多寶齋 (麗姐主理) (已結業)

拍檔係素食者，日日都在這裡食晏。今日搞唔成即興飯局，就同左拍檔來食晏。主理人是虔誠的佛教徒，開這間小小的齋食店是為了一個願心：多一人食一餐素食，就少一次殺生機會。店面很細小，有樓上及地下兩部份，午市只供應定食，位位20 大元，包任飲自助例湯以及四碟頭飯﹝份量可多可少，人客可以自己講明，可配白飯、炒米粉、公仔麵等﹞，有時麗姐煲了糖水，亦會免費贈送，送完即止。所有食品均不含味精。是日例湯係淮山紅蘿蔔煲粟米湯，好清甜，嗜濃味者可能會覺得略淡，我就覺得剛好。菜方面有紅燒豆腐、炆南瓜、麵筋炒小黃瓜同清炒小白菜/灼唐生菜。南瓜是非常香甜送飯，豆腐不會太厚獻，幾好味。另兩味菜就普通水準啦。這裡夜晚有得打邊爐，每位只係40大元，有多款素菜同素肉及素餃子可供選擇。湯底有素上湯或無花果、黨參、淮山及杞子湯兩種選擇。以前來食過，味道唔錯，選擇菜選擇都唔算少。