多多雞大排檔

营业中

休息中

元朗有好多大排檔，但我比呢間嘅招牌燒雞吸引咗!! 一定要黎食!夏天食大排檔有風味之餘最緊要有冷氣，呢到有2層室內，都有冷氣，可以食得舒舒服服🥢炭火燒雞基本上每枱都必點! 建議一入座就叫左先，因為即叫即燒，要等30分鐘~原隻上枱，好有睇頭!! 一上枱已經聞到陣陣燒烤香味，雞皮燒到金黃色，仲有啲微微焦痕，帶少少油光，賣相超有食慾! 啲肉仲係嫩滑多汁，冇焗到乾晒。雞皮脆卜卜，咬落去先有炭香，跟住啲雞肉鮮味就爆晒出嚟，肉汁滲晒出嚟，每咬一啖都好滿足，再點啲淮鹽，味道即刻再提升🥢西蘭花炒鮮魷西蘭花炒得啱啱好，保持到爽脆同水份，咬落去有啲“咔嚓”聲。鮮魷片厚薄適中，唔會嚡口，彈牙又帶鮮味。成碟菜用咗啲蒜同清雞湯快炒，味道唔會太重，啱啱好突出晒材料本身嘅清甜同鮮味🥢啫啫魚頭煲成煲熱辣辣，香氣撲鼻，啲魚頭件件煎到金黃色，外皮微微焦香，仲滲住啲惹味醬汁，煲底鋪滿晒蒜頭、豆豉、乾蔥、辣椒粒同埋蔥段，全部炒到香氣十足，魚頭皮脆肉滑，魚肉厚實又多膠質，食落啖啖黏嘴，送白飯一流

多多雞大排檔今次係我第二次嚟元朗食呢間大排檔叫「多多雞大排檔」，每次嚟到一定會叫佢哋招牌菜炭火靚雞，係用大瓦缸高溫碳即場燒制，大約要等半小時，輪椅人士如果要入去食嘅話，連我都無辦法，呢間大排檔門口係有兩級，好彩門口可以放枱，無論天氣幾熱都好，門口放張枱，食隻靚雞，飲飲酒，幾熱都唔記得哂，依家有新優惠就係用$48可以堂食飲38支啤酒，仲可以叫大支藍妹，只要求其叫一碟小菜就可以用呢個優惠，今日買明天就可以用，每次只可以叫2支啤酒，六人以上可以叫4支啤酒，有效期兩個月期要用，非常抵飲！1.招牌即燒炭火靚雞$198/隻（9.5/10）呢隻炭火靚雞係用大瓦缸高溫碳即場燒制，大約要燒半小時，靚雞真係靚雞，大大隻燒到好靚，外皮好薄脆，一剪開肉汁流哂出嚟，雞肉好嫩滑，好新鮮！2.沙嗲金菇牛肉啫煲$128（10/10）呢個沙嗲金菇牛肉煲個沙嗲味非常正，粉絲完全吸收哂沙爹汁，牛肉肉質非常嫩滑，大約都有10片牛肉，金菇都幾多，仲有三色椒同洋蔥等等！3.乾炒牛河$108(9.5/10)呢碟乾炒牛河唔會太油，牛河上面落咗好多芝麻粒，牛肉肉質非常嫩滑，大約都有10片牛肉，仲有芽菜同蔥等等，加埋辣椒醬更好味！4.罐

同老best真心想感受一下熱熱鬧鬧嘅夜生活😂決定找間人氣大排檔食飯吹下水，開開心心過一晚。✨招牌即燒炭火靚雞✨上枱就忍唔住 「嘩！嘩！嘩！」🤩🤩🤩，聞到超香，望落金黃靚仔，打卡一流👍🏻👍🏻 一啖下去，雞皮烤得香脆，雞肉滑嫩，名副其實皮脆肉嫩😍肉質不柴且見到不少肉汁，真的令人好滿足。✨王牌多多雞小炒王✨超級多料，內裏大有乾坤，有韭菜、蝦米、腰果、花生、白飯魚、魷魚及洋蔥等。超有鑊氣之餘，炒得極其乾身且非常香口，真的十分惹味，令人胃口大開，馬上叫碗白飯一齊食🙌🏻。✨椒鹽鮮魷✨炸衣薄，完整地包裹着鮮魷，不會有食粉的感覺，零粉感。一口下去，香酥且脆卜卜，彈牙又爽口，好食到舔舔脷😋餐廳非常熱鬧，可以開心暢談，氣氛超正👍🏻想睇更多介紹，馬上Follow我啦😁。#多多雞大排檔 #big_big_foodie #big_big_foodie食勻元朗 #big_big_foodie食勻香港

