多多雞大排檔

营业中

休息中

平時都已好多人幫襯，每次都要訂位，今日母親節，等檯及訂檯的人，車輪轉，未停過，雖然多人，但大廚仍保持水準，兩位老人家食得開心，更對燒雞讚不絕口，另外讚揚今日超多人，但待客態度，依然笑容滿面，好野，食物好，態度好，難怪咁多客幫襯

朋友介紹話呢間好食，所以放工就過咗嚟好易搵，燒賣皇后行後啲，再轉左就到啦嗰日叫左7個餸蒜蓉炒西蘭花🥦蝦醬炒豆苗🥗從來都未試過用蝦醬炒，連個店員都confirm我哋係咪嗌呢個餸，食落幾特別🤣🤣🤣🤣🤣薯仔黑椒牛柳粒🐮牛肉腍身，調味整得好食咕嚕肉🥩即叫即炸，咬落去唔會勁硬（有啲餐廳會整得唔好食，搞不掂）啫啫雞煲🐓惹味嘅選擇，雞肉好嫩燒雞個皮超脆，店員好好咁幫我哋拆埋肉🥰仲問我哋使唔使要手套食黃金系列炒鮮魷🦑我最愛的鹹蛋黃味💗💗💗💗💗好正食咗成餐飯都覺得好媽媽嘅味道🤣🤣🤣🤣唔會太濃味😆人均$209抵到傻🥹可以慢慢吹水，又唔會趕人走🫡真係唔係間間餐廳都做到

上網搵元朗大排檔，見到此間大排檔在openrice只有讚，無彈，即管去體驗下，真心估唔到堅正，小菜夠火候，靚仔侍應服務態度好本人老友在日本釣了「冧蚌、石鯛」在大排檔加工，完全掂，小菜：炸魷魚鬚，炸粉又脆又薄，不油膩，大腸啫啫煲，夠晒野味，其他小菜同樣好食，燒雞味道超正，皮脆肉滑，唯一唔開心是，諗唔明白，點解只係我枱燒雞是碎上囉，無左興奮囉最後靚仔侍應搬了原隻雞比我影相，奉勸食燒雞講明全隻上

大排檔冬菇亭係元朗嘅特色之一，但好壞參半，非常難食，一般家常小菜，貴到離譜都有，呢家雞係朋友介紹下一試脆皮雞要預早訂否則可能會白走一趟，試下係咪真係咁好食，即叫起菜即時燒，等左半個鍾終於黎啦！旁邊嘅人都係1隻隻雞咁吊住影相，我地就唔好攪咁多啦！切埋黎啦！ 皮真脆，肉真嫩，老闆話用荔枝柴黎燒嘅，但就冇乜木香味，反而就有一種煙燻嘅香味，雞肉燒到剛剛好，仲有好多，係好多嘅汁水tim，堅係正！小炒王就特別地用上大大條嘅鮮魷魚鬚，成碟都係水準以上嘅作品臘味炒芥蘭正常以上發揮雞真係要食，特我地只係嗌咗半隻雞，眼睇到有大半隻咁濟下次再試埋其他唔同嘅小菜，咕嚕肉，黑椒牛先

琴晚同幾個frd係元朗，見到呢間大排檔門口擺左好幾張檯，好熱鬧～所以就攞位😂黃金墨魚嘴～炸得好鬆脆，全部都係一口size，所以每一粒都痴曬鹹蛋黃，好香口。墨魚汁唔會炸到乾曬，我鍾意點埋舖頭嘅辣椒油，送酒一流！薑蔥魚標～越來越少地方見到，即刻叫。薑蔥爆得好香口～魚標嘅size個人覺得細粒左dd，所以咬口唔夠，但味道就good👍🏻盆龍鱔，豉汁教得好好，好食得出鮮味同埋豆豉香味。招牌燒雞～因為見到每一檯都有，所以就跟機。上檯係一隻完整嘅，比埋手套同埋鉸剪我自己操刀。皮非常脆身，聞到係有荔枝柴火燒嘅味道。剪開裏面好juicy，除左雞胸位本身係實淨之外，其他位置都係嫩滑。調味都好好，清楚見到醃料仲係雞腔，味道good👍🏻

