝士仲可以拉芝添。雲吞王入面有1隻原隻巨型大蝦，好大粒。到左全速開動嘅階段，刺身拼盤上枱，有冰鎮鮑魚，牡丹蝦，三文魚，鯛魚，帶子，魚，北寄貝，用料新鮮，刺身配火鍋，一冷一熱嘅鮮味衝擊，真是絕配。牛魔王拼盤有和牛粒，牛舌，安格斯肥牛，本地手切肥牛，牛胸爽，份量十足，圖中一片片白色嘅係牛胸爽，係牛嘅橫隔膜，薄薄一片但非常香嘅牛脂味，微微爽滑口感，好特別，推介大家要試一試。追加一碟手切肥牛，肉質紋理分明，相當嫩滑，帶少少爽口，牛肉味濃，正。牛丸質

小菜足料火候十足，火鍋料夠新鮮，靚湯飲完可以打邊爐。海鮮刺身鮮甜肥美，應該係日日新鮮運到，肥牛有一級水準入口嫩滑。手打肉丸、餃子食完又想在叫！服務及環境都非常舒適

今晚老表團出動，一圍老表出嚟食野緊係要揾坐得舒服，傾到計又食得飽既地方，火鍋係不二之選~唔好以為火鍋只係普通涮下涮下牛肉食下丸就算，而家尖沙咀有好幾間既火鍋配料用料上盛，絕對唔係滾兩滾，求其放野落口食今晚8個人，叫左兩個湯底。第一個係金湯雞翅鍋 $369。一上鍋，濃郁既金華火腿，再加雞湯氣味，非常吸引，見到湯內已經有好多魚翅群邊。我已經急不及待要飲幾碗湯先，雞肉亦好嫩滑。第二鍋為唔食雞件既表姐而設，野菌黑松露湯鍋 $169。什菌充足，輕輕放牛肉焯兩焯，係痴到哂黑松露上肉到，呢個湯唔係求其落精油架左上黑豬雲吞王，𥚃面有爽口豬肉加大蝦，蝦係新鮮充整一隻，好彈牙待應提醒食右上牛筋九既時候要小心，入面佈滿湯汁，一如所料，咬落去啲汁差啲噴到隔離個個😂所以唔好咁熱食，會碌到條脷下面黑松露芝士丸，自己唔食芝士無試，但見佢地拉芝拉得好勁，好過癮本地黑毛豬，切得好薄，所以涮三四下已經見到佢變白色可以食，油脂分布均勻，不失豬味牛魔王拼盤 $399牛脷薄身爽口又juicy牛肉粒油脂味較重手切牛肉口感幾正最想講牛胸爽，係牛既橫隔膜，滾唔駛一分鐘就食得，睇落白色好油，食落有油味但唔會泌油，反而好爽脆，好得意黑松

老友聚餐諗住食餐好既又吾知食乜，朋友推介大一海鮮火鍋料理，話有驚喜價錢同食物勝價比合理就上openrice睇睇咩環境，見評價吾錯即時訂位。當晚七時半到達，人不是太多環境格調都好有特色，餐具別緻高雅感覺好舒服。 人齊先揀湯底 湯底方便都有好多選擇 因為諗住食餐好嘅 所以我哋揀咗一個較貴 銀湯雞翅鍋 同一個正常 野菌松露鍋 的湯底試一試。 因為大家已經肚餓所以叫咗兩個小食 頂下肚先。過咗冇幾耐 店員已經端上兩個鍋底 還很專業地介紹湯底 有什麼材料 還很體貼地叫我們每人先喝一碗湯 真係一分錢一分貨 銀湯雞翅鍋 入口很鮮甜很好味 雞很嫩滑 雖然 魚翅不是高級貨 但入口亦很爽滑 很鮮味 還附帶兩嚿豬骨 哈哈 我的最愛 另外一個松露湯底 亦很濃郁菇味， 各有特色。 火鍋前我們先來一個刺身拼盤， 刺身十分新鮮 值得一提 是他們自家製的鮑魚醬 鑲在鮑魚片上吃 感覺真的很幸福， 但其實用來鑲其他刺身亦帶出很鮮甜的味道。開始打邊爐 ，我們先將所有丸類， 雲吞餃類 溚鍋， 我急不及待 以第一時間 試一試過芝士響鈴， 本身響鈴已經好好食 ，加埋芝士粉同個湯底混合埋一齊 跟住食埋個松露湯底 整嘅松露芝士墨魚丸