今日我去咗「多多雞大排檔」食晚餐，真係食到好滿足！😍 首先，椒鹽粟米一上嚟就吸引到我，粒粒都香脆，味道濃郁，吃一口就停唔落！🌽✨然後，啫啫通菜煲都好正，熱辣辣嘅通菜煲，加上啫啫聲，真係好有氣氛！🍲💚 通菜鮮嫩，配上特製醬汁，令人一試成主顧！接住就係炭火靚雞，雞肉外焦內嫩，炭香四溢，食落去好有口感，真係一流！🔥🍗 朋友都話好味，人人都想再嚐多一口！最後，瑤柱蛋白炒飯就係完美嘅結尾，米飯粒粒分明，瑤柱嘅鮮味同蛋白香滑，簡直係人間美味！🍚🥢仲有，記得八點前埋單可以享有八八折優惠，真係超抵！🎉💰 整體而言，「多多雞大排檔」嘅食物質素高，環境輕鬆舒適，服務態度都好好，絕對值得再來！下次仲想試多啲其他美食！✨🥳地址：多多雞大排檔 (元朗)香港元朗又新街37-51號富祐閣地下14號舖

炭火靚雞煙熏香一試難忘，皮脆肉嫩，炭香融合雞味，每啖都好有懷舊大排檔風味,難怪每枱都必點隻烤雞。金蒜一字骨外層香脆惹味，蒜香濃郁，骨肉分明，鹹香剛好，不覺油膩，啤酒絕配。豆豉鯪魚炒蔬菜清新爽脆，豆豉鹹香融入青菜，鯪魚香口帶，食落有層次，送飯一流。整體食到大排檔風味而且又有冷氣嘆超正，三道菜各有特色，真心推薦。唔怪之得平日都坐無虛席。臨走前仲買咗啤酒套票$48元有38支，下次約埋班friends再去飲飽食醉。

#鼠尾草食飲玩 #sagefoodiehk貓貓🥰 × 熱鬧🫶🏻 × 鑊氣😋元朗不嬲都好多好嘢食，而講到大排檔，一定要揀又熱鬧，嘢食又有質素嘅呢間貓店長小炒😍！舖頭名雖然叫大排檔，不過係舖位，有冷氣，而且價錢好抵，八點前埋單有八八折優惠👍🏻！招牌即燒炭火靚雞真係同個名一樣，即叫即燒，超級靚🤤！燒出嚟外皮超級脆卜卜，有油脂香味，而且好有肉。豉椒炒花甲亦都夠香口，香濃嘅豉椒調味好夾花甲嘅鮮香味，超級送飯✨。豉油王鵝腸份量大大碟，而且鵝腸有滿滿嘅油脂感，啱晒大排檔氣氛，飲住嘢咁食，夠晒盡興😎。💰 招牌即燒炭火靚雞$198 💰 豉椒炒花甲$148 💰 豉油王鵝腸$118

我認為呢間多多雞係元朗最好食既大排檔，招牌燒炭火靚雞真係冇得輸！即叫即燒，成隻雞上枱超有打卡feel，皮香脆得嚟有啲接近乳豬皮，啖啖肉嫩又juicy，雞味十足，啲肉新鮮冇雪味。小炒王係另外一款極力推薦既菜式，一上枱都已經好香，配搭得巧妙：韮菜、蝦乾、魷魚樣樣炒得惹味，醬香加埋豬油爆香一齊炒，熱辣辣配杯冰凍啤酒，非常過癮。食材新鮮，蝦乾有咬口，冇咩油膩感，炒功完全唔hea。姜蔥肥生蠔啫啫煲都好好食，蠔夠肥美，啫完都keep到鮮味，配埋姜蔥超惹味！每啖都有質感，唔會淋晒或者縮水，食得出材料高質，啲師傅好識控制火候。