聽朋友講話佢呢到嘅招牌燒雞好食，所以專登黎試一試，職員話要等30分鐘先食得，所以等嘅過程就嗌咗其他小菜食下蒸蠔仔粉絲蠔仔嘅分量足、食落唔腥，蒜蓉味唔會話好重，冇搶走咗蠔本身嘅鮮味👍🏻椒鹽海中蝦椒鹽海中蝦煎得好香脆，就黎連蝦殼都可以吞埋😂椒絲通菜腐乳炒椒絲通菜腐乳炒嘅通菜夠曬爽脆，小菜黎講幾出色，本身個人幾中意食通菜，見佢有啫啫煲，下次試埋佢嘅通菜啫啫煲先食得七七八八嘅時候燒雞都得了。果然係佢地嘅招牌，燒雞皮脆而內嫩多汁，雖然有另外提供埋椒鹽，但個人覺得佢地醃得相當入味，唔洗再額外點椒鹽已經好好食。店家會提供埋手套同剪刀比食客自己剪開隻燒雞，幾得意嘅體驗。臨走嘅時候先留意到呢間大排檔居然營業至凌晨4點！絕對係同朋友聚會吹水嘅好地方😂下次約多啲朋友再黎呢到食多次先！

今日約咗朋友到元朗大排檔食個晚餐😎👍 見到呢一間大排檔最多人，所以就入咗去裏面🤣🤣 而且喺又新街個邊👍👍 10分方便招牌即燒雞-$198 喺餐廳見到一個二個都叫這招牌菜式，於是選擇了這款👍👍😎 order的時候老闆娘已經告知我們要等差不多半小時，上枱真的很不錯😍😍 啲雞肉十分之滑，外皮亦都十分之脆。裏面的汁也鎖住。👍👍👍 真的10分推介。金銀蒜蒸開邊蝦-$158賣相很不錯，蒜蓉鋪喺面頭，粉絲鋪喺蝦底，盡吸那蝦的精華👍👍😎順德啫焗白鱔-$188打開煲蓋，啲白鱔味十分之飄香😎😎👍食落亦都唔會太腥都冇泥味。十分之爽口👍👍 也10分推介總括來說，這間餐廳的食物質素非常之好夠鑊氣，夠味道，啱晒一大班人過嚟傾偈聚會👍👍😎 地址：多多雞大排檔 (元朗)元朗又新街37-51號富祐閣地下14號舖

📍 多多雞大排檔 -元朗係元朗有好多宵夜既選擇～今次我地食大排檔！呢個係非一般嘅大排檔，鑊氣十足🔥必定要叫有｛煲}嘅小菜❤️最鍾意聽到上台嘅渣渣聲🥳✨ 招牌即燒炭火靚雞炭燒出品，需時半小時，一拉出嚟啲雞肉已經好Juice，肉汁係湧晒出嚟，皮脆肉嫩，金黃色既雞皮，先係精華，每一啖食落去都係脆卜卜🐓呢個招牌燒靚雞$198，真係物超所值❤️✨ 四哥蒸肉餅好特別既一道分別食到兩個不同味道既肉餅🐷一邊係章魚，一邊係鹹魚🐟用手剁的鮮五花腩肉，而加入適量的蛋漿和馬蹄粒，可令肉餅更Juicy，加埋章魚同鹹魚嘅鹹香味，滲透晒喺豬肉入邊🐷💯✨ 馬介休魚香茄子煲奉桌滾燙，香味四溢，魚香飄十里，汁夠濃味，鹹香四溢！茄子軟腍，更入味，撈飯一流🍚✨ 厚切牛舌啫煲好有鑊氣嘅一個煲，厚切嘅牛舌口感肥美鮮嫩，而且唔會過火，煙韌度剛好🫰🏻重點係份量好多，多到可以四個人一齊分享💕

〰️椒鹽九肚魚 （$118）好耐無食過九肚魚了，開心🥳！金黃酥脆，上嘅粉薄薄的，又無骨，送酒一流～〰️刺激芥辣靚一口牛 （$168）每粒牛粒沾滿哂蜂蜜芥末醬，辣得嚟唔會太刺激。仲有蜂蜜嘅香味，整體感覺幾清新的。〰️招牌即燒炭火靚雞 （$198）呢個招牌雞係必叫的！不過就要預需要一啲時間，因為係用大瓦缸炭火即叫即燒的。外皮燒到金黃帶點微焦更加香脆，出色地將肉汁鎖住。可以自己手撕嚟食，或者叫店員幫手切好都得。😙〰️金銀蛋時蔬 （$88）皮蛋、鹹蛋、肉碎同埋上湯煮芥蘭，清清地得嚟又令人有食慾。〰️瑤柱蛋白炒飯 （$118）飯粒粒粒分明，瑤柱令到成個飯增添鮮香。份量都多，多到食唔哂要攞走。😆〰️〰️📍 多多雞大排檔 (元朗)元朗又新街37-51號富祐閣地下14號舖