孖住老死烏鴉仔去食飯，因為佢同屋企人會過去英國探親，一去就去幾個月，咁咪食餐飯同埋佢屋企人聚下舊我地夾埋得4個人，今次轉戰樓上火鍋，咁岩上網睇到有新既小菜套餐，試下去火鍋店食小菜，而家D餐廳黎講見怪不怪，近期都好流行乜都有嚟到店員推介新小菜餐單，我地緊係叫4人set啦，不過點知最後都差D食唔哂，個個都食到飽到濟雖然我地都有D想打邊爐，但係店員同我地講小菜一定夠飽夠食，除非你係超級大胃王架啫首先嚟左個刺身拼盤，排位排得好有心機而且好靚，我就緊係相機食先有三文魚、甜蝦、象拔蚌片等等，種類同數量都好多，而且全部都好鮮甜美味仲有個鮑魚醬，食落加倍鮑魚味，我就唔知出邊有冇啦，但大家食完都讚不絕口魚片切得超薄，但係刺身好軟林，點少少豉油突出鮮味蝦身長而爽甜，最緊要係冇霉味！上湯時菜，上湯微鹹，味道適中，但菜食落幾鮮甜，煮得剛剛好，唔會太爛唔會太硬，索哂汁先好食果皮蒸南非鮑，聽個名都幾架勢，淡淡果香味，最緊要係隻鮑魚夠厚肉夠肥美，冇番咁上下牙力都唔夠咬，肉質彈牙有咬口薑蔥炒蟹，蟹雖然冇黃，但師傅炒出嚟既汁都幾好味，食落唔會好粉，蟹都幾有肉，出得嚟食蟹，都預左要動動手不顧儀態咁食架啦籠仔蒜蓉蝦蒸飯，超

一年一度既母親節又到啦, 為左同啊媽食餐好, 當然N年之前就打定哂電話BOOK好哂枱, 話說呢間大一仲要係啊BOB代言, 睇番OP既食評, 好評多不在話下, 個個都話好食, 等我試過先得...由於一早訂好哂枱, 所以一入去就有枱, 我亦問左經理, 經理話今日差唔多FULL哂, 冇訂位要等到唔知幾時, 真係得人驚眼見有少少似海鮮酒家既Feel, 但係乾淨過酒家多多聲,員工服務態度都唔錯我要周圍參觀下, 哇, 睇番張相先知隻鮑魚有隻隻男人手甘大, 唔知食落會唔會.....好鮮味呢..不過今次有一樣野唔同, 我去大一打邊爐之餘, 仲試佢個最新推出既小菜系列價錢我就唔多講, 大家有興趣可以打去問問刺身拼盤甜蝦, 劍魚, 三文魚腩, 油甘魚, 象拔蚌片, 鮑魚聽講鮑魚醬仲要係獨家秘制, 用黎點番鮑魚真係另有一番滋味, 鮑魚鮮味, 爽口劍魚刺身真係切到好薄, 點埋芥辣食, "攻鼻得黎又可以帶出劍魚既鮮甜, 令人一試難忘三文魚腩好肥美, 厚切加肉質新鮮果皮蒸南非鮑魚聽番服務員講蒸呢味鮑魚唔需要好長時間, 上枱就能夠聞到香濃既果皮香味, 食落口仲有陣"回甘加果香"既味, 一定用左靚果皮鮑魚就更加唔駛講

朋友介紹這個魚翅火鍋，聽後第一個反應是兩者牛馬不及。當晚到餐廳後先點了這個魚翅湯，味道濃郁，我們四人都能夠嘗嘗魚翅，這個湯底不錯了！飲湯完後，就加了火腿變成另一個火鍋湯底，我們點了幾款推介的配料，配搭新頴。最後，聽朋友說，原來魚翅湯底能夠外賣的，下次有機會會再試