又新街都是開飯的熱門地點，是夜跟家人到多多雞大排檔開飯，平靚正的好選擇。現代的大排檔，多了冷氣、有瓦遮頭，依舊還有人情味。街坊小廚，值得多多光顧。招牌即燒炭火靚雞 $198，使用大瓦缸高溫碳即場燒制，原隻上枱，賣相有氣勢。餐廳會睇客人剪開，方便進食。雞肉有碳香味，質地嫩滑不用再添加醬料，已經非常美味。原汁原味的原隻雞髀拿着吃，另類風味，給人很暢快的感覺 😁😁😁王牌多多雞小炒王 $128材料豐富，韭菜花脆腰果少不了，還有巨型蝦干及鮮魷，佐酒拌飯都非常合適。煲仔菜都是這裏的招牌菜式，點了尖椒啫󠄁五花腩 $108熱辣辣的原窩煲仔上枱，五花腩夠乾身，完全不油膩，反而非常香口。尖椒不算辣，整體味道不錯。近期愛上可口可樂，尤其是食粵菜時，總是少不了要點返一罐😂😂

係鳳琴街體育館🏟️打完波好肚餓！所以就去左搵多多🤤之前食過一次 對佢既燒雞念念不忘😛💡招牌即燒炭火靚雞即叫即燒🪵用大瓦缸高溫碳即場燒制🔥原隻上比你打卡 打完卡師傅仲好窩心幫你斬！大大隻雞肶 皮脆肉嫩多汁💦個皮脆到有啲個乳豬皮🤤🦪酥炸台山蠔巨無霸！隻隻都大過包tempo🦪一碟8隻 優質蛋白質💪🏻外脆 內鮮 必叫🫦🍳王牌多多雞小炒王韮菜、蝦乾、豆腐及魷魚🦑炒雜錦 大排檔必叫送啤酒一流🍻爆香豬油黎炒餸 整碟好香口 一啖接一啖🐿️🍃建議book咗枱先 琴日七點去到full House等到八點先有位🥹不過好彩有等！食到最想食嘅燒雞 隔籬枱仲追加咗兩隻雞🤣仲話 廣東人做雞好出色🤤

近排同老公發現元朗有間大排檔嘅原隻燒雞好出色外脆內嫩！仲可以帶海鮮加工！天氣熱想系室內嘆大排檔係一個唔錯嘅選擇～入到去坐滿人！相信食物質素都唔差～環境菜款式同大排檔差唔多！非常地道！一大班friend屋企人黎食晒唔同菜式～一定好熱鬧！美食⭐️⭐️⭐️⭐️⭐️🩵招牌即燒炭火靚雞成隻雞充滿炭火香濃鬱，使用傳統炭火烤製，雞肉會吸收炭火的煙燻香氣，帶有獨特的焦香和木炭風味，燒到外皮酥脆焦香！金黃酥脆的外殼，咬下去會有"咔嚓"聲，同時油脂被逼出，香而不膩。肉質鮮嫩多汁🤤可以原隻或者切件上～🩵大澳蝦醬炒通菜蝦醬選用大澳特產蝦醬，蝦醬的鹹鮮帶海鮮的腥鮮，炒熱後香氣撲！鹹中帶鮮甜，通菜的清爽脆嫩，通菜莖部清爽、葉片軟嫩，能吸收蝦醬的鹹鮮，同時自身的清甜味能平衡重口味👍🏻🩵牛腩蘿蔔煲牛腩燉軟嫩入味，帶筋部位膠質豐富，口感軟糯微彈，油脂融化後讓湯汁更香濃。蘿蔔的清甜入味，白蘿蔔燉煮到半透明，吸飽牛腩湯汁，入口即化，本身的清甜與肉汁交融，牛腩煲加入蒜頭洋蔥薑香料爆香～超惹味！非常地道嘅菜式👍🏻👍🏻👍🏻