多多雞大排檔以專賣燒雞有名，是元朗的人氣大排檔，更營業至凌晨四時，從開業至今深受許多食客所喜愛，更有不少死忠的老顧客不定期的回訪品嚐，多多雞大排檔以大瓦缸燒雞，令人品味過後依然想念其燒雞，不論是朋友聚會，或是家人聚餐，多多雞大排檔也是好選擇。魚香茄子的精神就是茄子和鹹魚的提煉，馬介休魚香茄子煲一上桌，茄子皮的鮮紫色，肉碎與馬介休的調味，白飯多幾碗也沒問題。馬介休魚香茄子煲把馬介休魚香發揮得淋漓盡致，肉碎細緻且入味，充份散發馬介休鹹香的層次，茄肉部份軟嫩鮮甜，使人食慾大增。香茅啫乳生蠔跟一般那種薑蔥搭配乳生蠔蠻不同，多多雞大排檔以蒜蓉及香茅提味，個人覺得頗有特色。大顆肥美的乳生蠔直接鍋中「啫」，加熱的香茅跟蒜蓉釋出水份，與乳生蠔完美融合，乳生蠔本身就甜鮮，「啫」過的乳生蠔更為鮮香，讓人愛不釋口。薑蔥龍躉頭骨腩啫煲一向是廣受大家喜愛的下飯菜式，現點現做薑蔥龍躉頭骨腩啫煲送上來時還可以聽到薑蔥與龍躉骨頭腩經過高溫料理所發出的滋滋聲響，冒出極致迷人香氣。薑蔥風味穿梭在龍躉骨頭腩中，龍躉骨頭腩魚皮飽含豐厚膠質，咀嚼滑嫩的魚肉，每一口均是海魚鮮味。多多雞大排檔鎮店之寶招牌即燒炭火靚雞以金黃誘人的姿

今日約咗兩個朋友食飯，有個朋友臨時有嘢做要9點先收工，朋友就提議去佢工作地點元朗食，時間差不多我們相約去又新街，朋友推介多多雞大排檔，朋友仲話開到零晨四點，再夜啲都無問題。即時點了幾個招牌小菜，招牌即燒炭火靚雞及瓦缸炭燒豬頸肉，呢兩個菜式即叫即製作，其他地方好少食到真正炭燒，好香炭火味道，雞皮好脆卻少了肥膩感覺，豬頸肉同樣外脆內嫩點泰式醬汁更惹味。炸大腸炸到大腸皮脆卜卜，裏面又唔會乾身，火喉控制啱啱好。沙嗲金菇牛肉啫煲，上枱時仲啫啫緊，火氣十足，沙嗲味夠濃但唔會咸，牛肉嫩滑大大煲，唔會粉絲多過牛肉，真材實料。東江炒米粉有蝦米、蝦皮、魷魚鬚等炒米粉，有好香蝦味有鮮味。多多雞大排檔值得推介之處，沒有華麗嘅裝潢，以出品說話，相信廚師功力係有料到，好耐無喺其他地方食到咁有鑊氣嘅小菜，回味。

傍晚来到元朗多多雞大排檔，周圍各種各樣，包羅萬象，真係食欲大開，親人一齊，一邊聊天，一邊享受，活在當下，這裡的燒雞特別受歡迎，即燒炭火靚雞.皮脆肉嫩，味道鮮美。食物種類繁多且價格低廉，低食夾大件. 人氣旺盛.深受街坊歡迎。//招牌脆皮碳燒雞大大隻招牌脆皮碳燒肥雞的口感非常獨特，外皮酥脆，內裡的雞肉則保持多汁嫩滑。每一口都充滿層次感。熱辣辣. 好誘人，肉質脆香爽酥，放在台上，發出陣陣雞香味，汁多鮮嫩，加支啤酒，另捨不同又好味//鮮菠蘿炒咕嚕肉咕嚕肉食出行情，勁惹味，酸甜汁好下飯，配上菠蘿及椒片。份量大。肉爽汁正。//蒜蓉粉絲蒸頭骨腩蒜蓉的香氣濃郁，粉絲柔軟吸收了蒜蓉和肉汁的味道，變得更加美味，入口爽滑彈牙.頭骨腩的肉質半肥瘦，經過蒸煮後非常嫩滑，帶有一點點的嚼勁，與粉絲的柔軟形成對比，讓整道菜的口感更加豐富.//金銀蒜蒸開邊蝦蒜蓉分為金蒜和銀蒜，金蒜是炸至金黃的蒜蓉，帶有酥脆的口感，而銀蒜則是生蒜，保留了蒜的鮮香.蝦肉經過蒸煮後非常嫩滑，保留了海鮮的鮮甜味道。開邊處理讓蒜蓉的香氣更好地滲入蝦肉中，使每一口都充滿蒜香.整道菜的口感是蒜蓉的香脆與蝦肉的嫩滑相結合，讓人回味無窮.//潮州仔（煎