因為母親節當日唔係香港，所以特別提早同媽媽慶祝，連埋家姐同佢老公一齊食餐飯。家姐Book左呢間海鮮火鍋話正👍因為都幾多人，除左打邊爐，我地都叫左個Set，同樣都有海鮮食湯底家姐就話呢到既金湯雞翅鍋我地第一次黎必試，聞落就好香，味道亦都不錯，清清帶有雞味！火鍋料我地有叫手切牛、黑松露帶子餃子、黑毛豬片、同埋油炸鬼。手切牛紅卜卜，D花紋好工整，食落啖啖牛味但又唔會太好鞋，一片唔會太厚，一口一片剛剛好黑松露帶子餃子，每粒脹卜卜，入面D料好飽滿，而且皮都好薄，食到有粒帶子，冇偷工減料喔因為媽媽不吃牛，特別點左個黑毛豬，黑毛豬肉好粉嫩，脂肪平均，薄薄捲埋成一堆花，連擺盤都頗有心思，食落冇羶味，正！油炸鬼係有層墨魚滑加蟹籽係上面，好得意未食過，浸落去一陣就食得，食落仲有D脆脆，而且索左D湯底，鹹鹹地好正套餐係4人份量，但我覺得5-6個人食都足夠。其中入面有海鮮刺身盤、上湯時蔬、蒸肉餅、薑蔥花蟹、蒜蓉蒸蝦飯海鮮刺盤有好多款海鮮，有甜蝦、劍魚、三文魚腩、油甘魚、象拔蚌片、鮑魚，其中我至鍾意食就係蝦刺身同埋鮑魚刺身！蝦刺身微黏滑物，入口味道濃郁，蝦身爽口彈牙，非常之惹味。至於鮑魚，有個佢地自家製既鮑魚汁

同女友响尖沙咀workout完，半夜近十一點肚仔餓搵嘢食，梗係第一時間上「開飯網」按圖索驥睇睇附近邊度有好嘢食啦。女友不論四季都鍾情打邊爐，好啦！今晚就哂妳！就搵打邊爐。掃一掃附近，竟然發現寶勒巷有一間「冇喊臉」嘅火鍋喎！一於上去試吓。行到樓下一望，哦原來就係舊時最大嗰間卡拉OK嗰棟大廈嘅２字樓。升降機上到去一睇，嘩！乜得我哋兩個人包場呀？一眼睇哂，立即意會到老闆似乎深諳香港人熱愛卡位嘅獨特文化，全場統統都係卡位嚟，而且係仿照高級韓式烤肉店嗰種高椅背寬敞卡位，向馬路嘅窗口位嘅窗臺仲有成呎咁闊嘅空間可以用嚟擺放隨身包袱，嘩一坐低已經覺得好舒服好正呀！藍色格調嘅餐紙與水杯，黑白分明嘅兩雙筷子，細節上之細緻就係值得矜貴。個人好鍾意呢種陶瓷質感嘅餐具，最重要嘅係佢冇水漬！出面好多扮高級嘅食肆，無論啲餐具用得幾靚，始終畀未抹乾淨嘅水漬出賣！但係呢度冇發生咁嘅事，好嘢！襯埋一set嘅茶壺與紙巾，掂！用竹筒裝嘅生蒜、乾蒜、辣椒乾、蔥花、辣椒豉油、沙嗲、芝麻等八味架。zoom近少少畀大家睇吓，肥仔奇則向來獨沽一味落生蒜。好嘞門面嘢講完，入正題，點菜！首先梗係揀個湯底啦！因為肥仔奇想試真啲食材嘅真味，所

事緣之前係FB見到阿BOB賣廣告，仲有隻歌仔唱，所以先知道有間海鮮火鍋係尖沙咀，睇下留言好似唔錯，所以特登收工過黎約埋班FD黎試下間野原來係二樓，入到都幾企理，白雪雪乾乾淨淨，8點幾鐘都差唔多一半場爆左人，好彩一早book定檯收工好肚餓既我地坐低拿拿林睇下有咩食，嘩，睇到最頭個湯底要成369，但係見到寫左推介，成班FD都話搏一搏試下呢個金湯腿翅鍋黎到店員教路可以試一試個湯，飲落原來幾好飲，而且原來入面好足料！雞肉好嫩滑，成個湯都好多翅，味道冇咩味精，應該係真材實料滾左好耐，所以係未落料打邊爐之前我地都飲多幾碗我地成班牛魔王，叫左碟(大)頂級本地手切肥牛，色水好靚，花紋都好均一，最緊要係食落牛肉味香而滑，落一落湯幾秒就食得，唔洗淥咁熟。成碟冇耐就比人清哂，如果係老牛就冇人吼啦花樣油炸鬼係店員推介，話係有D蟹籽加蝦膠釀落個油炸鬼到，淥分幾兩分鐘就食得！食落去都幾得意，平時係火鍋店都未見過呢味野，有D蝦膠肉，而且淥完D油炸鬼仲有口感，唔知係點做？平時食粥浸一浸油炸鬼都林哂一劈野，所以我都唔清楚係咩原理，但總之就好食我地仲叫左D青荀，少少地都要食D菜既。出面又係未見過有青荀叫，唔知係咪我打邊爐