影片
以上资料只供参考，请与餐厅确认详情
最近去咗一间日系fusion嘅餐厅，整体食物质素唔错，味道几有诚意，食材配搭都几有新意。不过比较细份，适合想轻松试下多款菜式嘅朋友。🍚 左口鱼煲仔饭煲仔饭一上枱已经闻到好香，都做到少少饭焦，食落有口感。左口鱼炙烧得好，油脂香气啱啱好，加埋鱼子，咸香中带啲微爆感，整体味道几有层次。🥩 和牛牛脊翼肉味浓郁，煎得外焦内嫩，熟度掌握得好，唔会干。牛脊翼啲筋位处理得干净，配埋自家制辣椒洋葱酱，味道平衡得几好。不过份量比较精致，几啖就清晒。🟤 炸和牛波波睇得出一炸起就上枱，里面啲和牛肉仍然保留肉汁。咬开仲不停冒紧烟 ，唔算太油腻，上面𠮶啲酱点缀啱啱好。不过只系得两粒，食完有啲唔舍得。🍘 海胆吞拿鱼蓉夹饼 / 红虾紫菜夹饼两款夹饼都几有创意。海胆吞拿鱼蓉入口滑，同夹饼嘅脆感做出对比，味道几鲜，但冇乜惊喜。反而红虾𠮶款有惊喜，红虾本身好甜，加埋虾膏，成个感觉好夹。总结整体食物水准高，摆盘靓之余味道都交足功课。fusion元素唔会太花巧，反而几自然贴合。不过份量方面的确偏细，建议多人一齐share多几款，会食得比较满足。
继续阅读
呢排见到社交平台劲多人推介所以订左位去试试入到去有日本酒吧feel呢到都有调酒师推介⭐️⭐️⭐️⭐️红虾紫菜夹饼上面仲有红虾虾膏😍😍正👍🏻韩式烧羊颈第一次食，包住芝麻叶食得几特别羊颈肉软腍👍🏻韩式烧牛舌芯经过腌制味道入味但有少少韧左口鱼煲仔饭好香鱼油味😍大推
继续阅读
原本打算 walk-in 尝试这间餐厅，初时感觉不错，虽然冇枱但有职员问我哋饮唔饮Cocktail并主动提出可以坐吧枱，仲话可以照叫主餐牌嘅菜式，只系冇左口鱼煲仔饭。呢点我哋都觉得无问题，就决定一试。（我哋𠮶阵时唔知佢意思系每人一定要嗌一杯酒）入座后，我哋点咗唔少食物，等咗半个钟都仲未有野食。其间 bartender 问我哋会唔会想饮杯酒，我哋话唔饮酒，但见佢炒茶好香，就问可唔可以饮茶。佢语气极不礼貌咁回应：「我哋呢度整酒唔整茶，食嘢返隔离餐厅睇下有冇位」，明明就系因为冇位佢哋职员先提出可以坐喺度食。点知𠮶位 bartender 行咗过去，佢返嚟之后就叫我哋转去后面 sofa。之后更加过份，佢即刻用消毒喷雾对住我哋原本坐嘅位置狂喷，枱、凳、甚至坐位踩住嘅𠮶旧木都喷足1-2分钟，好似我哋污糟晒咁，侮辱性极强。再之后，有另一位职员走埋嚟话如果唔嗌饮品就唔可以喺度食嘢——等咗大半个钟头，之前完全冇人同我哋必须叫一杯酒，我哋被迫离开。临走时，𠮶位男 bartender 好大声咁讲：「同埋呢下次着返对鞋！」，我哋load咗一阵佢讲咩因为我哋一直都着住对鞋。然后我哋先醒起我朋友系因为整亲脚，所以等食物期间有痴布，佢竟然话我哋除咗鞋（正常女生刮脚黐胶布嘅动作，绝对冇将只脚放上枱凳），态度粗鲁无礼，完全唔专业。佢仲要好大声讲多次「下次唔好除鞋」。整个过程令人极度被冒犯，系我人生中极少数咁差嘅用餐体验。唔单止服务差，仲要羞辱客人，绝对唔会再帮衬，亦唔会推荐俾任何朋友。
继续阅读
一间创新又用心来做既新派日本菜，无论在饮料与菜式料理方面都给人一种新鲜既感觉，前菜与主菜都令人惊喜，好食和食材好新鲜，绝对是物超所值，吃过后一定会跟朋友再来帮衬。希望他们继续努力创新更多菜式
继续阅读