有日在元朗四圍閒逛, 見到一隻 “站立的燒雞”! 原來是一家大排檔, 本著萬物均可啫啫煲的原則經營, 超多街坊幫襯, 想必味道必定好, 相約超愛食雞的媽媽一起去! 招牌即燒雞 ~ 即叫即燒, 需時30分鐘, 所以一有位座, 菜單還未看便先下單! 果然完全無失望, 皮超級超級脆, 肉質嫩滑多汁, 調味完全不濃重, 超讚! 雞可以要師傅剪開, 我們喜愛原汁原味, 自行手撕, 店家會給即棄手套及較剪! 白灼鵝腸 ~ 完全沒異味, 很爽脆, 每條鵝腸也很粗很厚, 底下墊了爽甜芽菜, 愛了!蝦醬黑毛豬煲 ~ 打開蓋的一刻真的超級香! 黑毛豬肉片入口沒有很油, 油脂很甘香, 入口爽脆! 蝦醬更是點晴之作!金銀蒜蒸開邊蝦 ~ 份量超級多! 隻隻蝦也十分鮮甜, 去腸夠乾淨, 最欣賞是底下的粉絲, 盡吸精華的所在!雖然坐外邊, 但晚上氣溫沒那麼熱, 還有大大個風扇吹著, 邊食邊喝啤酒, 就是一個字 “爽”! 

難得三五知己相聚，想要熱熱鬧鬧小酌一杯，大排檔是一個很不錯的選擇 🍻🔸招牌即燒雞 $198即叫即燒需時 20 分鐘左右 🔥 店員會先呈上原隻燒雞，然後可以選擇交回廚房處理，或是自己剪開 ✌🏻 雞皮燒得很脆，肉有一點點乾，不過配啤酒一流！🔸菠蘿咕嚕肉 $138色香味俱全！酸酸甜甜味道剛剛好，炸得又很脆，重點是用新鮮菠蘿 🍍🤩 還很夠鑊氣好好吃！🔸椒鹽鮮魷 $138一點都不韌，香脆可口 👍🏻 喝酒必點 ！🔸椒絲腐乳炒通菜 $78份量很多很大一碟，通菜新鮮爽脆 😍🔸豉油王鵝腸 $118下面有芽菜，配上醬汁味道十分不錯 🙌🏻

呢日去搵個元朗朋友食飯👯‍~去咗呢間唔太顯眼嘅大排檔,但勁有舊式大排檔風味😍~令人忍唔住想叫啲炸嘢同飲返幾杯🍺~佢最出名就係呢個招牌即燒雞🐔,原隻即燒🔥,所以要等30分鐘⏳️~但燒雞真係做到皮香肉嫩,上檯仲勁多汁💦~而啲肥膏燒到融晒,只剩返塊皮好似紙咁薄🤏,又香又脆~餐廳會俾埋較剪同手套✂️,拆雞都比較方便~另外點咗炭燒豬頸肉🐷,頭尾位燒得脆脆地,鹹香惹味~仲有個酸辣醬可以點🌶,食落無咁油膩~嚟大排檔點可以唔叫炸嘢😋?!佢嘅椒鹽鮮魷炸粉薄,又係脆卜卜嘅~佢嘅椒鹽系列有好多嘢食揀🐟~用嚟送酒🍻,同朋友吹水食就最啱🗣~最後叫咗個菜粉絲煲🥬,清清腸胃~個煲好足料,粉絲吸收晒湯汁好好味,連個湯都飲埋,好甜🥣~呢間大排檔仲開到凌晨4點🕓~夜晚瞓唔著落嚟食個宵夜得🛌~約埋班friend食嘢吹水到晏一晏唔走都得~Klook 3%優惠碼: HELENCKLOOK