📍 多多雞大排檔{元朗｝就算要等30分鐘先可以食到，我覺得都好值得🐔講緊既唔係一般大排檔既餸，係呢間大排檔獨有既燒雞🤭我每次黎到，就算只係兩個人，都一定嗌一隻❤️❤️黎到呢間大排檔，必定要食呢隻招牌✨招牌即叫即燒燒雞🐔嗌完仲要等25分鐘，點解甘耐？因為即叫即燒囉！剛在窯拿出來的燒雞仲係冒煙，每隻雞外皮燒至均勻金黃色，撕開是皮脆肉嫩，帶淡淡煙燻味，流出來既係雞汁而不係雞油，蘸試雞汁同食更加鮮嫩可口，一隻雞兩人同食份量剛剛好，就算經過，外賣回家當作晚餐加餸亦是不錯既選擇。雖然只係為燒雞而黎，但其實佢啲餸都好好食😋夠哂鑊氣，由其係煲類，未上枱，只係後面送緊過黎，聽不停聽到沙沙聲，不得了😳✨魚香茄子煲魚香茄子煲嘅茄子煮得軟嫩入味，配上特製的魚香醬汁，鹹香下飯🍚✨胡麻醬沙拉骨以酥炸方式煎炸至金黃色，然後用佢地特製沙拉醬，將豐富既胡麻醬同酥炸嘅排骨拌勻，令醬汁「掛」係肉排上，齒頰留香。

個人一向鍾意白肉多過紅肉，好味又健康D呀麻😉無意中俾我發現元朗有間新開大排檔，出名食燒雞，而且係即叫即燒，為食既我當然要帶埋屋企人去食好西🤭招牌即燒炭火靚雞 198/隻即叫即燒，要等30min左右，然後原隻燒雞上菜俾客人過目及打卡，然後職員會攞去切件，有需要仲可以攞埋膠手套，方便客人進食，服務細心☺️燒雞外脆內嫩，入口熱辣辣又juicy，而且調味岩岩好😋好耐未食過咁香口高質既燒雞，我地全家一向食雞唔食皮，但呢隻既雞皮肥而不膩，咬落香脆👍🏻出品認真有誠意椒絲腐乳炒時蔬 $78通菜夠爽脆幼嫩王牌多多雞小炒王 $128份量澎湃，擺盤有別於一般餐廳既小菜王，客人可行拌勻，用料豐富，有韮菜、蝦乾、腰果、魚仔乾、菜脯同魷魚等，食落有鑊氣，夠香口😋口感非常豐富，去親大排檔都會order，咸香餸飯/啤酒都岩

今晚到元朗一間有氣氛又有炭香嘅好地方*多多雞大排檔* 🔥🔥他們主打即場炭火燒，一坐低就要咗招牌靚雞，燒雞外皮燒得金黃微焦，肉質嫩滑多汁。香味撲鼻，店員仲會幫剪，十分貼心「椒鹽鮮魷」炸得香脆乾身，鹹香惹味，咬落彈牙；「豆腐斑腩煲」乾身煲仔菜，醬汁濃郁，斑腩滑溜，豆腐吸晒精華，用嚟撈飯真係一絕！🥢露天坐位啱晒同朋友吹水飲啤酒🍺，員工又親切、街坊又熟絡，氣氛夠晒地道～支持本地大排檔，就係保住屬於香港人嘅味道！下次再嚟！💛

平時都已好多人幫襯，每次都要訂位，今日母親節，等檯及訂檯的人，車輪轉，未停過，雖然多人，但大廚仍保持水準，兩位老人家食得開心，更對燒雞讚不絕口，另外讚揚今日超多人，但待客態度，依然笑容滿面，好野，食物好，態度好，難怪咁多客幫襯

朋友介紹話呢間好食，所以放工就過咗嚟好易搵，燒賣皇后行後啲，再轉左就到啦嗰日叫左7個餸蒜蓉炒西蘭花🥦蝦醬炒豆苗🥗從來都未試過用蝦醬炒，連個店員都confirm我哋係咪嗌呢個餸，食落幾特別🤣🤣🤣🤣🤣薯仔黑椒牛柳粒🐮牛肉腍身，調味整得好食咕嚕肉🥩即叫即炸，咬落去唔會勁硬（有啲餐廳會整得唔好食，搞不掂）啫啫雞煲🐓惹味嘅選擇，雞肉好嫩燒雞個皮超脆，店員好好咁幫我哋拆埋肉🥰仲問我哋使唔使要手套食黃金系列炒鮮魷🦑我最愛的鹹蛋黃味💗💗💗💗💗好正食咗成餐飯都覺得好媽媽嘅味道🤣🤣🤣🤣唔會太濃味😆人均$209抵到傻🥹可以慢慢吹水，又唔會趕人走🫡真係唔係間間餐廳都做到